¹ Ai aku, eraibuntung-eraibuntung, des ene belo kuli bsara diang ikam kati nau umbang diang ulun rohani, tapi diang ulun sipat dnia tingen, yo belo pian tuo lang Kristus. ² susu doko iyo dieku epo ikam, makse okan singkap yo koroi, koe ikam belo klian nrimaiyo. ai tempondo lou ikam belo klian nrimaiyo. ³ Koe ikam aso ulun sipat denia. koe, ena mbo ikam aso keo iri isak ai bakotangki makse be nau umbang ene mekelak se ikam ulun sipat dnia ai ikam bolum diang sipat ulun biasa belo tau Tuhan? ⁴ Koe ena keo ulun yo ngulek: "Aku engket Paulus," ai yo mak ngulek:"Aku engket Apolos," makse be ene memekelak, se ikam ulun sipat dnia yo belo di rohani? ⁵ Jadi, ise po Apolos? ise po Paulus? pelayan-pelayan Tuhan yo koe dero ikam jadi persaya, masing-masing katinau boyan yo sundok die Tuhan epo dero. ⁶ Aku ngulo, Apolos yo nota, tapi Allah yo mie pduan. ⁷ koe ene badi penting yo ngulo ai yo nota tapi Allah yo mie pduan. ⁸ Ise yo ngulo ai ise yo nota ene sama; ai masing-masing anta nrima upah iyo sengkono diang nau gawigata yo se. ⁹ koe kain endo keraigawi diang Allah; ikam ene umotaun Allah, ai loubelai Allah. ¹⁰ Sengkono diang kasih karunia Allah, yo dnie epo aku, aku kati ulun tukang nengkuat lou belai yo tukang beta mayak tondal, ai ulun yo mak dar nengkuat ban ne. Tapi tongku ulun arus meti beta-beta, ketimbe iyo harus nengkuat ban ne. ¹¹ Koe ndok belo erai kongo ulun yo kuli mayak tondal yo makse se tondal yo sundok pnayak, yo ene Yesus Kristus. ¹² Enaka ulun nengkuat ban tondal endo diang amas, pirak, batu permata, kayu, dikut pate ena belo jerami, ¹³ Koe anta nau gawigata tongku-tongku ulun anta nitan. Koe olo Tuhan anta mekelakiyo, keo io anta melak diang api, ai ketimbe nau gawigata tongku-tongku ulun ene anta snoba diang api. ¹⁴ Ena gawigata yo tengkuat ulun ene tahan soba, iyo anta kuli upa. ¹⁵ Ena gawigataiyo sia, io anta sesa rugi, tapi io se anta slmat, tapi kati ngket lang api. ¹⁶ Belo tau be ikam, se ikam ene lou Allah ai Roh Allah ngawa lang iko? Ena keo ulun yo ngrusak lou Allah, jadi Allah anta ngempate io . ¹⁷ Koe lou Àllah ene kudus, ai lou Allah ene yo do ikam. ¹⁸ Nang ka keo ulun yo ngakal yo se. Ena keo engket ikam yo san io se pintar kati dnia endo, koe ka iyo bungang, apa iyo jadi pintar. ¹⁹ Koe kpintan dnia endo kbungang mbo Allah, Koe keo tnulis:"Io yo nangop ulun yo pintar lang keserdikiyo." ²⁰ Ai la awa yo mak:"Tuhan tau rensana-rensana ulun yo pintar; sebeta iyo eka-eka ene belodikeo jodo." ²¹ Ke ene nangka keo ulun yo nondek io se ombo se ulun, koe eka ise masam ene mpun kam: ²² kati Paulus, Apolos, ai Kefas, pan dnia, bolum, ketine lou mate, ketine lou jman tempo ndo, ketine lou jman yo anta ulet. Eka-eka ene mpun kam. ²³ Tapi ikam ene doko mpun Kristus ai Kristus ene doko mpun Allah.