¹ Lekani okhulupilila aliyense amvwilile boma. Kumbukilani kuti Muluungu ndiye opasa boma ulamulilo. Ndipo onse anchito amuboma etumiwa na Mulungu, ² Teto aliyense okana anyanchito ba boma okana coikika na Mululngu. Koma soti ao okana anyanchito akopasiwa cilango na anyanchito. ³ Nulabila teti ndaba olamulila oyofya lini banthu ocita zabwino, koma olengesha ocita viyipa kunhala na mantha. Lomba ngati mucita zabwino akakulemekezeni mumalo mokupasani cilango. ⁴ Anyanchito onse aliko kamba kakuti akotumikila Mulungu, kuthandizila aliyense wa mweo. Ngati umozi wa mweo ocita viyipa, ufunika kubayopa. Anyanchito baliko kuti bakatumikile Mulunnngu popasa cilango ocita viyipa. ⁵ Teto nicoyenela kumvwilila olamulila , osati kuti ndaba akupaseni cilango ngati mucita mwano, koma ndaba muziba mukati mwanu kuti mufunika kunkhala pansi pa ulamulilo wao. ⁶ Nikamba ka ici kuti mweo monse mulipile musonkho, ndaba anyanchito niye otumikila Mulungu pogwila nchito mosalekejya. ⁷ Apaseni onse anyanchito zufunikila kupasiwa kwa beve. Lipilani musonkho kwao umufunika kulipilako, lipilani pa katundu ufunika kulipiliwa. Pelekani ulemu kwa ao ofunika kupasiwa ulemu. Lemekezani ao ofunika ku lemekezeka. ⁸ Lipilani ngongole zanu zonse pumufunikila kulipila. Cinthu cimozi cilingati ngongole cumufunikila kusaleka kulipila ni kupasana cikondi. Aliyense okonda ayake wakwanilisha vonse vakufuna Mulungu mu lamulo lake. ⁹ Muli vinthu vinyinji mu malamulo ya Mulungu, monga usacite cigololo, usapaye aliyense, usayibe, ndipo usakhumbwile ciliconse cisali cako ,Koma zonse izi tinga ziyike mutanthuzo imozi: "Konda muyako monga muzikondela weka." ¹⁰ Ngati mukonda aliyense pakati panu, mucitelini ciyipa pa aliyense. Teto aliyense okonda ayake okwanilisha cifuno ca lamulo la Mulungu. ¹¹ Citani vanakuujyani, makamaka pakuti muziba ubwino wa nthawi itilimo. Muziba kuti ni nthawi yumufunikila kunkhala chelu, monga banthu aushiwa mutulo, ndaba nthawi yakuti Kristu akati pulumushe ku cimo na mavuto ya ziko ili pafupi. Nthawi iyi ili pafupi kusiyana napa nthawi yoyamba kukhulupilila mwa Kristu. ¹² Nthawi yasu yonkhala pa ziko yasila kale. Ili pafupi ni nthawi ya siku kuti liwale! Teto tileke kucita viyipa vakucita banthu ponkhala mu mdima, ndipo tivwale vida va nyale vuwala na mpamvu ya Mulungu na uthenga wa bwino. ¹³ Tinkale na khalidwe labwino ndaba tunkala mu nthawi ya muzuba, Mulungu pakuona vonse vutucita. Tisakolewe na moba nocita viyipa ku banthu. Tinkhale umoyo uliye ciwelewele ciliconse. tisacite ndeo. Tisankhale na jelasi pa ayasu. ¹⁴ Koma tinkhale ngati Ambuye Yesu Kristu kuti ayakine aone mwalili. Mufunika kuleka kucita vinthu viyipa vufuna thupi lanu lakale.