¹ Noho zany, zaho, amin'ny maha gadran'ny Tompo zaho, dia mampirisiky are mbô handaiha am-pahindriagna amin'ny antso zay nagnantsaovagna are. ² Mampirisky are zaho mbô hanagna fanitrian-taigna gaida ndraiky fahatsoragna ave faharaitagna, mifandefitry amin'ny fitiavagna. ³ Magnanaova zay faran'ny angôvonare mbô hikajianagna ny firaisan'ny Fagnahy amin'ny fehim-piavahavanagna. ⁴ Araiky faogna ny vatagna ary araiky faogna ny Fagnahy, hotra ny nagnantsaovagna are tao amin'ny fanantenan'ny fagnantsaovagna are araiky faogna koa. ⁵ Ary araiky faogna ny Tompo, araiky ny finoagna, araiky ny batisa, ⁶ ary araiky faogna Zagnahary ndraiky ny iadan'ny raha jiaby, zay agnambony raha jiaby ary amin'ny raha jiaby. ⁷ Atsika tsiaraikiaraiky avy dia namiagna fahasoavagna araka ny hagidasin'ny fagnomaizan'i Kristy. ⁸ Araka ny koragnin'ny Saorata Masigny zany hoe: "Koafa nakatra tagny agnambo Izy, dia ninday reo babo hoamin'ny fahababoagna, ave natôlotro fagnomaizagna hoan'ny vahoaka Izy." ⁹ Ino ny hevitry ny hoe: "Nakatra Izy," raha tsy hoe nijôtso tagny amin'ny faritry ambanin'ny tany faogna koa Izy? ¹⁰ Izy lehy nijôtso faogna lehy ôlogno nakatra ambony tagny an-dangitry, mbô afahany magnamia raha jiaby. ¹¹ Kristy dia nanôlotro ny sasany ho apostoly, ny sasany ho mpagnazary, ny sasany ho evanjelista, ave ny sasany ho pasitaira ndraiky mpampianatra. ¹² Nagamia re asa re Izy mbô hagnampiagna re vahoakany masigny ho amin'ny asa fanompoagna, amin'ny fagnorainagna ny vatan'i Kristy. ¹³ Manôhy magnorigny ny vatany Izy mandra-pahatakarantsika jiaby ny firaisam-ponoagna ndraiky ny fahaizagna ny Zanaka Zagnahary, ave mbô hahatonga atsika ho matotro kay mbô hahatakatra ny hagidasan'ny fahafinoan'i Kristy. ¹⁴ Magnorigny atsiaka Kristy mbô tsy hotra ny zaza zay atopitopon'ny onja eky atsika, ary tsy hoentin'ny rivotro ny fampianaragna ndraiky ny hafitsian're ôlogno amin'ny tetiky feno vandy. ¹⁵ Fao atsika ndraiky, amin'ny filazagna ny fahamarignagna amin'ny fitiavagna, dia tôkony hitômbo amin'ny fomba jiaby ao amin'Izy zay laoha, zany hoe, Kristy. ¹⁶ Kristy dia manangagna ny haigny jiaby, ave nakambagna ndraiky natambatra tamin'ny isan-toniny zany, ary koafa miasa miaraka re, dia mahatonga ny vatagna hitômbo mbô hampiorigny ny haigniny amin'ny fitiavagna. ¹⁷ Noho zany, dia mivaolagna ave manindry mafy zany ao amin'ny Tompo zaho, mbô tsy hiaigny tôrotro ny jetilisa eky are, amin'ny fahafinoan'ny fisaignan-jare. ¹⁸ Mahizigny ny fahaizagnan-jare, tafisaraka amin'ny fiainan-Jagnahary nohon'ny tsy fahaizagna ao amin-jare nohon'ny hamafisam-pônjare. ¹⁹ Tsy mahay maingatra zare ave nanôlotro ny haignin-jare hoamin'ny nôfo, ary manôhy magnano zao karazam-pahotagna jiaby zao. ²⁰ Fao tsy zany no fomba nianaranare ny mahakasik'i Kristy. ²¹ Inoako fao naharegny ny mahakasiky Azy are, ary nampianarigny tao aminazy, satria ny fahamarignagna dia ao amin'i Jesôsy. ²² Nampianarigny are mbô hagnary ny fomba fiagnanare talaoha, mbô hagnary ny toaitra talaoha. Lehy toaitra talaoha zay naratra nohon'ny fitaka ny filany. ²³ Nampianarigny are mbô hihava ao amin'ny fagnahin'ny saigninare, ²⁴ ary hitafy lehy ôlom-bava zay namboarigny araka ny endrk'i Zagnahary—ao amin'ny taigna fahamarignagna ndraiky fahamasinagna. ²⁵ Noho zany, ialà ny vandy, ary aoka ny tsiaraikiaraiky aminare hifampivaolagna ny marigny amin'ny namany, satria isan'ny rantsan'ny jiaby atsika. ²⁶ Mivignira fao aza manota. Aza ambaila ho taka'ny masaova jibiky ny hatizairagna. ²⁷ Aza magnamia toairagna hoan'ny devoly. ²⁸ Zay nangalatra dia tsy tôkony hangalatra eky. Tsy maintsy miasa izy, magnano asa tsara amin'ny tagnany, mbô hanagnany raha ho zaraigny hoan'ny re ao agnatin'ny tsy fahampiagna. ²⁹ Aza ambaila hoisy koragna maloto hiboaka avy amin'ny vavanare. Mampisà koragna zay ilaigny amin'ny fagnoraignagna ny hafa, araka zay ilain-jare, mbô taigna hagnampy re zay mitandregny are ny koragnanare. ³⁰ Ary aza mampalahelo ny Fagnahy Masin-jagnahary, fao avy aminazy no nagnanaovagna tombo-kase are ho amin'ny andron'ny fagnavaotagna. ³¹ Ialà ny lôlom-pô jiaby, haromontagna, ny hatizairagna, ny fifamaliagna, ave ny fifampivaolan-dratsy, miaraka amin'ny re karazan'asa ratsy jiaby. ³² Manàgna halimaizam-pagnahy amin'ny tsiaraikiaraiky avy, fahatsoram-pô, mifamotsaora heloko, hotra ny namotsaoran-Jagnahary are tao amin'i Kristy.