¹ Mwaici ikani pambali vonse viipa, zonse zonyenga, maonekelo onyenga, kukhubwila, na manyozo onse. ² Ngati bana bakhanda, funani mukaka woyela wamuzimu, kuti mwaici mungakule mucipulumuso, ³ ngati mwalaba kuti Ambuye nabwino. ⁴ Welani kwa yeve ali mwala wamoyo wakaniwa na banthu, koma asankhiwa na Mulungu ngati mwantengo wapalulu kwa eve. ⁵ Namwe mweo muli ngati miyala yamoyo yumangiwa kuti inkhale nganda yamuzimu kuti inkhale wansembe mutuba opeleka nsembe za uzimu zololewa kwa Mulungu kupitila muli Yesu Kristu. ⁶ Malemba alinazo izi: ''Ona, nuika muziyoni mwalawapangodya, wosankhiwa ndipo wamtengo wapalulu. Aliyense okhulupilila mwa yeve sazamvwa soni.'' ⁷ Kulemekezeka ni kwa mweo mukhulupilila. Koma kwa beve osakhulupilila, ''Mwala wekaniwa na womanga, uyu wankhala mutu wapangodya,'' ⁸ ndipo, ''Mwala wokhumudwisha na thanthwe yubalengesha kupona.'' Bokhumudwa cifukwa ovwila lini mau - amene eikiwa kuti acite. ⁹ Koma nimwe banthu osankhiwa, mtundu wa ansembe wacifumu, mutundu utuba, banthu ba Mulungu, kuti mukakambe zabwino zocitika za eve ekuitani kufuma kumudima kuloba mkuwala kwake kodabwisa. ¹⁰ Poyamba mwenze lini banthu, koma lomba nimwe banthu ba Mulungu. Muliye landile cifundo, koma lomba mwalandila cifundo. ¹¹ Okondewa, nukulimbikisani monga owela na akapolo kuti musiye zofuna za thupi, zamene zuyambana na moyo wanu. ¹² Zocita zanu pakati pa Amitundu zinkhale zolemekezeka, kuti pokamba zamweo ziipa, baone zambwino zamweo nakupasa ulemelelo kwa Mulungu pa siku yati akaonekele. ¹³ Gonjelani ulamulilo ulionse wa banthu cifukwa ca Ambuye. Gonjelani soti mfumu pakuti nimukulu, ¹⁴ na akazembe nao, otumiwa kuti alange ocita ziipa naku yamika bala ocita zabwino. ¹⁵ Pakuti ici ni cifunilo ca Mulungu, kuti pakucita cabwino mukaleshe osaziwa kukamba kwa banthu opusa. ¹⁶ Ngati banthu omasuka, musasebenzeshe kumasuka kwanu kubisa ziipa zanu, koma nkhalani ngati ancito ba Mulungu. ¹⁷ Lemekezani banthu onse. Konda ubale. Yopa Mulungu. Lemekeza mfumu. ¹⁸ Ancito, nkhalani omvwila ambuye banu na ulemu onse. Nkhalani omvwila ambuye osati kuli abwino na odekha, koma nabala baipa soti. ¹⁹ Pakuti ici nicolemekezeka, pakuti oziba za Mulungu, munthu opilila mumavuto pamene ovutishiwa mosayenela. ²⁰ Pakuti nimbili yabwino yanji ilipo ukacimwa na kulimba pamene uvutika? Koma ngati wacita zabwino nakuvutika polandila cilango, uyu niulemelelo kucokela kwa Mulungu. ²¹ Pakuti nimwaici kuti mweiitiwa, cifukwa Kristu naye evutikila mweo. Esiya cisanzo kwa mweo kuti mukonkhe mapazi yake. ²² ''Aliye cimwepo, kapena boza kupezeka mukamwa mwake.'' ²³ Pemucita cipongwe, aliye bacitile cipongwe. Penzunzika, aliye bayofye, koma ezipeleka kwa yeve oziba kuweluza molungama. ²⁴ Eve eka enyamula macimo basu mu thupi mwake mpaka pa cimuti kuti tisankhale na mbali na cimo nakunkhale mucilungamo. Navilonda vake seo tepola. ²⁵ Monse mweo mwenze ngati mbelele zotaika, koma lomba mwawelela kumbusa na olangila wa moyo wanu.