¹ Nau otang isi persembahan epo uok ouk taka tau: "eka taka keo pentau." Pentau yo ktine nampa ulun jadi sombong, tapi kosang nengkuen. ² Ena keo ulun keo san, se io keo ise-ise "pentau", ene koe io aso belo pian kuli pentau, kati yo beta-beta mbo nau. ³ Tapi ulun yo nengkosang Allah, Allah tau se io. ⁴ Jadi nau umbang kuman isi persmbahan epo uok ouk taka tau: "mba di keo uok ouk mbo dnia ai mba di keo Allah yo mak makse Allah yo tunggel." ⁵ Koe beta ko keo ise yo nulek "allah", ktine mbo sorga, ktine low mbo dnia - ai beta ko keo deo "allah" ai deo "tuhan" yo ktine - ⁶ tapi mbo taka pulun keo erai Allah bute, yo ene Bapa, yo ngket-Iyo pngulet eka ise masam ai yo nte Io taka bolum, ai erai Tuhan bute, yo ene Yesus Kristus, yo koe-Iyo eka ise masam tnampa ai yo koe Io taka bolum. ⁷ Tapi mba di eka ulun yo keo pentau ene. Keo ulun, yo koe aso nokon mreket diang uok ouk, kuman isi ene kati kuman isi persmbahan epo uok ouk. Ai koe pngenanam kesong dero gle, koe ene pngenanam kesong dero jadi mrota koe ene. ⁸ "Okan singkap belo di moit taka epo tambah dmpet se Allah. Taka belo di rugi ise-ise, ena taka belo di kuman ai taka belo di untung ise-ise, ena taka kuman." ⁹ Tapi jnaga beta, apa kbebas kam endo nang jadi batu nte tutur mbo dero yo gle. ¹⁰ Koe ena ulun kito ikam yo keo "pentau", desung tunge kuman mbo lang low nte nyembah uok ouk, belo be ulun yo gle pngenanam kesong iyo ene jadi ronu nte kuman isi persmbahan epo uok ouk? ¹¹ Diang sara ktine ulun yo gle, yo ene eraibuntung kam, yo nte iyo Kristus sundok mate, jadi mate koe "pentau" kam. ¹² Jadi ena ikam diang sara ktine keo dosa epo eraibuntung kam ai msiet pngenanam kesong dero yo gle, ikam beta-beta keo dosa epo Kristus. ¹³ Koe ene ena okan singkap jadi batu nte tutur mbo eraibuntung ku, aku nte turai-turai belo anta kakan kuman isi oli, apa nang aku jadi batu nte tutur mbo eraibuntung ku.