¹ Fao hainareo zao: amin'ny reo andro farany dia hisy reo fotoan-tsarotro. ² Satria ny ôlogno ho tia taigna, tia vaola, ho mpiraiharaiha, ho mpandoka taigna, tsy manôhotro iada ndraiky niny, tsy misaotra, avakeo tsy masigny. ³ Tsy hanam-pitiavagna ny fianakaviagnanazy zireo, mpagnozonkôzogno, ho mpagnendrikendriky, tsy hahafehy taigna, hahery setra, tsy ho tia raha tsara. ⁴ Ho mpamadiky zareo, tsisy eritreritry, mpagnambony taigna, tia fahafinaraitagna mihoatra noho reo tia Zagnahary. ⁵ Hanagna ny toaitra karaha nihin-Jagnahary zareo, kanaifa tsy hagneky angôvoanazy. Mialà amin'ny regny ôlogno regny. ⁶ Satria ny sasany tamin'ny reo dia reo lalaha zay miditry akao an-tokantragno avakeo mambabo reo vaiavy laifaka. Reo no vaiavy zay tsy afaka amin'ny fahotagna ndraiky voatariky amin'ny reo filàgna samihafa. ⁷ Reo vaiavy reo dia mianatra faogna, kanaifa tsy ho avy amin'ny fahaizagna ny fahamarinagna velively. ⁸ Karaha zany koa i Jana sindraiky i Jambra nitsangagna nanohitry i Mosesy. Tamin'ny zany dia nitsangagna koa reo mpagnanatra sandoko reo hanohitry ny marigny. Zareo dia lalahy maratra fisainagna, tsy nankasitrahigny tamin'ny fankatoavagna. ⁹ Fao tsy handroso lavitry zareo. Satria ny halifahagnanazy dia ho hita mazava amin'ny ôlogno jiaby, karaha ny reo lalaha reo. ¹⁰ Fao izy koa areo ndraiky, dia afa nagnaraka ny fagnanarako, ny fitondragna, ny fikasagna, ny finoagna, ny faharaitam-pô, ny fitiavagna, ny faharaitagna, ¹¹ reo fagnindriagna, reo fijaliagna, avakeo zay niboaka taminaha tagny Antiokia, tagny Ikonioma avakeo tagny Lystra. Niaritry reo fagninjaihagna zaho. Avy amin'ny reo raha jiaby reo, dia nagnavotro zaho ny Tompo. ¹² Zay jiaby ti-hiaigny araka ny faomban-Jagnahary akao amin'i Kristy Jesôsy dia hirindrigny. ¹³ Reo ôlon-dratsy ndraiky reo mpisantoko dia ho agny amin'ny ratsy lalandava. Zareo dia hitariky reo ôlon-kafa handaiha agny amin'ny lalagna tsy manjary. Avakeo zareo haigniny dia ho voatariky amin'ny zany. ¹⁴ Fao izy koa areo ndraiky, mipitraha akao amin'ny reo raha zay afa nianaranareo ndraiky zay afa nankatoavinareo mafy hoe avy amin-jôvy no afa nianaranareo. ¹⁵ Hainareo fao rango fahazazagna dia afa nahay reo asa saoratra masigny areo. Regny hahaifa hampahisy fagnaha areo ho amin'ny fagnavaotagna amin'ny alalan'ny finoagna Jesôsy Kristy. ¹⁶ Ny Saoratra Masigny jiaby dia avy amin'ny nôfin-Jagnahary. Zany dia tômbony amin'ny fotoam-pagnanaragna, ho an'ny fanondroagna reo diso, ho an'ny fagnitsiagna, avakeo ho an'ny fagnofanagna amin'ny fahamarinagna. ¹⁷ Zany dia mbô hahatonga ny lalahin-Jagnahary hahay tsara, ndraiky ho voahomagna tantairaka amin'ny asa tsara jiaby.