¹ Anjelu tosololaki na ye azongi mpe atalisi ngai bo liloto na moto na pongi na ye. ² Alobi na ngai: Omoni nini? Nayanoli ye: Natali mpe tala, etumbelo na mwinda ya wolo, Nsani na yango ekumbaki miinda sambo, elongo na bilekelo na miinda na yango sambo oyo efandaki likolo na etemelo na mwinda yango. ³ Zinga zinga na etemelo yango, nzete ibale ya bilaya, yoko na loboko ya mobali ya nsani mpe esusu na oyo ya mwasi. ⁴ Mpe kokwa lisusu maloba, nalobi na anjelu oyo tozalaki kosolola: Makambo maye, malobi nini, mokonzi na ngai? ⁵ Anjelu yango koloba: Yo obungi ndimbola ya mambi maye? Nayanoli: Boye mokonzi na ngai! ⁶ Akwi lisusu maloba: Awa nde liloba Yawe alobi na Yolobabele; ezali na nguya to na makasi te, bobele na Molimo, elobi Yawe na mapinga. ⁷ Yo nani ngomba monene o boso bwa Yolobabele? Okosambusama. Akotia libanga ya ntina na kati na makumisi, ngolu, ngolu mpo na ye. ⁸ Liloba na Yawe epesamelaki ngai lisusu boye: ⁹ Maboko na Yolobabele nde matongaka ndako eye, mpe kaka maboko mango nde makomisaki yango kino suka, mpe okoyeba te natindamaki na Yawe na mapinga. ¹⁰ Pamba te, boye batiolaka mokolo makambo mabandaka na botau, bakosepela komona esika loboko na Yolobabele ekomi, zambi byango sambo nde miso na Yawe oyo ikongaika mokili mobimba. ¹¹ Nakwi liloba boye: Elobi nini nzete ibale ya na bilaya, na loboko ya mobali mpe ya mwasi na etemelo na mwinda? ¹² Nakwi lisusu liloba mpo na mbala ya ibale boye: Elobi nini mandalala mibale na nzete na bilaya, oyo ezali nzinga nzinga na bilekelo ya wolo mibale ya mwinda, esika eye wolo ekosopana tambululu? ¹³ Ayanoli ngai boye: Obungi ndimbola ya mambi maye? Nayanoli: Boye Mokonzi. ¹⁴ Mpe ye alobi: Bazali bapokolami babale baye batelemi ngbi o boso bwa Mokonzi mpe mokeli ya mokili mobimba.