¹ Noho zany anao, zanako, maheraiza ao amin'ny fahasoavagna zay ao amin'i Jesôsy Kristy. ² Reo raha regninareo avy aminaha t'agnatraihan'ny antomoa maro, dia hankigno amin'ny ôlogno mahatoky zay afaka hampianatra ny sasany koa. ³ Miaraita raha sarotro miaraka aminaha, tôrotro ny miaramila tsaran'i Jesôsy Kristy. ⁴ Tsisy miaramila manompo raha mbôla voafandriky reo raharahan'ny zao fiainagna zao, mbô hafahany mampiravo ny lehibeny. ⁵ Avakeo, koa misy ôlogno mifaninagna hotra ny atleta, dia tsy mandray ny satro-boninahitry izy raha tsy mifaninagna amin'ny alalan'ny reo fitsipiky. ⁶ Ilaigny ny fandraisan'ny leha mpamboly zay miasa mafy ny anjara vokatra voalaohany. ⁷ Diniho ny momba zay koragniky, fa ny Tompo no hagnamia areo ny fahatakaragna amin'ny raha jiaby. ⁸ Tsarovy Jesôsy Kristy, avy amin'ny tamingan'i Davida, zay natsangagna tamin'ny maty. Zany dia araka ny hafatra ny vava maharavo naha, ⁹ zay mampijaly zaho ny amin'ny famatoragna hotra ny mpamono ôlogno. Fao ny tenin-Jagnahary dia tsy voafatotro. ¹⁰ Noho zany hiaraitako ny raha jiaby ho amin'ny reo voafidy, biaka ho afaka halaka ny fanavaotagna zay ao amin'i Kristy Jesôsy faogna koa zareo, miaraka amin'ny vogninahitry bariky ditany. ¹¹ Tô vaolagna tô dia mendri-pitokisagna: "Raha maty niaraka taminazy atsika, dia ho velona hiraka aminazy faogna koa. ¹² Raha miaritry atsika, dia hanjaka hiaraka aminazy faogna koa. Raha mandà Azy atsika, dia handà atsika faogna koa Izy. ¹³ Raha tsy mahatoky atsika, dia hahatoky faogna Izy, satria tsy afaka mandà ny haignianazy Izy." ¹⁴ Ampahatsaraovy zareo lalandava reo raha reo. Ampitandremo eo agnatraihan-Jagnahary zareo biaka tsy hifamaly momba reo teny. Noho io dia tsisy raha ilagna. Noho io dia misy faharatisagna amin-jareo zay mitandregny. [Fagnamarihagna: ny dikan-teny sasany dia mivaky magnanjao: "Ampitandremo eo agnatraihan-Jagnahary zareo.] ¹⁵ Amiazo ny tsara avy aminao mbô hanoloranao tena ho amin-Jagnahary hotra leha ankatoavigny, mpiasa zay tsy managna antony hahamaingatra, zay mampianatra ny tenin'ny fahamarinagna amin'ny tôkony ho izy. ¹⁶ Ialao ny teny fanaivataivagna, zay mitondra agny amin'ny faharatsiam-pagnahy. ¹⁷ Ny koragnan-jareo dia hiparitaka hotra ny fery mandoaka. Eo agnivon'ny reo Hymeneo ndraiky Fileto. ¹⁸ Zareo no lalahy tsy mbô nahay ny marigny. Mivaolagna zareo fao ny fitsanganagna amin'ny maty dia afa nisy. Narantin-jareo ny finoagnan'ny sasany. ¹⁹ Na dia zany ndraiky, ny fôtorto mafy horigny Zagnahary dia mijoro. Managna tô saoratra tô: "Ny Tompo dia mahay reo zay nihinazy" avakeo "Zay jiaby manognogno ny agnaragna Tompo dia tsy maintsy miala amin'ny tsy fahamarinagna." ²⁰ Ao amin'ny tragnon'ny mpanan-kariagna, dia tsy reo fipitrahan'ny vaola maina ndraiky vaola fôtsy faogna ny akao. Misy faogna koa reo fipitrahan'ny kakazo ndraiky tanimanga. Ny sasany amin-jareo dia ho ampiasaigny amim-bogninahitry, aveo ny sasany ho amin'ny fagnalam-baraka. ²¹ Koa misy ôlogno magnadio ny haigninazy ho afaka amin'ny fahafaham-baraka, dia fipitrahagna manan-kaja izy. Izy dia voataokagna, ilain'ny Tompony, avakeo voahomagna amin'ny asa tsara jiaby. ²² Milifasa reo filàn'ny tanora. Mitadiava fahamarinagna, finoagna, fitiavagna, aveo fihavanagna miaraka amin'ny reo zay miantso ny Tompo amin'ny fô madio. ²³ Naifa mandàva reo fagnontaniagna adala salakady ndraiky tsisy fôtony. Hainareo fao mitairaka ady reo. ²⁴ Ny mpanompony Tompo dia tsy tôkony mifamaly. Fao ndraiky tsy maintsy malemy fagnahy amin'ny jiaby izy, mahay mampianatra, avakeo maharitry. ²⁵ Tsy maintsy ao amin'ny fahalemem-pagnahy no ampianarany reo zay manohitry azy. Fao angamba Zagnahary mety hagnamia zareo fibaibahagna ho an'ny fahalalagna ny marigny. ²⁶ Mety hôdy indraiky ny fisaignan-Jareo aveo handao ny fandriky ny devoly, koafa avy nisambôrigny tamin'ny sitrapôny.