¹ Mira-miasa aminazy, zahay faogna koa dia mampirisiky areo tsy halaka fahasoavan-jagnahary fahotany. ² Fao ny nivaolagna izy nagnanjao: "Tamin'ny fotoagna mety dia nitandregny areo Zaho, ary tamin'ny andron'ny famonjiagna dia nagnampy areo Zaho. Zahavo, amizeo no fotoagna mety. Zahavo, amizeo no andron'ny famonjiagna. ³ Tsy magnapaitraka vato fagnafintohinagna akeo agnatraihan-jôvy na zôvy zahay, fao tsy magniry ny haharatsy laza ny asa fanompoagnanay. ⁴ Fao ndraiky, zahay dia magnaporofo ny haigninay amin'ny asanay jiaby, fao mpanompon-Jagnahary zahay. Zahay no mpanompony amin'ny fiaraitagna mafy, fahoriagna, fahasoavagna, ⁵ reo poko, fagnagadragna, fikomiagna, amin'ny asa mafy, amin'ny reo aligny tsisy torimaso, amin'ny tihinagna, ⁶ amin'ny fahadiovagna, fahaizagna, faharaitagna, fahatsoram-pô, amin'ny Fagnahy Masina, amin'ny taigna fitiavagna. ⁷ Zahay no mpanompony akao amin'ny vaolagna Zagnahary. Zahay dia managna ny fiaraovan'ny fahamarinagna hoan'ny tagnagna ankahery ndraiky ny ankavia. ⁸ Zahay dia miasa amin'ny vogninahitry ndraiky amin'ny fahafam-baraka, amin'ny fagnaratsiagna ndraiky ny fideragna. Zahay dia vombara ho mpavandy kanaifa zahay marigny. ⁹ Zahay miasa karaha regny tsisy mahay regny kanaifa zahay mbôla miferignagny. Miasa karaha ho faty zahay—zahavo—mbôla miaigny zahay. Miasa zahay karaha sazigny nohon'ny asanay naifa tsy karaha voaheloko ho faty. ¹⁰ Zahay miasa karaha ny malahelo, kanaifa dia miravo lalandava. Zahay dia miasa karaha ny mijaly, kanaifa mampanan-kariagna ôlogno maro zahay. Miasa karaha ny tsy managna na ino na ino zahay kanaifa karaha ny managna raha jiaby. ¹¹ Zahay nivaolagna ny marigny jiaby taminareo, Korintiana, aveo fônay misaokatra midagnadagna. ¹² Ny fônareo tsy nifihezinay, fao areo no namehy reo fihitseham-pônareo manaokagna. ¹³ Ary ho valiny ara-drariny—mivaolagna aminareo karaha ny amin'ny zaza zaho—sokoafo hidagnadagna ny fônareo. ¹⁴ Aza mifagneky amin'ny reo tsy mpino. Fao ino no iraisan'ny fahamarinagna ndraiky ny fandikan-dalàgna? Fao na ino no iarahan' ny mazava amin'ny mahizigny? ¹⁵ Ino no mety ho fifagnarahagna akeo amin'i Kristy ndraiky Beliala? Na ino no tôkony anjara anagnan'ny mpino araiky ndraiky amin'ny tsy mpino araiky? ¹⁶ Avakeo na ino no fifagnarahagna misy akeo amin'ny tempolin-Jagnhaary ndraiky ny sampy? Fao atsika dia tempolin-Jagnahary velogno, araka ny afa nambaran-Jagnahary magnanjao: "Hibidôko akeo aminjareo Zaho aveo handaiha akeo aminjareo. Zaho dia ho Zagnaharinjareo avakeo zareo dia ho ôlognoanaha." ¹⁷ Noho zany, "Miboaha ialao akeo aminjareo, avakeo mitokana," hoizy ny Tompo. "Aza mikasiky raha maloto, avakeo Izaho halaka areo. ¹⁸ Izaho dia ho Iadanareo, ary areo ho zanako lahy ndraiky ho zanako vaiavy," hoizy Tompo Tsitaohagna.