¹ Buen beta ena ikam kate doloh diang kbungangku yo keo trini-trini endo. beta ka ikam doloh aut diang aku! ² Aku woyu epo ikam kati kwoyu Allah. Ikam ene kati bawe ngelok yo aso suci yo sundok lang janji ku nte knawen diang ulun song, yo ene Kristus. ³ Tapi aku woring bahe-bahe ikam tau jadi belo stia oli epo Kristus, sama kati Hawa bai bareh yo dapet pngaruh koe akal dat nipo. ⁴ Koe nyata yo ikam gawal ka nrima ulun yo ulet epo ikam ulak nutui matuk umbang Yesus yo mak, yo makse se Yesus yo ptau kain epo ikam. Ai ikam kakan low nrima roh ai injil yo oroh ka makse se nau roh ai Injil yo pini die kain epo ikam. ⁵ Tapi lang pngnanam ku belo low ka di baka bawo aku diang rasul-rasul yo bang nuon ene. ⁶ Ena ka aku belo di tukang bunyal, tapi ena umbang pntau, aku belo di uro. Ene sundok pkelak kain epo ikam lang deo nau umbang kola ndo jati. ⁷ Des aku ngabar Injil ngket Allah epo ikam, ndok belo idik-idik aku belo di tindu upa ngket ikam; ktine ene nampa aku se nte ela iwa. Aku nggawi ktine nte mkombo ikam. Sala be umbang oki ene mbo ikam? ⁸ Des aku nglayan ikam, jmaat-jmaat yo mak yo ngongkos aku. Dapet ulek se aku ene ngrugi dero apa aku kuli ngawat ikam. ⁹ Ena ka des jman ene aku keo kurang kambit, ndok belo erai kongo ikam keo pini kono krepot ku. Eka ise-ise yo kurang kambit mbo aku ene sinodia koe eraibuntung-eraibuntung yo ulet ngket Makedonia. Aku ngnjaga beta-beta apa aku belo ngrepot ikam mbo eka umbang urusan, ai aku ngnjaga trus apa dor kate ktine. ¹⁰ Kanam yo tondek ku endo belo di dapet loli mbo mombe ka mbo pupus Akhaya, Koe ptutui batuk Kristus yo beta ene keo mbo aku. ¹¹ Ise moko aku ngulek ktine? bahe koe aku belo di nengkosang ikam? Allah ka tau se aku nengkosang ikam! ¹² Ise ka yo gawi ku tempondo ene kakan dor gawi ku, apa "rasul-rasul" yo mak ene belo kuli boyan nte mkolai dero ulak ngeku se dero bgawi kati kain. ¹³ Ulun-ulun kati dero ene rasul-rasul plsu. Dero ene bgawi nte ngakal ulun diang memenau kati ungka rasul-rasul Kristus. ¹⁴ Belo di nte eran moko dero gawi ktine, koe ndok iblis ktine low tau memenau kati mlekat yo keo pa! ¹⁵ Jadi belo di sala umbang ena playan-playan iblis memenau kati playan-playan yo nggawi ptua Allah. Pnyundok yo dero kuli low kono bales yo sngkono diang nau gawi gata dero. ¹⁶ Aku ngulang sindai nua: Nang beta keo yo ngotus se aku bungang. Tapi ena ikam nokon ngotus se aku ktine, Lewa kam aku yo bungang endo budah nte keo kanam btondek idik-idik. ¹⁷ Sori endo oli aku kakan ngontus se keo oki tondek, tapi makse Tuhan yo nyuyu aku ngulek endo. Otang endo aku beta-beta bunyal kati ungka ulun bungang. ¹⁸ Memang deo ulun yo btondek diang hal-hal dnia, jadi aku kakan keo tondek ktine low. ¹⁹ Ikam diang kesong snang doloh epo ulun yo bungang, koe ikam kiso se pintar! ²⁰ Ikam doloh ena ulun ngembatak ikam, ulun kuli asil ngket metunjol ikam, kiso se kanam nuon beta se ikam ulun ronu nmpeleng ikam. ²¹ Aku mai beta ngangkan se kain belo keo pnjapa nte nglaku gawi ktine. Tapi ena ulun mak ronu nte nondek ise-ise, aku ronu low! (Ene umbang pnyurah ulun bungang.) ²² Ulun Ibrani be dero? Aku low ulun Ibrani. Ulun Israel be dero? Aku low ulun Israel. Upus Abraham be dero? Aku ktine low! ²³ Playan-playan Kristus be dero? Nte tempaning kati ungka oki ene ulun mapos akal, tapi aku memang playan yo buen se dero eka-eka! Aku bgawi bptungka tingen, jono tingen tningkos epo lang sper, jono tingen kono ksa ndok sampe kesong sori. ²⁷ Aku sundok jono nantai mole lokoi ai bgawi boyat, jono iyo aku sampe belo turui, nantai sietlau ai krengan, jono iyo aku puasa ka, nantai roni koe belo keo bida. ²⁸ Lngkat se ene, tongku olo nte oki kno low nau umbang eka jemaat-jemaat. ²⁹ Ena keo yo jadi loma aku lumpat kiso kanam loma-loma low. Ena keo yo nglaku dosa, belo keo kua kanam pngnanam lang kesong ku. ³⁰ Ena nte btondek, aku ene btondek diang nau pmbelo mana ku. ³¹ Allah, Iyo ene Bapa Yesus, Tuhan taka yo pnuji kden ka tau se aku belo di nampa eta.