¹ Bagalatia ba dieleele! Le loilwe ke mang?Lona ba Jeso Keresete a bonaditsweng a bapotswe mo matlhong a lona?. ² Selo se le sengwe se ke batlang go se ithuta mo go lona kese: A le amogetse Moya ka ditiro tsa molao kgotsa ka go dumela se le se utlwileng? ³ A le boeleele go le kalo? Le simolotse ka Moya,a jaanong le ya go fetsa ka nama? ⁴ A o bogetse dilo tse dintsi lefela - fa e le gore e ne e le ga lefela? ⁵ A ene yo o le nayang Moya a ba a dira ditiro tsa metlholo mo go lona a o dira jalo ka ditiro tsa molao kgotsa ka go utlwa ka tumelo? ⁶ jaaka Aborahama a ne a dumela modimo mme a go balelwa e le tshiamo," ⁷ ka tsela yone eo,tlhaloganya jaanong,gore ke bao ba ba dumelang ba e leng bana ba ga Aborahama. ⁸ Ya re dikwalo di bonela pele gore modimo o tlaa siamisa Baditshaba ka tumelo,tsa rerela Aborahama mafoko a a molemo pele ga metlha,tsa re,''Ditshaba tsotlhe di tlaa segofadiwa mo go wena." ⁹ Jaanong,bao ba e leng ba tumelo ba tlaa segofala mmogo le Aborahama,monna wa tumelo. ¹⁰ Ba ba ikanyang mo ditirong tsa molao ba ka fa tlase ga phutso; gonne go kwadilwe gatwe, "Go hutsegile ene yo o sa tshegetseng tsotlhe tse di kwadilweng mo bukeng ya molao, go di dira." ¹¹ Jaanong go papametse gore ga go ope yo o siamisiwang fa pele ga Modimo ka molao, gonne basiami ba tlaa tshela ka tumelo." ¹² Molao ga se wa tumelo, le fa go ntse jalo. "Ope yo o dirang ditiro tsa molao o tlaa tshela ka tsone." ¹³ Keresete o re golotse mo phutsong ya molao ka go nna phutso mo boemong jwa rona-gonne go kwadilwe gatwe, "Go hutsegile mongwe le mongwe yo o kalediwang mo setlhareng"- ¹⁴ gore tshegofatso ya ga Aborehame e tle mo baditshabeng mo go Keresete Jeso, gore re tle re amogele tsholofetso ya Moya ka tumelo. ¹⁵ Bakaulengwe,ke bua ka setho fela.Ka kgolagano ya setho,ga go ope yo o e beelang ko thoko kgotsa go e oketsa fa e tlhomamisitswe ke molao. ¹⁶ Jaanong ditsholofetso di ne tsa bolelelwa Aborahama le kokomane ya gagwe. Ga e re, "Go ya dikokomaneng," go tewa bontsi, mme go tewa a le mongwe. "mme go ya le kokomane ya gago," e leng Keresete. ¹⁷ Mme jaanong ke bua jaana: Molao o o tsileng morago ga dingwaga tse di makgolo mane le masome a mararo, ga o beele thoko kgolagano ya pele e e tlhomilweng ke Modimo. ¹⁸ Fa boswa bo tla ka molao,jaanong bo a bo bo sa tlhole bo tla ka tsholofetso. Mme Modimo o ile abo neela Aborahame ka tsholofetso. ¹⁹ Mme jaanong maikaelelo a molao ya bo e le eng?Ga okediwa ka molao ka lebaka la ditlolo,go fitlhelela kokomane ya ga Aborahama e goroga mo go yo o neetsweng tsholofetso. Molao o ne wa tsena mo tirisong ka baengele le ka moletlanyi. ²⁰ Mme jaana moletlanyi o raya batho ba feta bongwe, mme Modimo o mongwefela. ²¹ Jaanong a molao o kgatlhanong le ditsholofetso tsa Modimo? Gotlhelele nnyaa! Mme fa molao one o neilwe o o ka neelang botshelo, tshiamo e ne e ka tla ka molao. ²² Mme lekwalo le golegetse dilo tsotlhe ka fa tlase ga boleo. Modimo o ne a dira se gore tsholofetso ya gagwe go re boloka ka tumelo mo go Jeso Keresete e neelwe ba ba dumelang. ²³ Mme pele ga tumelo e tla, re ne re le ditshwarwa ka fa tlase ga molao, re golegilwe go fitlhela tumelo e senolwa. ²⁴ Jaanong molao wa nna motlhokomedi wa rona go fitlhelela Keresete a tla, gore re tle re siamisiwe ka tumelo. ²⁵ Mme jaana ka tumelo e tsile, ga re sa tlhole re le ka fa tlase ga motlhokomedi. ²⁶ Gonne lotlhe le bana ba Modimo ka tumelo mo go Keresete Jeso. ²⁷ lotlhe ba le kolobeditsweng mo go Keresete le apere Keresete. ²⁸ Ga go sa tlhole go na le Mogerika kana Mojuta, ga go sa tlhole go na le lekgoba kana yo o golotsweng, monna kana mosadi, ka gonne lotlhe le bangwefela mo go keresete Jeso. ²⁹ Fa le le ba ga Keresete, jaanong le kokomane ya ga Aborahama, bajaboswa go ya ka tsholofetso.