¹ Balandileni ao osasimikijya kuti kapena Mulungu angabalole kucita vinthu vakuganiza banthu bayakine kuti ni viyipa ndipo olesha banthu. Koma mukabalandila osashushana nao pa vinthu vaku ganiza. Aya mafunso yali kulingana na ciganizo ca munthu. ² Banthu bayakine okhulupilila kuti bangalye vakulya vilivonse. Bayakine okhulupilila kuti Mulungu ofuna lini beve kulya vinthu viyake, ndiye okhulupilila kuti ofunika kulya tyala zamasamba. ³ Aliyense oganiza kuti angalye vakulya vilivonse asazonde bala osaganiza teto. Aliyense oganiza kuti nicabwino lini kulya vakulya vilivonse naye as zonde ula munthu oganiza mosiyana, ndaba Mulungu mwine waba landila banthu oteto. ⁴ Ulilini bwino ngati uweluza wa nchito wamwine. Tonse ndise anchito ba Mulungu, teto Mulungu ndiye bwana wa onse. Yeve ndiye olamula ngati bala banthu balakwa. Pasankhale munthu oweluza muyake, ndaba okwanish kubasunga ukhulupilika . ⁵ Banthu bayakine otola masiku yayake kunkhala ya bwino yo pemphela Mulungu. Bayakine soti otola misaku yonse kunkhala yabwino yo pemphela Mulungu. Munthu aliyense asankhe masiku yoyenenela ku pemhela Mulungu, ndipo basankhe pavebe beka, osati kamba kakuti banthu bayakine bakusimikijya kuti njila yao ndiye yabwino. ⁶ Kwabala oganiza kuti ofunika kupembela sikuyoikika yamu sondo iliyonse, nikamba kaku wonga Ambuye kuti basankha siku ili. Ndipo kwabala akuti nicabwino kulya vakulya vilivonse, nikamba kaku wonga Ambuye kuti bakulya vilivonse, ndaba oyamika Mulungu pavakulya vao. Kwabala osalya vakulya vilivonse, nikamba kaku wonga Ambuye kuti okulya lini vilivonse, ndipo oyamikila Mulungu pa vakulya vabakulya. Aba banthu baliye bude, nanga kuti oganiza mosiyana. ⁷ Pa seo pasankhale munthu onkhala umoyo ofuna kuti tizi kwendeleshe teka, ndipo pasankhale oganiza kuti tikafwa cukhuza seo tyala, ⁸ Patili na moyo tili mwa Ambuye ndipo niye utuyenela kukondwelesha, Teto pitili amoyo na akufwa, tuyenela ku kondwelesha Ambuye, ndaba tili mwa yeve. ⁹ Pakuti Kristu ecifwa nonkhala na moyo kuti ankhale Ambuye wa onse wati banthu onse akamvwilile, bamoyo nabala akufwa. ¹⁰ Nicodabwisa kuti mweo mukonkha malumulo yayakine mulabila kuti Mulungu akabape cilango okhulupilila ayanu osasatila malamulo yamene ayo. Pakuti Mulungu akuyo weluza aliyense. ¹¹ Tuziba ici ndaba nicolembeka mumalemba: "Aliyense akuyo gwada pansi kwa neo. Ndipo aliyense akuyo lemekeza neo." ¹² Teto aliyense tukuyomuujya Mulungu vetecita ndipo yeve ndiye what akanene ngati nise oyenelela. ¹³ Pakuti ni Mulungu wati akaweluze aliyense, tufunika kuti tileke kulabila kuti Mulungu apeleke cilango kwa okhulupilila ayasu. Mumalomwake, tufunika lini kulengesha anekwasu analume kapena anakazi kucimwa kapena kuleka khulupilila Kristu. ¹⁴ Ndaba nalumikijyana na Ambuye Yesu, nine oziba bwino kuti paliye cinthu paceveceka ciipa kulya. Koma ngati banthu baganiza kuti niciyipa kulya ici cinthu, niye kuti ni ciyipa kulya cila cinthu. Teto osabalimbikisha kucilya. ¹⁵ Ngati ukulya cakulya cakuti okhulupilila muyako oona kuti ni ciyipa, ungamulengeshe kuleka kumvwila Mulungu. niyekuti waleka kumukonda. Ndaba Yesu emufwila naye. ¹⁶ Cimozi-mozi, osacita cinhtu cakuti okhulupilila olabila kuti ni ciyipa, nanga kuti uganiza kuti ni cabwino. ¹⁷ Ngati Mulungu olamulila umoyo wasu, tisadandaule vatitilye na kumwa. Mumalomwake, tiganize pa njila yakuti tikonkhe pomvwilila Mulungu,tinkhale na mtendele nayasu, ndipo tisangalale kamba ka Mzimu Utuba. ¹⁸ Awo otumikila Kristu pocita vinthu munjila iyo okondwelesha Mulungu, ndipo banthu abape ulemu. ¹⁹ Teto nthawi zonse tiyese- yese kunkhala mwa mtendele na Akristu ayasu, nakucita vinthu vingathandize ayasu khulupilila na kumvwila Kristu. ²⁰ Osaononga cawa cita Mulungu kutandizila okhulupilila ndaba tyala ufuna kulya cakulya ciyakine. Ni cacendi kuti Mulungu watilola kulya vakulya vilivonse. Koma ukalya cakulya cakuti okhulupilila muyakine oganiza kuti ni ciyipa, niyekuti mumulimbikisha kucita cakuganiza kuti ni ciyipa. ²¹ Nicabwino lini kulya, kumwa thobwa, kapena kucita cinthu cingalengeshe okhulupilila ayanu kuleka kukhulupilila Mulungu. ²² Lekani Mulungu akuujyeni vinthu vabwino vumufunika kucita, koma osakakamijya ayanu kuvumela vumu kukhulupilila. Ndipo mukondwelesha Mulungu ngati mukaikila lini pa vinhtu va bwino na viyipa vufunika kucita. ²³ Koma okhulupilila bayakine oyopa kuti Mulungu angakondwele lini ngati bakulya vakulya viyakine. Inde nicacendi, alabile kuti balakwa ngati baliye cite cakukkhulupilila kuti ni cabwino. Ngati tucita vinthu mosasimikijya kuti Mulungu wacilola, niye kuti tucimwa.