¹ Mwanjila iyi, mweo muli olunguliwa mufunika kuvwila analume banu. Citani ici olo kuti analume bayakine bovwilalini mau, banga kokeke kuliye mau, kupitila mumakhalidwe ya anakazi yao. ² Pakuti beona mukhalidwe wabwino wa ulemu. ³ Lekani zicitike osati navovala vakunja monga sisi zomanga, kuvwala golide, olo zovala. ⁴ Mwinamwake, lekani zicitike na munthu wamukati wamumutima, na kuwana kwa muzimu wofasa na wacete, camene cili ca bwino kwa Mulungu. ⁵ Pakuti niye azimai oyela kale eyembekezela mwa Mulungu ezilimbikisa beka, pakuvwila analume bao. ⁶ Munjila iyi Sara evwila Abrahamu nakumuita yeve kuti ambuye. Mweo nimwe bana bake ngati mucita cabwino na kusayopa mavuto. ⁷ Mwanjila imozi-mozi, mweo azinalume nkhalani nabanakazi banu movwishisha, monga conyamulilamo cofoka, mwanakazi. Mufunika kubapasa ulemu monga coloba cimozi cacisomo camoyo. citani ici kuti mapephelo basavalishiwe. ⁸ Posilijya, monse mweo, nkhalani amaganizo amozi, acifundo, okondana ngati abale; amutima wabwino, na ozicepesa. ⁹ Osabwezela coipa pa coipa olo manyozo pa manyozo. Koma, pitilizani kudalisa, cifukwa paici munaitaniwa, kuti mukalandile daliso. ¹⁰ ''Eve ofuna kukonda moyo nakuona masiku abwino ofunika kulesha lilime yake kuziipa na milomo yake kukamba zonama. ¹¹ Lekani eve afumeko ku zoipa nakucita zabwino. Lekani eve afune mutendele na kuukonkha. ¹² Menso ya Ambuye olanga olungama, na matu yake okuvwa pempho yao. Koma nkhope ya Ambuye yukangana nao ocita ziipa.'' ¹³ Nibani wati akuciteni ciipa ngati mweo mufunishisha kucita cabwino? ¹⁴ Koma ngati muvutika cifukwa ca cilungamo, nimwe odalisika. Osayopa vaoyopa. Osavutika. ¹⁵ Koma, apatuleni Ambuye Krstu mumitima yanu ngati oyela. Nthawi yonse nkhalani okonzeka kuyankha bonse okoshya za ciyembekezo cumulinaco. Citani ici mofasa na ulemu. ¹⁶ Nkhalani nacikumbumutima kuti banthu onyoza umoya wanu mwa Kristu anvwe soni cifukwa okamba zamweo monga mucita zoipa. ¹⁷ Nicabwino, ngati Mulungu ofuna, kuti muvutike pakucita vabwino kupambana kucita viipa. ¹⁸ Kristu naye enzuzika kamba kamacimo. Eve ali olungama enzunzika cifukwa ca seo, osalungama, kuti atilete kuli Mulungu. Epaiwa mu thupi, koma epasiwa moyo wa Muzimu. ¹⁹ Mwa Muzimu, eluta nolalikila ku mizimu ili mujele lomba. ²⁰ Benze osavwa pamene cilindilo ca Mulungu cenzoyembekeza mu masiku ya Nowa, mu masiku yomanga ngalawa, Mulungu epulumusha banthu batontho- miyoyo eiti- mwa manzi. ²¹ Ici nicizindikilo ca ubatizo cupulumusha mweo lomba- osati kusamba kucosa lisilo pa thupi, koma ngati pepho yamalingalilo yabwino kwa Mulungu- kupyolela muciukiso ca Yesu Kristu. ²² Kristu ali ku kwanja la kukwendi ya Mulungu. Eluta kululu. Angelo, maulamulilo, na mphavu zifunika kuvwila eve.