¹ Ulek Imam Olai: "Beta be pemensara ulun ene?" ² Stefanus nuing : " O tuon-tuon, erai buntung-erai buntung diang bapa-bapa bes, tempaning kam ta! Se Allah yo Mahamulia sundok mekelak kompu tonga Io epo itak kakah taka Abraham des io aso la Mesopotamia, onon io nongos mbo Haran, ³ Allah ngulek epo io : Baling iko ngket negeri ko diang ngket kluarga ko diang beju iko epo negeri yo kakan tutuiKu epo iko. ⁴ Jadi Abraham baling ngket negeri ulun Kasdim,ai nongos mbo Haran. Trus sundok bapa io mate, Allah nyuyu io pindah epo tana endo, yo awa kam nongos tempo ndo; ⁵ diang mbo mne ndok belo ksae dola botis Allah mie tana psaka epo io, tapi Allah janji kan mie tana ene jadi mpun io sampe keturunan io, padahal des ene io belo pian keo pea. ⁶ Allah sundok besara epo io, se keturunan io nte numpelmbo denia ulun asing diang nte jadi batak ulun diang kono tindas opat jatus taun kola yo. ⁷ Diang Aku kan ngukum bangsa yo ngembatak dero, ulek Allah, diang sundok ene dero baling ngket mne diang sembayang epo Aku mbo mndo. ⁸ Trus Allah mie epo io perjanjian katep; ene moko Abraham nganak Ishak, trus ngatep io olo ke walu; diang Ishak nganak Yakub, diang Yakub nganak duo belas bapa ulun tuo taka. ⁹ Koe kesong iri bapa-bapa ulun tuo taka ngenjual Yusuf epo Mesir,tapi Allah dang io trus, ¹⁰ diang ngelopos io ngket bolum tindas ulun ai mie io kasih karunia diang hikmat, des io ngadap Firaun, raja Mesir. Firaun nengkuat Yusuf jadi penguasa mbo pupus tana Mesir diang mbo istana io. ¹¹ Moko ulet bala lau mbo pupus tana Mesir diang tana Kanaan diang low bolum beta-beta bnasa, jadi itak kakah taka belo kuli nte okan. ¹² Tapi des Yakub kringo se mbo tana Mesir keo gandum, jdi ene tla io nyuyu itak kakah taka ngenyo epo daro; ¹³ des pengenyo dero ke duo Yusuf mekenal diri io epo erai buntung erai buntung io, ene moko Firaun jadi tau asal-usul Yusuf. ¹⁴ Sundok ene Yusuf nyuyu dero ngalek Yakub, bapa io, diang eka-eka keluarga io,kdeo dero turu pulu limo kongo. ¹⁵ Trus Yakub malan epo Mesir. Mne io mate, io diang itak kakah taka; ¹⁶ antu dero pnindah epo Sikhem diang pnayak lang pengelowong yo boli Abraham pakai uang perak ngket anak-anak Hemor mbo Sikhem. ¹⁷ Des jeman yo jnanji ene makin dempet, janji yo tampa Tuhan mitek Abraham, makin deo lou bangsa ene mbo Mesir. ¹⁸ Sampe bangkit erai kongo raja yo mak mbo tana Mesir, yo ene raja yo belo kenal se Yusuf. ¹⁹ Raja ene nipu ngakal bangsa taka ulak neriau itak kakah taka, apa dero nyuyu moding pea-pea dero yo bayu kinomekus, apan bangsa taka ene belo berkembang. ²⁰ Des jeman ene Musa kinomekus, Io ene buen nau mbo mato Allah. Tolu bulan kola io nasi mbo lou bapa io. ²¹ Likas ene dero moding io, tapi pea Piraun yo bawe ninduk io laju mekolai kpea Musa ene kati pea yo se ²² Musa ene benatuk kati hikmat ulun Mesir, ulak io ene keo pengaruh olai mbo bkesah surah maupun mbo gawi gata. ²³ des Musa ene ketuo sekitar opat pulu taun, sulet pengenanam io kakan ngeruku erai buntung - erai buntung io, yo ene ulun-ulun Israel. ²⁴ Des io kito erai kongo ulun Israel kono kurou ulun Mesir , Musa ngawat diang ngembela ulun ene laju ngempate ulun Mesir ene. ²⁵ Lang keno io apan ulun2 israel ene tau se Allah makai tangan io nte nyelamat dero, tapi dero belo paham. ²⁶ Des molo manin, io ruku duo kongo ulun Israel desung ruok, io beseronu nenggang dero, ulek io, "teman-teman, ikam ene kerai buntung, ise moko ikam bako pesiet sama ikam se?". ²⁷ Tapi erai kongo yo sala epo teman yo ene menolak Musa laju ngulek, " ise yo ngengkat iko nte jadi pengutok diang hakim nte kain?. ²⁸ Bahe iko kakan ngempate aku lou, kati gawi ko pre se ulun Mesir ene?. ²⁹ Kringo penyurah ene, Musa makat ai bolum jadi ulun nyumba mbo tana Midian. Mbo m'ne Io nganak duo pea song. ³⁰ Des sundok opat pulu taun melak epo Io erai kongo malaekat mbo padang gurun tunden Sinai lang dolan api yo baling ngket lang jaba dikut. ³¹ Musa eran nau pengkito Io ene, des Io malan po m'ne meti po dempet ulet oyon Tuhan epo Io: ³² Aku endo Alla itak kakah ko, Alla Abraham, lshak diang Yakub. Musa ngrkitik, Io belo ronu meti oli. ³³ T'rus Firman Alla epo Io: osu trumpak ngket botis ko ke awa, ko akat ene, tana yo kudus. ³⁴ Aku sundok tau nau keb'nasa ulunKu mbo tana Mesir diang Aku sundok kringo srita bnasa dero ene, Aku sundok diwa n'te ngawat dero; koe ene epo ndo iko, iko kakan suyuKu epo tana Mesir. ³⁵ Musa ene, yo sundok tolak dero, ulek dero: ise nngkuat iko jadi pemimpin diang hakim? Musa ene sundok senuyu ke Alla nte pemimpin diang penyelamat ke malaikat, yo sundok memekelak kompu tonga mbo jaba dikut. ³⁶ Yo ene moit dero baling diang nampa mujizat-mujizat tanda-tanda mbo tana Mesir, mo Tasik Mea diang mo padang gurun, opat pulu taun kola yo. ³⁷ Musa ene lou yo ngulek epo ulun Israel: Erai kongo nabi kati aku endo kakan psuli Alla nte ngkam ngket ekang erai buntung-erai buntung kam. ³⁸ Musa endo nte jadi pngekang lang sidang jmaah ela padang gurun, ela ekang mlekat yo berfirman epo iyo ela tunden Sinai diang itak kakah taka; iyo ene doko yo nrima firman yo nte bolum ene, nte snampe epo ikam. ³⁹ Tapi itak kakah taka belo kakan ngaya diang Iyo, mlahan dero nolak Iyo, lang kesong dero kakan mulik nua epo tana Mesir. ⁴⁰ Epo Harun dero ngulek: "Tampa ko nte kain tenu-tenu allah nte malan onon kain, koe Musa endo yo mimpin kain baling ngket tana Mesir, kain belo tau ise pngkono iyo. ⁴¹ Jadi des ene dero nampa spatung anak lembu ai mie persembahan epo berhala ene, ai dero snang diang pnyentampa yo tampa dero se. ⁴² Allah skuleng ket dero, ai ngbebas dero bribadah epo bala tentara langit, kati yo tnulis lang kitab nabi-nabi: Pini be ikam endo mie korik snombele diang persembahan epo Aku, kola opat pulu taun mbo padang gurun ene, o,ulun Israel? ⁴³ Belo pini, mlahan ikam nglembar kemah Molokh ai bintong dewa Refan, patung-patung yo tampa kam nte smbah. Ene doko Aku moit ikam epo awa pngoding, sampe mpai Babel. ⁴⁴ Kemah ksaksian keo diang itak kakah taka ela padang gurun, kati nau yo suyu Allah epo Musa nte nampa kati sontoh yo kono eti iyo. ⁴⁵ Kemah ene yo trima itak kakah taka ai diang pimpinan Yosua noit sumba epo tana endo, yo des tana endo snorabut ket bangsa-bangsa mak yo nusir ke Allah ket onon itak kakah taka; ene sampe epo jaman Daud. ⁴⁶ Daud sundok kuli kasih krunia ela onon Allah ai iyo tindu, apa iyo kate nengkuat awa nongos Allah Yakub. ⁴⁷ tapi Salomo yo nengkuat erai bua lou nte Alla. ⁴⁸ tapi Alla belo nongos lang ise yo tampa kayang ulun, kati ulek nabi: ⁴⁹ Langit ene takhta-Ku, ai bumi awa pengakat botis-Ku. Lou ise yo kakan tampa kam nte Oki, ktine ulek Tuhan, awa ktimbe nte Oki nongos ? ⁵⁰ Belo be kayang-Ku se yo nampa ene ? ⁵¹ Oo... ulun-ulun koroy utok ai belo katep kesong ai tlingo, ikam tuju menentang Roh Kudus, sama kati itak kakah-kam, ene lou ikam ene. ⁵² Ise po nabi-nabi yo belo kono pjal itak kakah-kam ? bahkan dero ngempate ulun-ulun ono yo ngesah tentang ulet Kristus, yo tempo endo yo sundok khianat kam ai pate kam. ⁵³ Ikam sundok nerima hukum Taurat yo pesampe mlekat-mlekat, tapi ikam belo ngaya. ⁵⁴ Des anggota-anggota Mahkamah Agama nempaning ene, kesong dero kati kono towok. jadi dero menyambut yo diang ngrekiot kukut. ⁵⁵ tapi Stefanus, yo ponu diang Roh Kudus, donga epo langit, lalu kito kemuliaan Alla ai Yesus akat bika sanan Alla. ⁵⁶ trus ulek io : " beta-beta, aku kito langit tebuka diang Pea Ulun akat bika sanan Alla." ⁵⁷ Koe ene dero nyoyar diang nokom tlingo bayu rendu dero ngurem iyo. ⁵⁸ Dero matak iyo baling se kota laju nurak iyo, ai saksi-saksi ene mayak jubah dero onon botis ulun song burok keo karan se Saulus. ⁵⁹ Des dero nurak iyo, Stefanus bedoa, "O,Tuhan Yesus, terima ko roh ku." ⁶⁰ Sambil berlutut iyo momba diang oyon ries,"Tuhan, nang tenanggung dosa ene epo dero." desung iyo ngulek ene mate ka iyo oli.