¹ Noho zany aoka mbô ho mpangala tahaka Zagnahary, hotra ny zanaka tiagna. ² Ary mandihiana amin'ny fitiavagna, araka ny nitiavan'i Kristy atsika faogna koa ndraiky ny nagnamaizany ny haigniny hoantsika, fagnatitry manim-pofogno ndraiky sôrogno hoan-Jagnahary. ³ Fao tsy tôkony hisy na dia koragna fijangajangagna na karazagna fahalotoagna na tsy fahononan-taigna aza eo aminare, fao tsy magnaiva ny ôlo-masin-Jagnahary re. ⁴ Aoka tsy hoisy mamoafady, koragna laifadaifaka, ary sangisangy tafahoatra_ fao tsy magnaiva jiaby amin'ny re. Fao ndraiky tôkony hoisy fankasitrahagna. ⁵ Fao afaka mahazo antoko ny amin'ny zao are, fao tsy hoisy mpijangajanga, maloto, na ny mpierigny_ zany hoe, mpanompy sampy_ managna laova ao amin'ny fanjakan'i Kristy ndraiky Zagnahary. ⁶ Aoka tsy hoisy hamitaka are amin'ny koragna foagna, satria noho re raha re dia tonga amin'ny zanaky ny tsy fankatoavagna ny hatizairan-Jagnahary. ⁷ Noho zany, aza mikambagna amin-jare. ⁸ Fao mahizigny are fahigny, fao zao are dia fahazavagna ao amin'ny Tompo. Mandihiana hotra ny zanaky ny mazava, ⁹ (fa ny vokatry ny fahazavagna dia ao amin'ny fahatsaragna jiaby, fahitsiagna, ndraiky fahamarignagna). ¹⁰ Avake tadiavo zay mahafinaritry Tompo. ¹¹ Aza mikambagna amin'ny re asa tsy mamokatry ny hizigny, fao ampibaribario ndraiky re. ¹² Fao mahamaingatra na dia manognogno re raha tsabon-jare agny amin'ny miafigny aby. ¹³ Fao koafa hazavain'ny fahazavagna ny raha araiky, dia manjary mibaribary. ¹⁴ Fao ny raha jiaby zay mibaribary dia fahazavagna. Noho zany dia koragnigny hoe: "Minjóna, ana mandry, ary mitsangàna amin'ny toairan'ny maty, dia hamiratra amina Kristy." ¹⁵ Mitandraima amin'ny fomba fiagnanà_ tsy hotra ny tsy hendry fao hotra ny hendry. ¹⁶ Ararôty ny fotoagna satria zao andro zao dia ratsy. ¹⁷ Noho zany, aza adaladala, fao takaro hoe ino no sitrapôn'ny Tompo. ¹⁸ Ary aza magnano mamon'ny divay, fao mintondra agny amin'ny faharatsian-toaitra zany. Fao ndraiky aoka ho finoan'ny Fagnahy Masigny, ¹⁹ mifampikoragnà aminare samby are amin'ny salamo ndraiky fihiragna ary hiram-pagnahy, mihirà avake mikaloa amin'ny Tompo amin'ny fônare jiaby. ²⁰ Misaora lalandava amin'ny raha jiaby, amin'ny agnaran'i Jesôsy Kristy Tompontsika ho amin-Jagnahary lehy Iada, ²¹ mifanolaora taigna amim-pagnajagna hoan'i Kristy. ²² Ry vaiavy, magnikaiha ny vadinare, hotra ny amin'ny Tompo. ²³ Fao ny lalahy no laohan'ny vaiavy hotra Kristy koa laohan'ny fiangonagna, ary Kristy haigniny no mpagnavotro. ²⁴ Fao hotra ny hagnikaihan'ny fiangonagna nihin'i Kristy, dia mitôvy zany koa no tôkony hagnikaihan'ny vaiavy ny vadiny amin'ny raha jiaby. ²⁵ Ry lehilahy, tiavo ny vadinà, mitôvy ny nitiavan'i Kristy ny fiangonagna ndraiky nagnamaizany azy ny aigny. ²⁶ Nanôlotro ny haigniny hoan'ny fiangonagna Kristy mbô hafahany magnamasigny azy, tamin'ny fagnadiovagna azy tamin'ny rano fanasagna amin'ny koragna, ²⁷ mbô hahafahany mampiboaka azy ho gaida vogninahitry eo aminazy, tsisy tasy na ketrogno na raha hotra zany, fao masigny sady tsisy diso. ²⁸ Hotra zany faogna koa ny lalahy dia tôkony ho tia vadin-jare avy hotra ny haignin-jare. Izy zay tia ny vadiny dia tia ny haigniny faogna koa. ²⁹ Tsy mbôla nisy nalaigny ny haigniny, fao mamahagna ndraiky mikarakara zany tsara, mitôvy Kristy mamahagna fiangonagna ndraiky mikarakara azy faogna koa, ³⁰ satria atsika dia ratsan-kaigniny. ³¹ Noho zany antony zany ny lalahy dia handà iada ndraiky nininy kay hikambagna amin'ny vadiny, ary izy aroa dia hanjary nôfo araiky faogna." ³² Gaida zany fahamarignagna mivôny zany_ fao Zaho dia mivaolagna mahakasik'i Kristy ndraiky ny fiangonagna. ³³ Kanaifa, ny tsiaraikiaraiky aminare faogna koa dia tôkony ho tia vadiny avy hotra ny haigniny, ary ny vaiavy dia tôkony hagnaja vadiny.