¹ Tianay ho hainareo, rahalahy, ny momban'ny fahasoavan-Jagnahary zay namiagna tao amin'ny reo fiangonan'i Mekedonia. ² Nandritran'ny fitsapagna goalahy amin'ny fahoriagna, ny godofoko ny haravoagna ndraiky ny fara-fahantragna-jareo dia nitairaka hariagna gaidan'ny falalan-tagnagna. ³ Satria mitsangagna antomoa zaho fao nagnano fôntry arak'izay vitagny zareo, avakeo mihoatra zay vitany aby. Ary tamin'ny sitrapôn-jareo zeraiky ⁴ ndraiky niaraka tamin'ny fitalaohagna mafy no nangatahinjareo taminay ny fahafahagna mbô hanagna anjara amin'ny tô asa fanompoagna akeo amin'ny reo mpino tô. ⁵ Tsy niboaka araka zay nantenainay zany. Fao ndraiky, nanôlotro ny haigniny mialaoha tamin-Jagnahary zareo. Aveo nanolo-taigna hoanay zareo tamin'ny sitrapôn-Jagnahary. ⁶ Kay nampirisiky Titosy zahay, zay afa nanomboko an'ny zany asa zany, mbô hagnatantairaka ny fahasoavagna aminareo. ⁷ Fao areo ndraiky dia manankariagna amin'ny raha jiaby, amin'ny finoagna, amin'ny vaolagna, amin'ny fahalalagna, amin'ny fitiavanareo zahay. Koa ataôvy azo antoko mbô hanankariagna amin'ny zany asa fahasovagna areo. [NY ULB sy ny UDB, miaraka amin'ny reo dikan-teny maro hafa, dia mivaky hotara zao: "Ao amin'ny fitiavanao zahay." Ny dikan-teny hafa dia mivaky hotra zao: "Ary ao amin'ny fitiavanay areo"] ⁸ Tsy mivaolagna zany hotra didy zaho. Fao ndraiky, mivaolagna zany zaho amin'ny fitsapagna ny fahamarinan'ny fitiavanareo amin'ny fampitoviagna zany amin'ny zotompôn'ny ôlogno hafa. ⁹ Satria hainareo ny fahatsaran'ny Tompontsika Jesôsy Kristy. Kay na nanankariagna aza izy, dia niova mijaly noho areo, koa amin'ny alalan'ny fijaliagna no mety ahazoanareo hariagna. ¹⁰ Amin'ny zany koragna zany dia hagnamia torohevitry areo zaho zay hagnampy areo. Herintagno lôso zay, dia tsy nanomboko nagnano raha faogna areo, fao nagniry ny magnano zany. ¹¹ Avaizo vitao zany, hotra ny nisian'ny zotom-pô ndraiky ny fagniriagna hagnano zany, dia enganie hagnatantairaka zany koa areo, arak' zay azonareo tsabogny. ¹² Satria raha magniry mafy ny hagnano zany asa zany areo, dia raha tsara sady azo kehigny zany. Tsy maintsy mifôtotro amin' zay hanagnan'ôlogno araiky zany, fao tsy zay tsy anagnanay. ¹³ Fao zany asa zany dia tsy mbô hagnamaivagna ny hafa aveo hagnavaisatra areo. Fao ndraiky, tôkony hoisy ny rariny. ¹⁴ Ny hariagnanareo amin'ny zao fotoagna zao dia hagnamia zay ilain-jareo. Kay zany koa dia mbô hagnomaizagna hariagnan'ny reo zay ilainareo. Ary mbô agnomiazan-jareo ny rariny ¹⁵ Araka zay afa voasaoratra magnanjao: "Lehy araiky zay nanagna fôntry dia tsy nanagna lambiny, aveo lehy araiky zay nanagna hely dia tsy nanagna ny tsy ampy. ¹⁶ Fao nihin'ny Zagnahary ny fisaoragna, zay namaitraka ny tao am-pôn'i Titosy ny fahamatoragna zay anagnako aminareo. ¹⁷ Fao izy tsy nagneky faogna ny antsovintsika, fao taigna matotro ny amin'ny zany faogna koa. Nagnatogno anao tamin'ny sitrapôny manaokagna izy. ¹⁸ Nalaifanay izy niaraka tamin'ny lehy rahalahy zay nideraigny teo agnivon'ny finoagna jiaby noho ny sasany zay mitory ny vava mahafaly. ¹⁹ Tsy zany faogna, fao izy faogna koa dia nitendren'ny reo fiangonagna mbô handaiha hiaraka aminay hitondra zao asan'ny fahalalan-tagnagna zao. Zany dia nihin'ny vogninahitr'izy Tompo aveo hoan'ny fagnirianay hagnampy. ²⁰ Mitandrigny zahay ny amin'ny mety hisian'ny ôlogno mitaraigny mombanay mahakasiky io asa fahalalan-tagnagna zay hatanay io. ²¹ Kay mila mitandrigny zahay mbô hagnano ny mendrika, fao tsy eo agnatraihan'ny Tompo zeraiky faogna, fao eo alaohan'ny ôlogno koa. ²² Mandaifa rahalahy araiky hafa koa zahay miaraka amin-jareo. Mazagna zahay no nitsapa azy, avakeo nahita azy mafana fô tamin'ny asa maro. Taigna mazôto izy zao noho lehy fahatokisagna gaida zay anagnanay aminareo. ²³ Raha ny amin'i Titosy, izy no namako sady mpiramiasa aminaha ho areo. Raha ny amin'ny rahalahinay, dia nalaifan'ny reo fiangonagna zareo. Vogninahitry hoan'i Kristy zareo. ²⁴ Koa aboaho zareo ny fitiavanareo, aveo aboaho amin'ny fiangonagna ny anton'ny firaiharaihanay momba areo.