¹ Moteto, cifukwa Kristu enzuzika mu thupi, namwe mube namutima woteti. Pakuti aliyense enzunzika mu thupi oleka cimo. ² Mwakuti, munthu oteto, nthawi zonse mu thupi mwake, onkhalila lini vilako-lako vabanthu, koma cifunilo ca Mulungu. ³ Kwakanthawi katali mwankhala mucita vofuna kucita ba Mitundu, kunkhala mu ciwelewele, vokhubwila, ucakolwa, pwando ya vakumwa, visangalalo vopitilila, na kucita micitidwe uipa wa mafano. ⁴ Oganiza kuti nicacilwendo kuti mubakonkha lini mu makhalidwe yao yoipa, teti bokamba viipa pali mweo. ⁵ Bakafotokoze kwa eve okonzekela kuweluza amoyo na akufwa. ⁶ Pacilingo ici uthenga wabwino welalikiliwa na kwabala akufwa, kuti, olo beweluziwa kale mu thupi monga banthu, bangankhale m'mzimu monga Mulungu. ⁷ Masilijyilo a vinthu vonse yali pafupi. Moteto nkhalani na maganizo abwino, nkhalani acelu maganizo yanu kamba kamapephelo. ⁸ Koma pa vinthu vonse, nkhalani na cikondi copitilila pali muyake na muyake, pakuti cikondi cubimpha macimo anyinji. ⁹ Nkhalani na wanzi kwa aliyense mosadandaula. ¹⁰ Monga aliyense wamweo walandila mphaso, isebenzeseni kutumikilana nayo, mokhulupililika kuyanganila cisoma ca Mulungu m'maonekedwe yosiyana-siyana. ¹¹ Ngati aliyense olabila, makabidwe ankhale na mau ba Mulungu. Ngati aliyense otumikila, lekani zicokele ku mphavu zupasiwa na Mulungu. Citani izi zinthu kuti munjila iliyonse Mulungu akalemekezeke mwa Yesu Kristu. Kwa Yesu Kristu lekani kunkhale ulemelelo na ulamulilo kwa nthawi zonse. Amen. ¹² Okondewa, osayesa nicacilwendo mayeso amulilo yakucitikilani mweo, monga kuti cinthu cacilwendo cingamucitikileni mweo. ¹³ M'malo mwake, mumungavutikile mu manzunzo ya Kristu, kondwelani, kuti mukakondwele soti nosangalala pati ukaonekele ulemelele wake. ¹⁴ Ngati mutukwaniwa kamba ka zina la Kristu, nimwe odalisika, cifukwa Mzimu wa ulemelelo na Mzimu wa Mulungu upumula pamweo. ¹⁵ Koma osanzuzika aliyense wamweo monga opaya, kawalala, ocita viipa, olo wawenye. ¹⁶ Koma ngati aliyense onzunzika ponkhala mkrisitu, asamvwe soni; m'malo mwake, lekani alemekeze Mulungu nazina yamene iyo. ¹⁷ Pakuti ni nthawi yaciweluzo kuyambila mu nganda ya Mulungu. Ngati cuyambila na seo, cikabe tyani kwabala ocitila mwano uthenga wabwino wa Mulungu? ¹⁸ Ndipo ngati, ''nicovuta kwa olungama kuti akapulumushiwe, cikabetyani kwabala akunja na ocimwa?'' ¹⁹ Moteti lekani bala onzunzika cifukwa ca cifunilo ca Mulungu apeleke miyoyo yao kuli Mulengi wokhulupililika mukucita bwino.