¹ Mulai des olo ene raja Herodes mulai kjam epo tenu-tenu kongo ngket jmaat. ² Io nyuyu ngmpate Yakobus, erai buntung Yohanes, diang mndau. ³ Des io kito, se hal ene sngkono diang kesong ulun Yahudi, ai yo nrus gawi gata ene ai nyuyu nahan Ptrus, des ene Olo raya Roti Belo Bkompal. ⁴ Des sundok Petrus tnangop, Herodes nyuyu pinosumba epo lang pnjara jnaga ke opat regu, tiap regu masing-masing opat prajurit. tujuan yo, apa des sundok lalo olo Paskah io kakan nadap epo onon wae ulun deo. ⁵ Jadi Petrus tnahan lang pnjara. Tapi jmaat trus ngdoa io epo Alla. ⁶ Des malom onon Herodes kakan mkadap epo ulun deo, Ptrus turui ekang duo prajurit, trus bbolit diang duo rantai. mkse ene keo prajurit-prajurit desung ngdurung onon jawong. ⁷ Kolan-kolan akat erai malaekat Tuhan dmpet Ptrus ai keo pa yo ngnsilau lang ruangan ene. Trus Malaekat ene nopap se Petrus nte ngnduko io, ulek yo; " uat aut! " peles lopos rantai ngket tangan Petrus. ⁸ Ulek malaekat ene epo io; " Bolit towing ko ai snua trumpak ko !" Gawi ke io ktine lou. Trus malekat ngulek epo io; "sua jubah ko ai sarak ko aku!" ⁹ Trus io nyndikui malaekat ene epo baling ai io belo tau, se ise yo gawi malaekat ene beta-beta terjadi, omoi io ene pngkito tingen. ¹⁰ Des dero sundok ngelalo pnjaga pertama ai awa pnjaga keduo, sampe se dero mbo jawong besi tadah epo kota. Pas dero ulet jawong ene wingkang yo se nte dero. sundok sampe la baling, dero sampe ujung boyan, ai kolan-kolan malaekat ene ngendikah io. ¹¹ Ai sundok sadar se diri nyawa yo, Ptrus bunyal: "Tempo ndo bayu aku tau se Tuhan ene beta-beta sundok nyuyu malaekat-Io nte nylamat aku ngket kayang Herodes ai ngket ptua ulun Yahudi." ¹² Des sundok io ngnanam ile-ile brangkat io epe lou Maria, ine Yohanes yo tinompapa se Markus. Mbo mne deo ulun bkumpul ai bdoa. ¹³ Des io' ngetok jawong pagar, kompoh ke' erai kongo' pembantu' bawe karan io' Rode nte' tau' ise' yo' ngtok ene'. ¹⁴ Io' lansung kenal se ene' oyon Petrus, tapi' koe' ego io' belo ngingkang jawong diang io' peles sumba' nua' nte' ngulek se Petrus keo la onon jawong pagar. ¹⁵ Ulek dero' epo' bawe ene' :"Iko' ene' ngombaw". Tapi' ulek io' beta memang. Ulek dero': "Ene' malaekat io'." ¹⁶ Tapi' Petrus ngetok trus, des dero' ngingkang jawong dero' kito se io', dero' ngrngao. ¹⁷ Tapi Petrus pakai tanda' diang kayang io' nyuyu' dero' suni, trus io' nyrita' se Tuhan ngayak io' baling ngket lang pnjara' diang ulek io': "Surah kam hal endo' epo' Yakobus diang erai buntung-erai buntung taka'." Trus io' baling peles malan epo' awa' yo' mak. ¹⁸ Des olo manin prajurit-prajurit gmpar. Dero' belo paham ise' yo' terjadi mbo' Petrus endo'. Herodes nyuyu' meto Petrus, tapi' belo keo yo' ruku. ¹⁹ Trus Herodes nyuyu' mresa pnjaga'-pnjaga' ene' diang ngempate dero'. Trus io' brangkat ngket Yudea' epo' Kaisarea trus nongos mne'. ²⁰ Mara beta Herodes epo' ulun Tirus diang Sidon, tapi' dero' kompak ngadap io'. Dero' kuli narik kesong Blastus ulun begawi mbo' istana raja', epo' ngket dero', trus dero' tindu damai, koe' negeri dero' kuli okan singkap ngket awa' raja'. ²¹ Diang des olo io' tnentu', Herodes nyua' baju' pangkat raja', tunge' mbo' pnunge' raja' diang pdato' epo' dero'. ²² Diang rakyat ngenggora nuing io': "Endo' oyon Allah, makse oyon ulun!" ²³ Trus des ene' peles io' tmpeleng malaekat Tuhan koe' io' nyapa' Allah; io' mate okan lokung. ²⁴ Jadi firman Tuhan tambah tsebar diang tambah deo' dingo' ulun. ²⁵ Barnabas diang Saulus uli ngket Yerusalem, des dero' nyundok pelayanan dero'. Dero' moit Yohanes yo' tinompapa' Markus.