¹ Mbo Kaisarea keo erai kongo ulun yo karan se Kornelius, iyo ene kmndan tentara Italia. ² Io buen, io diang eka ulun erai bua lou ene takut epo Allah diang yo deo die sokoi epo ulun Yahudi diang jono Sembayang epo Allah. ³ Yo keo pengkito, kira-kira jam tolu dului, iyo kito jlas erai kongo Mlekat Allah sumba lang lou iyo laju ngulek epo yo: "Kornelius!" ⁴ Yo meti Mlekat ene diang pengenanam takut iyo bunyal: "ise ene, Tuhan?" tuing Mlekat ene: "eka sembayang ko ene diang die sokoi ko ene sundok dombo po Hadirat Allah, diang Allah k'nop se iko. ⁵ Tempo ndo, suyu ko tenu-tenu kongo epo Yope nte ngalek erai kongo ulun nan karan se Simon yo tinompapa se Petrus. ⁶ Io nsan mo blai ulun tukang gadoh upak yo nan karan se Simon, Io nongos dmpet pantai. ⁷ Sundok Mlekat yo bunyal diang iyo ene ngendikah io, bomba yo duo kongo anak bua yo diang erai kongo prajurit iyo buen ket dero iyo tuju kerai diang io jati. ⁸ Des sundok io ngnjlas eka nau umbang ene epo dero, io smuyu dero epo Yope. ⁹ Manin yo des dero tolu aso la boyan dempet se kota Yope, kira-kira jam duo b'las tenga olo, dombo Petrus epo lang lou kakan sembayang. ¹⁰ Yo kiso sietlau kakan kuman, tapi des desung skurai kolan-kolan se roh iyo diliputi kuasa ilahi. ¹¹ Pngitan iyo langit wingkang keo kakas diwa kati nau diris sae yo bgeweng mbo opat p'du nului epo tana. ¹² Lang ne keo bemasam karan korik yo botis opat, korik yo s'lor diang m'pulu. ¹³ Io kringo oyon yo ngulek epo io: "uat iko Petrus, semb'le laju okan ko!" ¹⁴ Tapi tuing ke Petrus: m'ba, Tuhan, m'ba, aku belo pini kuman ise yo dion diang belo brse." ¹⁵ K'ringo nua Io oyon kduo derang yo ngulek epo Io: "ise yo kate nokan ulek Allah belo kate iko ngulek dion." ¹⁶ Ene terjadi sampe tolu derang terus sundok ene rengkat kakas ene n'de epo langit. ¹⁷ Petrus ngenanam kanam nau umbang pengitan yo ene. Montuk diang ene ulun-ulun yo suyu Kornelius sampe mbo bowa jawong, kakan ngunti rendong lou belai Simon. ¹⁸ Dero momba laju ngunti, bahe ulun yo karan se Simon yo benomba Petrus keo nongos mbo lou' mne mne. ¹⁹ Desung Petrus mikir nau pengitan io ene, Roh ngulek: "keo tolu kongo ulun meto iko. ²⁰ Uat aut, diwa iko po iwa lane brangkat diang dero, nang ka iko ragu, koe Aku yo nyuyu dero dido. ²¹ Petrus diwa nyeruku dero laju ngulek "Aku se ulun eto kam ene ; ise karan ju' lang kam due?" ²² Tuing dero : "Kornelius, kmndan tentara ket Roma ngirim kain dido. io ene ulun yo buen kesong ai takut se Allah, terkenal se ulun buen mbo ekang bangsa Yahudi, kuli prenta ket Allah tete mlekat kudus, apa io ngundang iko epo lou io, kakan nempaning nau umbang kesah surah ngket iko." ²³ Io metua dero nsan mbo mne erai malom. Rda ruko ma manin io brangkat diang dero, keo lou ulun percaya ket Yope lumpat diang io. ²⁵ Des Petrus sumba, Ulet kornelius nyake io, ulak laju nyongkop la onon botis io, io nyembah petrus. ²⁶ Petrus mekakat io, ulek petrus : "akat ka, aku ene ulun biasa kati iko lou." ²⁷ Desung io bkesah surah diang Kornelius, io sumba laju kito se deo ulun bekumpul. ²⁸ Io ngulek epo dero : "Tau be ikam, se nusan nang beta yo ulun Yahudi kerai diang ulun-ulun yo mak se ulun Yahudi ketine low sumba epo lang lou belai dero. Tapi Alla memekelak epo aku, se belo kate ngulek erai2 ene lonsa ai remis . ²⁹ ene se moko aku belo boyat bomba kam nte ulet dido. des endo aku kakan tau, ise moko ikam momba aku." ³⁰ Tuing Kornelius,opat olo aut lalo kira-kira kati jam ktindo, jam tolu dului, desung aku sembayang mbo lou.kolan ka se keo ulun akat la onon ku, pakayan iyo ngnsilau. ³¹ Iyo ngulek po aku: Kornelius doa ko sudak dingo Alla diang-Io sudak knop die sokoi ko. ³² Suyu ko ulun epo Yope ente ngalek Simon iyo tinompapa se Petrus, Iyo nongos mbo lou Simon,iyo tukang gadoh upak, iyo nongos dmpet pantai. ³³ koe ene resi suyuku ulun ulet epo Iko , iko sundok ulet diang buen pngnanam.tempondo kain sundok keo mndo' la onon Alla ente nempaning ise Iyo ptua Alla epo lko.'' ³⁴ Abis ene mulai Petrus bkesah, iyo ngulek:" sbeta iyo aku sundok tau ,se Alla belo ngembeda ulun. ³⁵ ulun ngket bangsa mone-mone iyo takut se-Iyo ai nglaku io buen yo sngkono mbo Iyo. ³⁶ Ene doko' firman yo suyu yo snampe epo ulun-ulun Israel, firman iyo ngesah damai sjahtra ngket Yesus Kristus, Iyo ene Tuhan ulun eka-eka. ³⁷ Iko tau yo ise-ise yo terjadi mbo mupus tana Yudea, mulai ngket Galilea, des sundok baptisan yo sundok surah Yohanes. ³⁸ Soal Yesus ngket Nasaret: ktimbe Allah ngurapi Iyo diang Roh kudus ai kuat Kuasa, Iyo malan nglekum denia mne ulak gawi buen diang mkale ulun-ulun yo snumban setan, ke Alla diang Iyo. ³⁹ Ai kain endo ulun iyo kito ise-ise gawi gata iyo mbo Yudea ktine lou mbo Yerusalem; ai dero iyo sundok ngmpate diang nggeweng Iyo mbo kayu salib. ⁴⁰ Yesus ene sundok pesuli Alla des olo ktolu, ai Alla sngkono, se Iyo mkelak kompu. ⁴¹ Belo di epo mupus bangsa, tapi epo saksi-saksi, iyo onon ene sundok tunjuk Alla, io doko epo kain iyo sundok kuman nyingkap diang Iyo, sundok Iyo nyuli ket ekang ulun mate. ⁴² Iyo sundok nyuyu kain ngesah epo pupus bangsa diang bsaksi, se Iyo ene yo tunjuk Alla nte jadi hakim ulun-ulun bolum diang ulun-ulun mate. ⁴³ Nau umbang Iyo ene eka-eka nabi bsaksi, se ise-ise yo persaya epo Iyo, io anta kuli ampunan dosa koe karan Iyo. ⁴⁴ Des Petrus desung ngulek ketine', diwa' Roh Kudus epo' ombon eka' ulun yo' nmpaning pamusara' ene'. ⁴⁵ Diang eka' ulun persaya' ngket kelompok yo' kenatep yo' lumpat Petrus, ngrngao, koe' kito se karunia Roh Kudus tnudak epo' ombon bangsa-bangsa yo' mak low, ⁴⁶ koe' dero' kringo' ulun-ulun ene' besara' lang basa' roh ai muji Alla. Trus ulek Petrus: ⁴⁷ "Kate be ulun ngusan nte, ngmbaptis ulun-ulun endo' diang danum, pdahal dero' sundok kuli' Roh Kudus kati' taka'?" ⁴⁸ Peles yo' nyuyu' dero' bnaptis lang karan Yesus Kristus. Laju' dero' tindu Petrus, apa' yo' nongos tenu'-tenu' olo aso sama-sama diang dero'.