¹ Beta pengesah endo: " ulun kakan tugas nte pngawas jemaat nengkakan gawi yo paling buen," ² koe ene pengawas jemaat arus yo ulun belokeo bila molon, song engket erai bawe, kuli nahan pngnanam, bijaksana, sopan, gawal nampung ulun, pintar matuk nutui ulun, ³ mak se pemauk, mbadi tuju mara tapi buen diang ulun, penengkuen, mbadi batak sen, ⁴ pngutok kluarga yo buen, pea-peaiyo takut ai hormat epo io ⁵ ena ulun belo tau ngurus kluarga yo se, ktimbe nau io kuli ngurus jemaat Allah? ⁶ Nang io ulun yo bayu btobat, apa nang io jadi sombong ai kono ukum iblis. ⁷ Arus io lou keo karan buen ela baling se jemaat, apa io belo tuntut ulun ai belo toyak epo lang akal iblis. ⁸ Ketine lou pembela sidang arus ulun terhormat, nang duo dola, nang tuju balo se anggur, nang ugoh, ⁹ tapi ulun io tau ngenjaga atok Iman yo melim lang pngenanam yo brese. ¹⁰ dero lou arus snoba ile, bayu pnili ente playanan ene des sudok melak se dero ene belo keo bilamolon. ¹¹ Ene lou bangbawe eru io ulun terhormat, tukang mtenah, nang jues balo ai jujur lang eka-eka soal. ¹² pembela sidang arus song engket erai bawe ai kuli ngurus pea-peaiyo ai kluargaiyo diang buen. ¹³ Koe dero yo mlayan diang buen kuli awa yo buen apa lang iman epo Kristus Yesus dero kuli bsaksi diang bebas. ¹⁴ Eka-eka ene tnulis koe ku epo iko, walaupun aku mbadi ola kakan ngenyo epo awa ko lane. ¹⁵ tapi ena aku sori ulet, sundok doko iko tau ketimbe nau ulun arus bolum lang kluarga Allah, io ene jemaat engket Allah yo bolum, ori botuk ai tondal yo beta.