¹ Teofilus, lang buku ku yo tla bune, sundok tulisku ise-ise yo gawi gata diang tutui batuk Yesus. ² sampe epo olo ente Io epo sorga endo terjadi sundok Io miye prenta lewat Roh Kudus epo rasul-rasul Io sundok pili Io. ³ sundok penderitaan Io mkelak kompu Io se bolum epo dero diang deo bukti Io meyakinkan , keo kola opat pulu olo jono Io memekelak kompu epo dero, Io bsara epo dero soal- soal kerajaan ALLA. ⁴ Des io ngumpul diang dero maka io nyuyu dero nte nang ngendikah Yerusalem, nte nempaning janji ngket Bapa, tentang ene yo sundok ngulek, iko sundok kringo ngket Aku. ⁵ Bahwa Yohanes ngembabtis diang danum, tapi belo ola nua iko kakan benabtis diang Roh Kudus lang jangka olo epo ono. ⁶ Montuk dero sama keo, dero rekunti epo Io, "Tuhan, des jeman endo be Iko nengkuen kerajaan Israel?" ⁷ Io ngulek epo dero, " Ikam belo dikoyoh tau soal des ise jeman ise yo sundok ditetapkan koe Allah diang kuasa Io se. ⁸ tapi ikam akan kuli kuasa des roh kudus diwa mitek ikam, Ai ikam nte jadi saksiKu baik mbo Yerusalem dan lekum tana Yudea diang Samaria, sampe epo tompak denia. ⁹ Des Tuhan Yesus sundok ngulek ketine, des dero meti po ombo, Io rengkat oli, ai jaun nokom-Io engket pengeti dero. ¹⁰ Des desung dero meti po ombo ene, kolan-kolan duo kongo mlekat akat dempet dero makai diris bura. ¹¹ Dero ngulek ," iko ulun-ulun Galilea, koe mbe iko akat meti po ombo? Yesus rengkat po sorga ene, kakan ulet nua anta kati iko meti des Io dombo po sorga ene. ¹² Sundok ene dero muli epo Yerusalem ngket bukit zaitun, yo dempet ngket Yerusalem, bangsa erai olo ahad koro yo. ¹³ Des dero sampe, dero dombo epo loteng, awa dero nongos. Kompu dero ene Petrus, Yohanes, Yakobus, Andreas, Filipus, Thomas, Bartholomeus, Matius, Yakobus pea Alfeus, Simon ulun Zelot diang Yudas pea Yakobus. ¹⁴ Dero eka-eka ngumpul jadi erai awa, kati biasa yo dero bertekun lang doa. keo lou bang bawe, Maria mena Yesus, diang erai-erai buntung Yesus. ¹⁵ Des olo ene akat Petrus mbo tenga-tenga ulun deo, sekitar jatus duo pulu kongo, ketindo ulek iyo ¹⁶ "Erai buntung, penting beta tulisan Firman harus genenap, bahwa Roh Kudus sundok ngulek melelui bowa Daud mengenai Yudas Iskariot. ¹⁷ Bune io ene sumba erai ekang kain, sundok nerima bagian lang pelayanan endo. ¹⁸ Yudas endo sundok moli tana diang upa gawi dat io ene, io pun toyak ono utok' kompu io woka' atok buntung io bambur po baling. ¹⁹ Eka-eka io bolum mbo Yerusalem sundok kringo hal endo, ene doko dero ngulek umo ene lang basa dero '' Hakal Dama'' arti yo '' Tana Daya'' ²⁰ Keo memang tenulis aut lang kitab Mazmur: koe ka umo orop ai nang keo ulun nongos mbo lane ai koe ka ulun mak nte ngganti pengentuo. ²¹ Ene moko iyo arus nenambah epo kain, erai kongo ulun ngket dero yo tuju ulet epo bekumpul diang kain, des Tuhan Yesus sama-sama diang kain, ²² mulai ngket baptisan Yohanes, sampe olo Yesus rengkat epo Sorga nape kain nte jadi saksi diang kain nau pengenyuli Tuhan ene. ²³ Lalu dero ngunti dubo kongo nte diang Yusuf yo tinompapa se Barsabas iyo lou karan Yustus ene, ai Matias ²⁴ Dero eka-eka smbayang diang ngontus: "O, Tuhan, Iko yo tau kesong eka-eka ulun. Pkelak Ko ise antara duo ene yo pili Ko, ²⁵ Nte nrima jabatan lang playanan, yo ene krasulan, yo dnikah ke Yudas, yo sundok mitek epo awa yo sengkono nte iyo." ²⁶ Dero nurak undi nte ulun duo kongo ene, undi ene toyak epo Matias, ket ene io mulai lang ksebelas rasul.