¹ Zaho, Paoly, miangavy areo ny vatataignako, amin'ny fanitriantaigna ndraiky hamoram-pagnahin'i Kristy. Malemy fagnahy zaho koafa akeo amin'ny fagnatraihanareo, naifa mahasaky ny aminareo zaho, koafa tsy akeo. ² Mangataka aminareo zaho, koafa miaraka aminareo zaho, tsy mila mahasaky amin'ny fahatokisan-taigna. Naifa zaho mieritreritry fao mila mahasaky manohitry reo zay mihevitry fao atsika dia miaigny araka ny nôfo. ³ Fao na zany ndraiky dia mandaiha araka ny nôfo zahay, tsy miady araka ny nôfo. ⁴ Fao ny fiadiagna zay iadivanay dia tsy ara-nôfo. Noho zany, managna ngôvo avy agny an-dangitry reo mbô hamotaihagna ny fagnahy ratsy. Fao tsy mitondra na ino na ino ny hevi-pitaka njareo. ⁵ Hoaratintsika faogna koa reo raha hambo zay managna fagnorainagna ny fahaizagna Zagnahary. Fao mihevitry ny hagnandevo ny tsiaraikiaraiky amin'ny fankatoavagna Kristy atsika. ⁶ Aveo miomagna amin'ny famaizagna ny fihetsika tsy fankatoavagna jiaby atsika, vatany vao tantairaka ny fankatoavanareo. ⁷ Zahavo mazava zay anoloanareo. Fao na zôvy na zôvy resy lahatra fao izy no Kristy, aoka hampatsiaro ny haigniny izy fao izy taignany dia Kristy, dia hotra zany koa atsika. ⁸ Eny fao na dia miraiharaiha hely aby zaho mahakasikin'ny fahefanay, zay namian'ny Tompo anay mbô hananganagna aveo tsy handratra areo, tsy ho maingatra zaho. ⁹ Tsy tiako zany ny hampihôrohôro areo amin'ny alalan'ny taratasinaha. ¹⁰ Fao ny ôlogno sasany nivaolagna nagnanajao: "Matotro sady mahery ny taratasy, naifa malemy ara-batagna izy. Tsy magnaiva tandrignaisagna ny vaolagna nazy." ¹¹ Aoka ny ôlogno hotra regny ahay fao reo vaolagna ao amin'ny taratasinay tamin'ny fotoagna tsy nahateo zahay dia magnaboaka ny asa tôkony hitsabonay koafa tonga akagny zahay. ¹² Tsy mandaiha lavitry zahay na mampitôvy ny haigninay amin'ny reo zay midoka-taigna. Fao raha mandrefy ny haigniny amin'ny hafa zareo aveo mampitôvy ny haigniny amin'ny hafa, dia tsy ho malina. ¹³ Atsika, na zany aby, tsy hiraiharaiha mihoatra ny tôkony ho izy. Fao ndraiky, tsabonay faogna zany zay misy faitrany araka ny nanindrin-Jagnahary zahay, faitra zay mahakasiky areo. ¹⁴ Fao tsy mitandrigny ny haigninay zahay koafa tonga tegny aminareo. Zahay no tonga voalaohany hatragny aminareo niaraka tamin'ny vava maharavon'i Kristy. ¹⁵ Tsy niraiharaiha mihoatra ny faitra zahay ny mahakasikin'ny asan'ny sasany. Naifa ndraiky, antenainay fao hisôsoko ny finoagnanareo amin'ny asa gaida mandigny ny tsiaraikiaraiky, ary samy amin'ny faitrany aby. ¹⁶ Fao zao no antenainay, mbô ahafahanay mitory ny vava maharavo na dia akagny amin'ny toairagna lavitry areo aby. Tsy hiraiharaiha mahakasikin'ny asa afa vita tagny amin'ny faritry hafa atsika. ¹⁷ "Naifa aoka ny araiky zay miraiharaiha, hiraiharaiha ao amin'ny Tompo." ¹⁸ Fao tsy lehy araiky zay manôlotro ny haigniny no ankatoavigny. Naifa ndraiky, aoka lehy araiky zay natôlotry ny Tompo.