¹ Ktine ka doko moko iyo ulun meti kain: se batak-batak Kristus, yo epo iyo dnie persaya rahasia Allah. ² Io penyundok iyo tnindu ngket playan-playan yo ktine io doko, sebeta io dero ene dapet persaya. ³ Nte oki idik beta reti iyo ena be aku nukum koe ikam ena belo koe erai pngadilan ulun, malah aku se lou belo ukumku. ⁴ Koe memang aku belo di kingat diang ise masam, tapi makse koe ene doko aku pinokono, Io, yo ngukum aku, io ene Tuhan. ⁶ Erai buntung-erai buntung, penyurah endo pkitek ku epo aku se ai epo Apolos, koe ikam, apa ngket kedo kain ikam bguru ise po reti iyo pnyurah: "Nang nglengkat yo keo tnulis", apa nang keo ngket ikam kuli nondek-nondek io se diang sara ngenuon yo erai se yo mak. ⁷ Koe ise po yo ngomoi iko ene penting beta? Ai ise po pengkeo ko, yo belo trima ko? Ai ena iko memang nrima iyo, ise moko iko nondek iko se, ungka-ungka iko belo nrima iyo? ⁸ Ikam sundok boting, ikam sundok jadi tatau, bdi koyoh kain ikam sundok jadi raja. Oh, bukam main kkuen iyo ena beta ktine, se ikam sundok jadi raja, ndok kain lou lumpat jadi raja diang ikam. ⁹ Koe,kati pntau ku, Allah mie epo kain, rasu-rasul, awa yo iwa beta, sama kati ulun-ulun yo sundok pnutus ukum pate, koe kain sundok jadi nte dnia eti, nte mlekat-mlekat ai nte ulun. ¹⁰ Kain bungang koe Kristus, tapi ikam pintar lang Kristus. Kain gle, tapi ikam turon. Ikam mulia, tapi kain ina. ¹¹ Sampe tempondo kain slau, krengan, blai blanyang, ai knatang diang bolum belo keo awa, ¹² kain nglaku gawi gata boyat diang tangan kain se. Ena kain kono pator sumpah, kain mie berkat; ena kain kurou kesa, kain sabar; ¹³ ena kain pinotenah, kain nokon nuing diang kesong buen; kain sundok jadi sama kati uras dnia, sama diang remis roma ngket eka-eka ise masam, ndok sampe tmpondo ¹⁴ Nau umbang endo tulisku belo di nte ngmai ikam, tapi nte ngae ngo ikam nte pea-peaku yo tngkosangku. ¹⁵ Koe totanko ikam sundok keo bribu-ribu pmatuk pnutui lang Kristus, ikam belo keo deo bapa. Koe aku doko yo lang Kristus Yesus sundok jadi bapa kam koe Injil yo sampe ku epo ikam. ¹⁶ Koe ene aku nutui matuk ikam: sarak ka kedo ku! ¹⁷ Koe ene aku ngirim Timotius epo ikam, yo ene doko peaku yo tinongkosang ai yo setia lang Tuhan. Io anta mmekenop ikam nau bolum yo aya ku lang Kristus Yesus, kati yo tutui batukku mbo mone-mone lang tongku jmaat. ¹⁸ Tapi keo tenu-tenu ulun yo jadi sombong, koe otus dero, se aku belo anta ulet nua epo ikam. ¹⁹ Tapi aku anta laju ulet epo ikam, ena Tuhan mmetua iyo. Jadi aku anta tau, bdi nau umbang pngesah ulun-ulun yo sombong ene, tapi nau umbang penggalak dero. ²⁰ Koe Kerajaan Allah makse ngket pngesah, tapi ngket kuasa. Ise po yo pengkakan kam? ²¹ Arus be aku ulet epo ikam diang pngerempuk ena belo diang kosang ai diang kesong yo lami lamai?