¹ Des Olo duni nte sembayang, jam tolu duluy, dombo Petrus diang Yohanes po Bait Alla ² la mne keo ulun song, yo pokung ngket pea, io hrus nelembar. Tongku olo ulun ene penayak dempet jawong gerbang Bait Alla, karan yo Gerbang Indah, io ngendoja epo ulun yo sumba lang Bait Alla ene. ³ Des io kito Petrus diang Yohanes kakan sumba Bait Alla, io ngendoja. ⁴ Ulak meti ulun ene Petrus ngulek "eti ko tah dido". ⁵ ulun lumpuh ene sekuleng meti po dero, ulak ngenanam mosung mbe dnie ise masam ket dero. ⁶ Tapi Petrus ngulek, " perak diang amas aku belo nan, tapi ise pengkeo ku kakan die ku iko. lang karan Yesus Kristus ket Nazaret, malan iko! ⁷ Iyo ng'gop kayang sanan ulun ene diang moit iyo akat. Peles lou kuat botis diang maton planuk ulun ene. ⁸ Iyo uwat akat peles malan sawa dayo ai kate nyarak dero epo Bait Allah, malan diang mensow-mensow sambil memuji Allah. ⁹ Eka-eka ulun ene kito iyo malan sambil memuji Allah, ¹⁰ Des ene dero suma tau se ulun ene gawi yo suma tunge ngendoja ela Gerbang Indah Bait Allah, dero mne kagum diang tkojet ise moko tau ketine diang ulun ene. ¹¹ io nokon nyendikui Petrus ai Yohanes, eka dero eran laju monsit, ngerepudu ngelekum dero montuk awa io nulek natar Salomo. ¹² Des Petrus kito ene, Io ngulek "lkam ulun Israel, ise moko ikam eran? ise moko ikam meti kain , ungka ka kati kain yo keo kuasa nte mkale ulun ene. ¹³ Allah Abraham Isak dan Yakub, Allah itak kakah taka, sundok memuliakan Yesus HambaNya. Io ene ulun yo sundok serah kam ai tnolak mbo onon Pilatus des io nawar nte ngembebas Io. ¹⁴ Ikam nolak yo Kudus ai yo kono, laju ikam tindu ulun tukang ngempate bnebas nte ngkam. ¹⁵ Ikam sundok ngempate pemie bolum kden, yo sundok pinosuli koe Allah ngket denia ulun mate, kain saksi io. ¹⁶ Koe diang iman lang karanIo, ulun yo itan kam endo, ulun yo keo karan ene yo nampa yo ale.Iman yo epo Yesus kate mekale yo, nte bukti epo ikam eka eka. ¹⁷ Tempo ndo erai buntung-erai buntung, aku tau se gawi kam ene diang gawi belo tau, kati gawi ket pengutok kam lou. ¹⁸ Tapi hal-hal ise yo sundok ulek Allah des ne, tete bowa nabi-nabi, se Kristus yo suyu Allah arus benasa, tempo ndo sundok pegenap Iyo. ¹⁹ Koe ene sadar diang tobat! apa pensala ko napus. ²⁰ Tuhan mekulet bolum lega ai ngutus Yesus nte ngkam jadi Kristus. ²¹ Iyo ene arus nongos ela sorga sampe jeman pemulihan, ene sundok ulek Allah aut ket bai lalo bowa Nabi-Nabi susi. ²² Musa sundok ngulek,Tuhan Allah kakan memesuli erai kongo nabi ngket ekang erai buntung erai buntung ko,ikam arus nempaning eka ise yo ulek Iyo. ²³ keo jeman iyo nindo, yo belo nempaning Nabi ene, binonasa. ²⁴ Ai eka-eka nabi ngket Samuel diang nabi-nabi sundok yo, dero sundok bernubuat diang mere nau jaman endo. ²⁵ Ikam pea waris ngket nabi-nabi diang ngket janji Allah nte itak kakah kam, kati ulek Tuhan epo Abraham, 'Ngket bini ko eka-eka keluarga mbo denia jadi kuli berkat. ²⁶ Sundok Allah memesuli Hamba-Io, Io ngirim Io epo ikam ngket tla, apa mie ikam berkat diang cara ngayak ikam ngendikah gawi triau.