¹ Tapi Roh diang tgas ngulek se anta-anta yo, keo ulun yo baling ngket iman nyarak roh-roh yo nte nampa tang ai lumpat tutui batuk setan-setan ² koe pngaruh pnampa eta yo kno kesong io makai tok ngket dero. ³ Dero ene ngusan ulun kawen, ngusan ulun kuman okan yo pnytampa Allah apa diang ngulek sukur nokan koe ulun prsaya yo sundok tau nau yo kono. ⁴ Koe eka yo sundok tampa Allah ene buen, ndok belo erai yo dnion asal tinorima diang ngulek sukur, ⁵ koe eka yo ene kudus koe firman Allah ai koe doa. ⁶ Diang trus mknop nau umbang ene epo erai buntung-erai buntung taka, iko nindo jadi ulun playan Kristus Yesus yo buen, sundok bnatuk lang soal tondal iman taka ai lang turui batuk yo slomai yo sundok nelumpat koe ko kola ndo. ⁷ Tapi nang ko tempaning pntau pntoan ai sempuri itak-itak tuo. ale iko ngnau smbayang. ⁸ nglatih kompu tonga ene idok jodo yo, tapi ibadat ene nte deo jodo, koe keo janji, nte penymbolum tempo ndo ktine low nte penyembolum anta yo. ⁹ pnyurah endo beta ai snaron yo tnorima ndok eka. ¹⁰ Ene doko moko taka panas molus bkomer, koe taka mayak pngarap taka epo Allah yo bolum. juruslamat tongku ulun, yo ono nte dero yo prsaya. ¹¹ Sampe Ko ai tutui batuk ko eka-eka ene. ¹² Ndok nang keo erai kongo ulun kate ngotus iko ene uro, koe leka iko aso burok. moko yo iko ene jadi sonto nte ulun-ulun prsaya, nau mbo bkesah surah, mbo gawi gata, mbo die sokoi, mbo kesetia ko, ai mbo kbrse ko. ¹³ Ktine ka ene, sampe aku ulet iko arus tetap beta-beta ngmbasa kitab-kitab susi, lang nengkuat ai nte nutui matuk. ¹⁴ Nang kewot makai karunia yo keo mbo iko ene, yo sundok dnie epo iko ngket nubuat ai diang tenumpang tangan koe pembela sidang. ¹⁵ knop-knop iko nau ene nang keo liu, bolum ko lang ne apa pnduan iman ko melak epo eka ulun. ¹⁶ Jaga nau ko se ai ktine low nau tutui batuk ko se ulun. tetap beta-beta lang eka-eka ene, koe diang ktine iko nylamat iko se diang eka-eka ulun yo nempaning ngko ene.