¹ Namatisaki miso o likolo, bongo namonaki mokanda mozingama mpe kopumbuka o mopepe. ² Bongo alobi na ngai: Omoni nini? Nayanoli: Namoni mokanda kopumbuka, ntaka na molai mapeko ntuku ibale mpe bonene na yango mapeko zomi. ³ Nde anjelu alobi lisusu: Wana nde elakeli ebe ekopalangana o ekolo, zambi engebene na yango, moyibi ata moko te akozala na esika, lolenge yoko na bokati ndayi na masele (lokuta). ⁴ Bo elobi Yawe na mapinga, ngai mei nde nandingisi elakeli ebe wana, boyingela o ndako moyibi inso mpe mokati ndayi na lokuta na kombo na ngai, ekofanda wana, mpe ekotumba mabanga mpe mabaya na ndako yango lokola. ⁵ Anjelu oyo asoloalaki na ngai abelemi pembeni, koloba: Sembola miso na yo mpe tala maye nini ebimi wana. ⁶ Nayanoli boye: Eloko nde?Alobi: Oyo ebimi nde efa (kitunga), etonda meke bambeba ya mokili mobimba. ⁷ Mpe tala, ezipelo monene na ebednde mpe kilo, oyo ezipaka efa (kitunga) etombwami, nde namoni kofanda tondo ya kitunga. ⁸ anjelu alakisi: Mwasi oyo nde elembo ya bambeba ya bato banso, nde asukumaki ye kati na efa (kitunga), mpe azipaki ezipelo monene ya ebende likolo na efa. ⁹ Nasemboli lisusu miso mpe namoni, bongo basi babale babimaki pwasa o likolo, mpe mapapu ma bango masimbamaki na mopepe, zambi mapapu ma bango maulanaki na oyo ya ndeke monene ya esobe, balongolaki efa kati na mokili mpe lokolo. ¹⁰ Tango tosololaki na anjelu, nalobi: Wana bakei na efa (kitunga)? ¹¹ Mpe ye ayanoli: Mpo botongeli yango ndako o ekolo ya Simala; bongo tango ekosila, nde etiami bo esika elongobani.