¹ Des olo Pantekosta ulet, eka-eka dero bekumpul erai awa. ² Kolan-kolan sulet ngket Sorga oyon kati oyon brubu, ai eka dero yo tunge lang lou ene kringo. ³ Mbo mne nyoret epo dero dola-dola kati api mupus, diwa mitek ombon dero. ⁴ Sundok ene oli eka dero ponu Roh Kudus ai mulai bunyal diang basa yo makse-makse, kati yo die roh ene epo dero nte besara. ⁵ Des ene lane keo ulun-ulun Yahudi yo nongos mbo Yerusalem, ulun-ulun buen, ngket tiap bangsa iwat langit. ⁶ Des dero kringo oyon ene, deo ulun sulet rendu ai bengong koe kito tiap kompu dero bkesah diang basa dero se. ⁷ Dero eran ai kagum, abis ene dero ngulek, beta be ene. Itanku dero yo besurah ene ulun-ulun Galilea? ⁸ Ise moko taka keringo dero bisara lang basa taka. ⁹ ulun Partia ai Media, ai Elam, diang dero io nongos ela Mesapotamia, ela Yudea, ai Kapadokia, ela Pontus ai Asia. ¹⁰ Ela Frigia diang Famfilia ai Mesir diang bika daerah Libia dempet Kirine, diang Peri ket Roma. ¹¹ ulun-ulun Yahudi diang bangsa io mak, iyo beragama yahudi, ulun Kreta diang ulun Arab, taka keringo dero besara lang basa taka tentang kemuliaan kerajaan Allah. ¹² Dero kagum diang bengong, dero rekunti epo sama dero, "ise moko tau ketine?" ¹³ Tapi ulun-ulun io mak ngereko, laju ngulek dero ene mauk anggur. ¹⁴ Petrus akat diang sebelas Rasul , io besara diang dero diang oyon ries," ikam ulun Yudea diang io nongos mbo Yerusalem, apa ikam tau, tempaning kam penyurahku." ¹⁵ dero ene belo mauk kati otus kam ene, ko endo bayu ka jam sie ma. ¹⁶ endo Firman lalo tete Nabi Yoel, ¹⁷ Ene nindo terjadi mbo olo pengabis, Allah ngulek, "Aku miye Roh ku mitek ulun eka-eka. Pea-pea kam iyo song-bawe bernubuat, bang burok io keo pengkitan-pengkitan, iyo tuo-tuo kuli nupi. ¹⁸ Epo Hamba-Hamba-KU song-song bawe-bawe olo ene Aku kan nudak RohKu, dero jadi bernubuat. ¹⁹ Aku kan mekelak hal hal ajaib la ombo mbo langit diang tanda-tanda la iwa mbo bumi, mea kati nau daya, api ai utut ngelepukat. ²⁰ Mato olo wensut nau jadi seom ai bulan brobah jadi mea kati nau daya, onon pngulet olo Tuhan yo olai diang hebat. ²¹ ene ise-ise yo momba karan Tuhan pasti selamat. ²² Hai ulun -ulun Israel, dingo kam bunyal ku endo, Yesus ngket Nazaret, yo ene ulun yo sundok ditentukan Allah melalui gawi gata olai diang mujizat-mujizat diang tanda-tanda yo Allah ngelalo yo la tenga-tenga iko- ²³ Berdasarkan rencana yo ditentukan diang pentau Allah des ono yo sundok senerah diang iko ngket kayang ko para ngelawan hukum sundok menyalipkan diang ngempate Iyo- ²⁴ yo Allah sundok bangkitkan sundok lepas ngket kesusahan pengenate yo, karna belo masuk akal mbo yo nte yo dikuasai pengenate. ²⁵ Koe Daud sundok ngesah soal Io, aku kito Tuhan terus onon wae ku, koe Io keo ela tadah sananku, koe ene aku turon. ²⁶ Koe hal enelah aku senang ai bowaku memuji Tuhan. koe ene low penyembolumku lang percaya. ²⁷ Koe Iko belo anta nape jiwaku mbo denia ulun mate, ai lou Iko belo miye Ulun Kudus Ko kito benasa ²⁸ Iko mekelak epo aku boyan bolum. Iko nampa aku ponu diang ego la onon wae Ko ²⁹ O erai buntung aku kate ngesah epo ikam diang yakin nau Daud bapa bangsa taka, io sundok mate ai sundok knubur, ene pun kubur yo keo sampe olo ndo. ³⁰ Koe ene io ene nabi, yo sundok tau se Alla sundok bkesah diang sumpah epo io, bahwa mntunge erai kongo ulun ngket kturunan Daud yo ombon tahta io. ³¹ Io sundok kito sori olo mak malom ai sundok ngulek soal penyuli Kristus, Io pun belo di tnape mbo dnia ulun mate, ai kompu Io belo lumpat rusak. ³² Yesus yo sundok nyuli kek Allah, taka endo saksi yo ³³ Koe Io sundok nengkat epo tadah sanan Allah, ai sundok kuli Roh Kudus yo jenanji ngket Bapa, sundok mencurahkan-Nya kati yo sundok mato kam kito diang telingo kam keringo ³⁴ Koe makse Daud yo dombo epo sorga, malahan Daud se yo ngulek: Tuhan berfirman epo Tuanku: ³⁵ Tunge ela isan sanan Ku, sampe aku nampa musuh-musuh ko nte pnayak iwat dola botis ko. ³⁶ jadi eka ulun Israel harus tau diang pasti, se Allah yo nampa Yesus, yo sundok salib kam ene, nte Tuhan ai Kritus." ³⁷ Des dero kringo ene kesong dero jadi nyoru, bayu dero ngunti diang Petrus ai rasul-rasul yo mak: "ise nte kain gawi, san kam?" ³⁸ tuing Petrus epo dero: "Btobat ai die kompu tonga kam masing-masing nte baptis, lang karan Yesus Kritus nte ngampun dosa-dosa kam, diang ene ikam kuli krunia Roh Kudus. ³⁹ Koe nte ngkam janji-janji ene diang nte anak-anak kam ai nte ulun yo aso oro, yo ene kati kroa ulun yo kakan bnomba ke Tuhan Allah taka." ⁴⁰ Petrus jono ngulek ries epo dero, ulek io , " selamatkan diri ko se engket upus dat ene" ⁴¹ dero nerima ulek yo ene ai benaptis oli, ai olo ene lou kedeo dero ketambah tolu ribu kongo ⁴² Dero betekun lang tutui batuk para Rasul ai persekutuan, merinsi-rinsi roti diang sembayang ⁴³ kek keo kanam takut la dero tiap kongo ai deo mujizat diang keo penanda tete Rasul-Rasul. ⁴⁴ Deo ulun yo persaya bekumpul sama-sama diang eka pengkeo dero nte empun sama-sama oli. ⁴⁵ trus keo ngket dero yo ngenjual pengkeo iyo, trus benagi epo ulun sesuai keperluan tiap kongo ⁴⁶ Tongku olo dero diang erai pengenanam bekumpul lang bait Alla, ai dero merinsi-rinsi roti tongku lowu, ai dero bako die okan diang kesong ego. ⁴⁷ Dero memuji Alla ai dero penggawal ulun. Diang tongku olo Tuhan nambah epo dero ulun-ulun yo sundok sinolamat.