¹ Mme jaanong, ka gore Keresete o bogile mo nameng, ithatafatseng ka maikalelo a a tshwanang, ka gore ope yo o bogileng mo nameng o emisitse go tswa mo boleong. ² Ka lebaka, motho wa go tshwana le yo, ka nako yotlhe ya gagwe mo senameng, ga a sa tlhola a tshelela dikeletso tsa setho, mme o tshelela thato ya Modimo. ³ Gonne nako e e lekaneng e fitile go dira se baditshaba ba neng ba batla go se dira - dikeletso tse di tseneletseng, lorato, botagwa, go rokotsa, menate, le ditiro tsa medingwana tsa matlhalobisa ditlhong. ⁴ Ba akanya gore ke dilo tse di sa tlwaelesegang go bo le sa kopana le bone mo merwaleleng ya tlhakatlhakano, jaanong ba bua bosula ka lona. ⁵ Ba tla neela pego ko go ene yo o ipaakanyeditseng go atlhola batshidi le baswi. ⁶ Ka lebaka le mafoko a a molemo a ne a reriwa le mo go ba ba suleng, gore, le ntswa ba ne ba atlhotswe mo nameng jaaka batho, ba ka tshela jaaka modimo mo moweng. ⁷ Phelelo ya dilo tsotlhe e tla gautshwane. Mme ke gone nnang le mogopolo o o tlhomameng, nnang le megopolo e e iketileng mo dikakanyong tsa lona ka lebaka la thapelo. ⁸ Ko godimo ga dilo tsotlhe, nnang le lorato la boammaruri mo bangweng ka lona, ka gore lorato le khurumetsa matshwititshwiti a maleo. ⁹ Tshwarang ba bangwe sentle le sa ngongorege. ¹⁰ Jaaka mongwe le mongwe wa lona a amogetse mpho, e diriseng go direla ba bangwe. Dirang se jaaka batlhokomedi ba dimpho tse dintsi tsa Modimo tsa mahala. ¹¹ Fa mongwe a bua, a e nne jaaka ditiro tsa Modimo. Fa mongwe a direla, a e nne mo maatleng a modimo a a neetseng. Dirang dilo tse gore mo ditseleng tsotlhe Modimo o ka galalediwa go tswa mo go Jeso Keresete. A e nne mo go Jeso Keresete kgalalelo le maatla go ya ka bosakhutleng. Amen ¹² Baratwa, le seka la kaya ele selo se se sa itsegeng molelo o o le diragaletseng, jaaka e kete ke selo se se sa itsagaleng se le diragaletse. ¹³ Mo boemong, le fa go le gontsi mo le go itemogetseng ka Keresete, itumeleng, gore le tle le ipele le bo le itumele mo go supagaleng ga kgalalelo ya gagwe. ¹⁴ Fa ele gore le rogelwa leina la ga Keresete, o segofetse, ka gore moya wa kgalalelo le moya wa Modimo o ntse mo go lona. ¹⁵ Mme le se letelele ope wa lona go boga jaaka mmolai, legodu, modira bosula, motho yo o itsenyang mo dikgannyeng tse di sa mo tshwanelang. ¹⁶ Mme fa mongwe a boga jaaka Mokeresete,a a seka a tlhajwa ke ditlhong; mo boemong, a galaletse modimo ka leina leo. ¹⁷ Ka gore ke nako ya katlholo go simolola ka ba ntlo ya Modimo. Fa go simolola ka rona, ditlamorago tsa ba ba sa obameleng mafoko a a molemo a Modimo e tla nna nna jang. ¹⁸ Mme "Fa ele gore monna wa mosiame o bolokwa go le thata, ba ba senang modimo le badira dibe ba tla bonagala jang?" ¹⁹ Mme jaanong ba ba bogang ka lebaka la la thato ya ga Modimo ba tshephe mewa ya bone mo mmoping yo o boikanyego mo go direng sentle.