¹ Nasembolaki lisusu miso o likolo mpe namoni, makalo ma mpunda inei, ibimaki kati na ngomba ibale, nde bangomba yango izalaki ya motako. ² Na likalo na yambo, ezalaki bampunda ya mitane, mpe liye ya ibale ya miyindo. ³ Na likalo na isato, ezalaki bampunda ya pembe, bongo liye ya inei, bampunda ya langi langi na motane. ⁴ Nakwi liloba koloba na anjelu boye: Elakisi nini? ⁵ Anjelu ayanoli ngai: Wana mipepe minei na lola, mibimaka uto esika etelemaki yango o boso bwa mokonzi ya mokili mobimba. ⁶ Bampunda miyindo iye ikangamaki na yoko na likalo, wana ikei o ekolo ezali epai na likolo, iye ya pembe ilandi yango, mpe iye ya langi langi ikei o ekolo ya ngele. ⁷ Iye ya motane ibimi mpe isengi ikenda kongaika o mokili. Anjelu alobi na bango: Bopota, bongaika o mokili, bongo bangaiki bo esengeli. ⁸ Angelu abiangi ngai mpe alobi:Tala iye ikei o ekolo na epai na likolo, balembi nkanda na ngai mpo na ekolo yango ⁹ Mitindo mya Yawe mipesamelaki ngai boye: ¹⁰ kumba makabo na bakangami baye, Eledai, Tobiya mpe Yedeaye, mpe yo mei nde okei mokolo mwango, o ndako ya Yosiase, mwana na Safaniya, bisika bakendaki na bokomi na Babyloni. ¹¹ Okokwa wolo mpe palata, sala na yango mtole, mpe mama yango o moto mwa Yosua, mwana na Yasadaka, nganga Nzambe mokonzi. ¹² Okoyebisa ye boye: Elobi Yawe na mapinga, tala moto na kombo nzete ebotaka, akokola na esika na ye, mpe akotonga tempelo na Yawe. ¹³ Akotonga tempelo na Yawe, akolata bilembetelo na bonene na ye; akofanda mpe akokonza likolo na ngbende na ye, akozala motumbi mbeka likolo na ngbende na ye, nde bosangani ya sikisiki ekoumela kati na bango. ¹⁴ Mitole mikozala mpo na: Heleme, Tobiya mpe Yedaeya elongo na Heme mpe lokola, oyo azali mwana na Sofiniya, kati na tempelo na Yawe. ¹⁵ Baye bazali mosika bakoya kosala o tempelo na Yawe; nde bososoli penza te nazali motindami na Yawe na mapinga epai na bino. Makambo mana makokoma, soki boyoki mbela na Yawe, Nzambe na bino.