¹ Aku arus nondek, betako nau umbang ene belo dikeo jodoiyo, tapi nau ene aku kakan nyampe pngkito-pngkito ai pesan- pesan yo kiliku ngket Tuhan. ² Aku tau nau umbang ulun Kristen; opat blas taun yo sundok lalo - baheko mbo lang kompu, aku belo ditau, baheko baling se kompu, aku belo ditau, Allah se yo tau ene - ulun ene kolan-kolan se nengkat epo tingkat tolu lang Sorga. ³ Aku tau lou nau otang ulun ene,- baheko mbo lang kompu ai baheko baling se kompu, aku dibelo tau, Allah se yo tau ene - ⁴ io kolan-kolan nengkat epo firdaus ai io kringo pemensara yo belo dapet ulek, yo belo kate knesah koe ulun. ⁵ nau ulun ene aku kakan nondek, tapi nau ku se aku belo anta dinondek, makse nau kgle-kgle ku se. ⁶ koe ena ka aku kakan nondek lou, aku makse ulun bungang oli, koe aku ngesah yo beta, tapi aku ngtep pngenanam ku, apa nang keo ulun ngreken lengkat se yo keo mbo aku yo itan dero ai dingo dero engket aku. ⁷ ai apa aku nang sombon keo pesan-pesan yo belo taro kira , koe ene aku dnie dui lang kompuku, yo doko erai wakel iblis nte ngebuk aku, apa aku nang sombong. ⁸ Nau umbang ene sundok tolu derang aku bdoa epo Tuhan, apa yo wakel iblis ene makat engket aku. ⁹ Tapi tuing Tuhan, " puli ka kasih karunia-ku nte ngko, koe lang kegele ene ube kuasa-Ku jadi sempurna." koe ene aku gawal ube btondek kanam pemenasa ku, apa kuasa Kristus diwa ngugu aku. ¹⁰ Jadi aku ego diang nau pembelomana ku. aku ego lou ena koe leka Kristus aku kono ptenah, aku kiso kanam bolum poyo, dor dnasu, ai kanam bsisong. koe ena aku belo keo kuat kalu mne ube aku galak. ¹¹ Sebeta iyo aku sundok jadi bungang; tapi ikam yo maksa aku. Sebeta iyo aku harus ngkam puji. Koe tontanko aku ndok belo idi-idi keo jodo, tapi eka lang nau umbang aku belo dikalah engket rasul-rasul yo ebat ene. ¹² eka ise masam yo jadi bukti se aku ene rasul, sundok nelaku , mbo ekang ikam diang bol kdoloh, diang tanda-tanda, mujizat-mujizat ai kuasa-kuasa. ¹³ Koe lang nau umbang ise po ikam pinosori se diang jemaat-jemaat yo mak, yo makse se lang nau umbang endo, yo doko se aku se belo di jadi nte nengkoyat epo iko? Ikam ka ngampun kbelo adil ku endo! ¹⁴ Sebeta yo tempondo sundok nte ketolu derang iyo aku siap nte nuntun ikam, ai aku belo di anta nengkoyat ikam. Koe makse pengkeo kam yo eto ku, makse ko ikam se. Koe makse se bang pea yo harus naket pengkeo nte ulun tuo iyo, tapi ulun tuo ube nte pea-pea iyo. ¹⁵ Koe ene aku gawal magi pengkeo ku, lengkat se ene aku mie komputonga ku nte engkam. jadi ena aku nengkosang ikam beta-beta, masa aku mokin kurang knosang? ¹⁶ Buen ka, aku se belo di nte nengkoyat ikam, tapi- ulek kam - lang kepintar ngakal ku aku sundok ngakal ikam diang akal triaw. ¹⁷ Koe ene pini be aku naket asil engket ikam koe erai kongo engket dero, yo suyuku epo ikam? ¹⁸ Betako aku sundok tindu Titus nte daro ai sama-sama diang iyo aku nyuyu erai buntung yo mak ene. Keo be Titus ngalek asil ngket ikam? Belo be kain duo bolum patoh epo roh yo sama ai belo be kain bgawi bgata kati sara yo sama? ¹⁹ Sundok ola ungka yo ikam nundruh, se kain kakan nyembeta se kaise onon ikam. Mbo onon Allah ai koe nte Kristus kain ngulek: eka-eka endo, erai buntung-erai buntungku yo knosang, terjadi nte mturon iman kam. ²⁰ Koe aku kwater, se ena des aku ulet aku ruku ikam belo di kati nau yo pengkakan ku ia ikam ruku se aku belo di kati nau yo pngkakan kam. Aku kwater tau keo salotangki, iri isak, briek mara, ngenuon diri se, ptnah, komis-komos, mkolai diri se, ai ruok rame. ²¹ Aku kwater, se ena des aku ulet nua, Allahku anta mekiwa aku onon ikam, ai se aku anta belo buen pngenanam epo deo ulun yo bune nampa dosa ai belo ganggu btobat engket triaw, ngket gawi gata pokeng, ai gawi gata dero yo belo keo adat.