² Die ta awa nte kain mbo lang kesong kam! Kain belo pini keo gawi yo sala epo ndok belo erai kongo ulun, ndok belo erai kongo ulun prugi kain, ai ndok belo ngket erai kongo ulun kain meto untung. ³ Aku ngulek ktine, belo di nte mkitek ukuman epo ikam, koe ro sundok ulek ku, se ikam sundok kuli awa mbo lang kesong kain, sampe taka kerai bolum turay mate. ⁴ Aku beta-beta trus trang epo ikam; tapi aku low beta-beta nondek ikam. Mbo lang eka pamunasa kain aku beta-beta bsempae ai pngego ku mroa beta. ^{7 5} ampe ndok des kain ulet mbo Makedonia, kain belo kuli smole nte kompu tonga kain. Ela mone-mone kain kiso kanam kbenasa: ngket baling ruok bulo ai ngket dalom kanam takut. ⁶ Tapi Allah, yo nyempae ulun yo belo sombong, sundok nyempae kain diang pngulet Titus. ⁷ Mba di pulun koe pngulet iyo tingen, tapi low koe pnyempae yo kuliiyo ngket ekang ikam. Koe io sundok memetau epo kain nau umbang pengkeno kam, tangis tungul kam, ai komer kam nte ngengket aku, sampe mokin ktambah pngego ku ⁸ Jadi beta ko aku sundok nyusah kesong kam diang surat ku ene, tapi aku belo di noli. Beta ko pini aku noli, koe itan ku, se surat ku ene nyusah kesong kam - beta ko nte ile-ile tingen kolaiyo -, ⁹ tapi tempo ndo aku ego, mba di koe ikam sundok susah, tapi koe ksusah kam nampa ikam btobat. Koe ksusah kam ene yo doko ptua Allah, sampe ikam ndok belo idi-idi pinorugi koe kain. ¹⁰ Koe ksusah kati ptua Allah ngasil nte btobat yo moit epo slamat ai yo anta belo di anta nte sesal, tapi ksusah yo ngket dnia endo ngasil nte mate. ¹¹ Koe neti beta-beta bukan main ube ksusah kati ptua Allah ene nampa nte ngkam tambah msiken bkomer, sampe ngengket diri se, kanam ngriten, takut, ngeno, kmoyoh, ngukum! Ai lang eka-eka ene ikam sundok mkelak, se ikam belo di sala lang urusan ene. ¹² Koe ene, ena aku sundok nulis surat epo ikam, ene mba di koe ulun yo keo gawi sala ena belo koe ulun bnasa koe gawi gata sala, tapi apa krela kam epo kain jadi melak nte ngkam ela onon Allah. ¹³ Koe ene ka doko kain jadi bsempae. Ai pyempae yo mak yo kuli kain ene, kain tambah ego aso koe pngego Titus, koe eka ikam mrongin kesong iyo. ¹⁴ Aku nondek ikam epo iyo,ai ikam belo di ngmai aku. Kain dor ngulek ise yo beta epo ikam, ktine low pnondek kain ela onon Titus sundok melak se beta. ¹⁵ Ai kosang iyo tambah ogot se ikam, ena io knop kpatoh kam eka-eka, ktimbe nau kam nrima pngulet iyo diang takut ai ngrekitik. ¹⁶ Aku ego, koe aku kuli persaya se ikam lang ise masam.