¹ Noho zany, zaho Paoly, dia gadran'i Kristy Jesôsy aminare Jentilisa. ² Atako fao naharegny ny fitantanagna ny fahasoavan-Jagnahary zay namiagna zaho hoanare are. ³ Manaoratra araka ny fagnambaragna nampahafantarigny zaho zaho. Zany no marigny mivôny mahakasiky zay nisoroatako fohifohy taminare. ⁴ Koafa mamaky zany are, dia hoafaka ny hahazo ny fomba fahazoako zany marigny mivôny mahakasik'i Kristy zany. ⁵ Tamin'ny re taminga hafa dia tsy nata hain'ny zanak'ôlombelogno zany marigny zany. Fao avaizo ndraiky zany dia nambara tamin'ny alalan'ny Fagnahy tamin're Apostoly ndraiky re mpagnazary zay voataokagna ho amin'tô asa tô. ⁶ Zany marigny mivôny zany dia mivaolagna fao re jentilisa dia mpiara-madaova, ndraiky mpiara-miômbogno amin'ny vatagna, ary mizara ny fampanantenagna ao amin'ni Kristy Jesôsy amin'ny alalan'ny vava maharavo zare. ⁷ Fao nanjary mpanompon'ny zany vava maharavo zany zaho tamin'ny fahasoavan-Jagnahary namiagna zaho tamin'ny alalan'ny fiasan'ny angôvonazy. ⁸ Namian-Jagnahary zaho zany fagnomaizagna zany, na dia zaho aby no farany hely amin'ny re ôlomasin-Jagnahary. Zany fagnomaizagna zany dia ny mbô hitoriako amin're Jentilisa ny vava maharavon'ny angôvon'i Kristy saro-tadiavigny. ⁹ Ny fagnomaizam-pahasoavan-Jagnahary ho ninaha dia ny hindaisako fagnazavagna amin'ny ôlogno jiaby ny fandaharan-Jagnahary, lehy nagnano ny raha jiaby, nandritrany tagno maro talaoha. ¹⁰ Nampahafantarigny tamin'ny fiangonagna zany fandaharagna zany biaka hahatonga re mpanapka ndraiky re manam-pahefagna agny an-dangitry hahay ny toaitra maron'ny fahindrian-Jagnahary. ¹¹ Niboaka araka ny fandaharagna bariky dintany zay tanterany tao amin'i Kristy Jesôsy Tompontsika zany. ¹² Fao ao amin'i Kristy no anangantsika fahisahiagna ndraiky lalagna am-pahatokiagna nohon'ny fagnantsaovagna Azy. ¹³ Noho zany miangavigny are zaho mbô tsy ho kivy nohon'ny fijaliako hoanare, zay vogninahitry are. ¹⁴ Noho zany dia mandongoalitry eo agnatraihan'ny Iada zaho, ¹⁵ zay nameno agnaragna ny fianakaviagna jiaby agny an-dangitry ndraiky eto an-tany. ¹⁶ Mivavaka zaho mbô hamiany are, araka ny hariagnan'ny vogninahiny, mbô hatanjaka amin-gôvo amin'ny alalan'ny Fagnahy Masigny zay ao aminare. ¹⁷ Mivavaka zaho mbô hidôko ao am-pônare amin'ny finoagna Kristy, mbô hifôtotro ndraiky hiorigny ao amin'ny fitiavany are. ¹⁸ Hahazo ngôvo anie are kay hoafa-mahatakatra, miaraka amin'ny re mpino jiaby, ny ampohony, ny halavany, ny hambaosany, ary ny halalignany, ¹⁹ avake mbô hahay ny fitiavan'i Kristy, zay mihoatra ny fahaizagna jiaby, kay mbô ho finoan'ny fahafinoan-Jagnahary jiaby are. ²⁰ Ary nihinazy zay mahavita magnano mandokoatra zay jiaby angatahintsika na eritreretintsika, araka ny ngôvo zay miasa ao agnatintsika, ²¹ ho nihinazy ny vogninahitry ao amin'ny fiangonagna ary ao amin'i Kristy Jesôsy zisikin'ny taminga jiaby bariky dintany. Amena.