¹ Aza masiaka amin'gny antilahy. Fao ndraiky, anaro hotra ny iada izy. Anaro hotra ny rahalahy reo lalahy tanora. ² Anaro hotra ny niny reo antiboavy, aveo reo vaiavy tanora hotra ny anabavy ao amin'ny fahadiovagna jiaby. ³ Magnajà reo mpitondrataigna, reo taigna mpitondrataigna. ⁴ Fao raha mananjanaka na zafikely ny mpitondrataigna araiky, dia ambilao zareo alaoha hianatra hagnamboaka fagnajagna amin'ny tokatragnony. Aoka zareo hamaly babiagna reo ray aman-dreny, satria ankasitrahin-Jagnahary zany. ⁵ Fao ny taigna mpitondrataigna dia nambaila taokagna. Mamaitraka fitokisany amin-Jagnahary izy. Mitoaitra lalandava amin'ny reo fangatahagna ndraiky vavaka andro aman'aligny. ⁶ Na zany aby, ny vaiavy zay miaigny hoan'ny fahafinaraitagna dia maty, na dia mbôla velogno aby izy. ⁷ Torio zany raha zany mbô tsy anagnan-jareo tsigny. ⁸ Fao raha misy ôlogno tsy magnamia hoan'ny reo havany marikitry, indrindra hoan'ny reo zay amin'ny fianakaviany, dia nandà ny finoagna izy aveo ratsy mandilatra noho ny tsy mpino. ⁹ Aoka ho soroatagna ho mpitondrataigna ny vaiavy zay tsy latsaky enimpôlo tagno, vaiavy araiky zay vadin'ny lalahy araiky. ¹⁰ Tôkony ho hay noho reo asa tsara izy, na nikarakara reo zaza, na koa nampiantragno reo mpivahiny, na nanasa hongotro reo mpino, na nagnamaivagna ny ory, na nanolo-taigna tamin'ny asa tsara jiaby. ¹¹ Fao hoan'ny reo mpitondra-taigna mbôla tanora ndraiky, aza magneky hanaoratra zareo agnaty lisitry. Fao koafa milavo-lefogno amin'ny nôfo hanohitr'i Kristy izareo, dia tehanambady. ¹² Amin'ny zany zareo hahazo fagnamelaohagna satria namadiky fanolôrantaignany voalaohany. ¹³ Kay nanjary zatra kamo koa zare. Mandaihandaiha mitety tragno. Tsy hoe nanjary kamo faogna zareo, fao nanjary mpifaosa ndraiky mpila ady faogna koa. Mivaolagna raha zay tsy tôkony ho volagnigny zareo. ¹⁴ Noho zany tiako hanambady reo vaiavy mbôla tanora, hitairaka, hikarakara tokantragno, mbô tsy ahafahany magnamia irika gny fahavalo hagnampanga zahay ho nagnano ratsy. ¹⁵ Fao ny sanany afa nivily edy hagnaraka Satana. ¹⁶ Raha misy vaiavy mino managna mpitondrataigna, aoka izy hagnampy zareo, mbô tsy hagnavaisatra ny fiangonagna, mbô hafahany magnampy reo taigna mpitondrataigna marigny. ¹⁷ Aoka reo sojabe zay manapaka tsara mbô ho raisigny ho mendrimbogninahitry indroan'ny tômbony, indrindra reo zay miasa miaraka amin'ny vaolagna ndraiky amin'ny fampianaragna. ¹⁸ Fao hoizy Saoratra Masigny magnanjao: "Tsy tôkony hagnisy fehiny vavan'aomby anao raha mbôla mihinagna voa izy." Aveo koa: "Ny mpiasa dia mendriky ny karamany." ¹⁹ Aza malaka fiampangagna manohitry sojabe araiky raha tsisy antomoa aroa na telo. ²⁰ Ahitsio agnatraihan'ny jiaby reo mpanota mbô hatahotro ny sasany. ²¹ Mandidy anao mafy zaho agnatraihan-Jagnahary ndraiky agnatraihan'i Kristy Jesôsy avakeo reo anjely voafidy, mbô hitananao reo didy reo tsisy fitsaratsaragna aveo mbô tsy hanaovanao na ino na ino amin'ny fiangarangna. ²² Aza malaky mamaitra-tanagna amin-jôvy na zôvy. Aza mikambagna amin'ny fahotagnan'ny ôlon-kafa. Tôkony hitagna ny haigninao hadio anao. ²³ Tôkony tsy higiaka rano eky anao. Fao naifa, tôkony halaka divay hely anao hoan'ny vavony ndraiky reo aretigniao mateti-mitranga. ²⁴ Ny fahotagnan'ny reo ôlogno sasany hay mibaribary, aveo zareo mandaiha alaohan'ny reo akao amin'ny fitsaragna. Fao ny ota sasany magnaraka avy atoy afara. ²⁵ Hotra zany faogna koa, misy asa tsara hay mibaribary, naifa reo sasany aby tsy azo avôny.