¹ Keo ulun karan io se Ananias,diang bawe io karan se Safira yo ngejual erai petak tana. ² Bawe yo pun tau lou se io nahan sbagian ngket asil ngejual ene ai noit sbagian ai penayak onon botis rasul-rasul. ³ Tapi Petrus ngulek ktindo: "Ananias ngke mbe kesong ko dapet atur iblis, sampe iko nampa eta epo Roh Kudus ai nahan pengkuli ngket asil ngenjual tana ene? ⁴ Kola tana ene belo dijenual, belo beh tana ene aso mpun ko, ai sundok jenual, belo beh hasil io tetap aso mpun ko se? Ngke mbe mko iko ngerencana gawi ketine long kesong ko? Iko belo nampa eta epo ulun, tapi iko nampa eta epo Allah. ⁵ Des kringo pemensara ene Ananias pukan ia abis kesong, jadi eka-eka ulun takut beta kringo hal ene. ⁶ Laju ulet tenu-tenu ulun burok; dero ngembungkus antu ene,trus ngoson antu ene epo baling ai moit po ngelowong iyo. ⁷ Kira-kira tolu jam sundok ene bawe Ananias sumba,tapi io belo tau ise yo sundok terjadi. ⁸ Ulek Petrus epo io; "Ulek ko ta po aku,ene memang be kroa uman tana jual ko ene ?"tuing bawe ene; "Beta kroa ene" ⁹ Petrus ngulek epo io, "ise moko ikam duo sepakat nyoba Roh Tuhan? Eti ko, botis dero yo sudok ngubur song ko sundok keo mo jawong, dero ene kakan ngembar iko po baling. ¹⁰ bawe ene lansung pukan, nge ka kesong dempet botis Petrus. eka ulun burok sumba ngeruku bawe ene mate io aut, dero moit bawe ene po baling ngubur io mo isan song io. ¹¹ maka jemaat diang eka ulun takut bah kringo nau ene. ¹² Deo tanda diang mujisat terjadi mo ekang ulun-ulun ene tete tangan rasul-rasul. eka dero mo serambi Salomo, erai kesong. ¹³ tapi belo keo erai kongo pun yo ronu bekerai diang dero, dero sangat dihormati ke ulun deo. ¹⁴ ke ene terus ketambah ulun-ulun yo percaya po Tuhan, baik yo song-song ai bang bawe. ¹⁵ dero lou moit ulun k'roton po boyan, melumbi dero ban awa penurui diang tilam, apa ena Petrus lalo, amba io kate kono sebagian dero. ¹⁶ la lane keo ulet ulun deo ngket kota-kota mo sekitar Yerusalem, moit ulun k'roton yo s'numban ke roh-roh triau, diang eka dero ale. ¹⁷ penyundok yo pengutok Imam sulet, diang pengikut yo ulun-ulun saduki, ulak dero ene meroa diang pengenanam iri. ¹⁸ Dero nangop Rasul-rasul ene, bayu ningkos dero epo lang penjara. ¹⁹ Tapi des denia malom mlekat Tuhan ngingkang jawong penjara laju moit dero baling, ulek mlekat ene, ²⁰ "daro ikam, akat mbo bait Allah, surah kam epo ulun eka nau umbang Firman yo bolum ene. ²¹ Dero kringo ene, dero sumba lang bait Allah ket ma olo laju nutui matuk. sementara ene pengutok imam diang pengikut-pengikut yo, nyuyu anggota dewan agama begumpul diang pengeka tuo-tuo Israel, dero nyuyu petugas ngalek Rasul-rasul ene ngket penjara. ²² Tapi petugas yo daro ene belo keo ruku se rasul-rasul ene lang penjara, laju mulik epo ngelapor. ²³ "kain kito se jawong penjara ene tekunci rapat ulak keo pengawal ngenjaga mbo jawong, tapi des kain sumba epo dalom, belo keo ulun lang ne." ²⁴ Des pengutok pengawal bait Allah diang pengutok imam-imam kringo laporan ene, dero bengong ise nau umbang yo moko tau ketine. ²⁵ Montuk diang ene keo ulun sulet laju ngulek epo dero, "ulun-ulun yo penjara kam ene desung akat lang bait Allah nutui matuk ulun deo." ²⁶ Laju oli malan pengutok pengawal diang ulun-ulun iyo epo Bait Alla, laju moit keduo rasul ene, tapi belo moit diang kois koroi, koe dero takut turak ulun deo ene. ²⁷ Dero moit dero duo ai ngadap dero epo Mahkamah Agama. Imam Besar mulai rekunti epo dero, ²⁸ ulek io: " Diang ries kain ngusan ikam duo ngajar lang Karan ene. Nyata yo, ikam sundok nemponu Yerusalem diang tutui batuk kam ene diang ikam kakan nanggung daya Ulun ene epo kain. ²⁹ Pertus ai rasul-rasul ene nuing, ulek iyo: "Taka hrus lebih taat epo Alla se epo ulun. ³⁰ Alla itak kakah taka yo sundok mensuli Yesus, yo geweng kam mbo kayu salib diang pate kam. ³¹ Io ene yo sundok pino kombo kek Alla se diang kayang sanan-Io nte Pemimpin ai Juru selamat, supaya Israel kuli bertobat ai nerima pengampunan dosa. ³² Ai kain endo saksi yo, kain ai Roh Kudus, yo die Alla epo eka ulun yo taat epo Io. ³³ Ngket nempaning oyon ene, dero siet beta kesong ai dero kakan ngempate rasul-rasul ene oli. ³⁴ Tapi keo erai kongo ulun Farisi lang Mahkamah Agama ene, karan iyo Gamaliel, ulun ene ahli Taurat yo di hormati ulun deo, io akat ai tindu rasul-rasul ene baling ile. ³⁵ Sundok ene iyo ngulek epo dero iyo lumpat bgumpul, hai ulun Israel kinonanam buen-buen ise kakan gawi kam epo ulun endo ³⁶ Des ne ulet si Teudas, iyo, ngaku se iyo ulun istimewa dan iyo keo pengikut kira-kira opat jatus kongo tetapi iyo pnate, ai bulang tuar iyo eka-eka lumpat iyo ene mapos. ³⁷ Sundok iyo, des ngedaptar masarakat, ulet si Yudas, ulun Galilea, iyo moit deo ulun lang pemberontakan iyo. Tapi iyo mate lou diang pengikut iyo eka bulang tuar. ³⁸ Koe ene aku ngesah diang iko, nang gawi dat epo dero ene. Koe ka dero, sebab gawi ene ena engke sama ulun, pasti mapos. ³⁹ Tapi ena engket ALLAH, ikam belo anta kuli ngemapos ulun-ulun ene, pyundok iyo malah iko iyo ngelawan ALLAH, nasehat ene tinorima. ⁴⁰ Dero momba rasul-rasul ene, sundok ene dero ngurou diang ngusan tutui batuk lang karan YESUS, sundok ene dero nutis. ⁴¹ Rasul-rasul ene ngendikah sidang Makamah Agama diang ego, koe dero sundok nanggap kate ente menderita kono hina koe karan YESUS. ⁴² Tongku alo dero neruskan tutui batuk dero la Bait ALLAH diang epo lou-lou ulun diang ngesah Injil se Yesus ene Mesias.