¹ Avaizo, mivaolagna tsara ny Fagnahy fao amin'ny fotoagna afara agny hiala amin'ny finoagna ny ôlogno sasany aveo mitandraima tsara ny amin'ny reo fagnahy mpamitaka ndraiky reo fampianaran'ny reo masantôko ² amin'ny fiatsaram-belatsihin'ny mpavandy. Fao voamarika amin'ny vy mahamay ny feon'ny fieritreraitan-jareo. ³ Ho araovan-jareo ny manam-bady ndraiky ny mandray reo hanigny zay niforônin-Jagnahary ho zaraigny miaraka amin'ny fisaoragna amin'ny reo zay mino ndraiky zay mahay ny marigny. ⁴ Fao tsara raha jiaby zay niforôgnin-Jagnahary. Tsisy holavigny ny raha niraisintsika tamim-pisaoragna. ⁵ Fao nihamasinigny tamin'ny koragnan-Jagnahary ndraiky vavaka zany. ⁶ Raha apaitraka agnatraihany reo rahalahy raha reo, dia ho mpanompo tsaran'i Jesôsy Kristy areo. Fao nitezaigny tamin'ny reo koragnam-pinoagna ndraiky tamin'ny fampianaragna tsara zay narahinareo areo. ⁷ Fao lavo ny angano tantarain'ny vavy hantitry. Fao ndraiky, tarito hagnamia vogninahitry Zagnahary ny haigninareo. ⁸ Fao ny vatagna ho fanigny dia hely faogna no azo ampiasaigna azy, naifa fampiasa amin'ny raha jiaby ny toaitra araka Zagnahary. Mitagna ny fampanantenagna amin'ny tô fiainagna avaizo tô ndraiky ny fiainagna hoavy. ⁹ Tô hafatra tô magnaiva atokisagna ndraiky magnaiva fahafinoan'ny fagninkiagna. ¹⁰ Fao noho zany dia hitôlogno ndraiky hiasa mafy atsika. Fa mahatoky ao amin-Jagnahary velogno atsika, zay Mpagnavotro ny ôlogno jiaby, indrindra zareo mino. ¹¹ Ambarao ndraiky ampianaro reo raha reo. ¹² Aoka tsy hoisy ôlogno hagnano tsinotsinona ny fahatanoragnanao. Fao ndraiky, aoka ho aohatra hoan'ny reo zay mino, amin'ny fivolagnagna, fitondrantaigna, fitiavagna, finoagna, aveo fahadiovagna. ¹³ Mandra-paviako, tohizo ny famakiagna, ny fagnanaragna, ndraiky ny fampianaragna. ¹⁴ Aza ato tsinotsinona ny fagnomaizam-pahasoavagna zay ao aminao, zay namiagna anao tamin'ny alalan'ny faminaniagna, niaraka tamin'ny fambilagna tagnagna reo sojabe. ¹⁵ Tandremo regny raha regny. Meteza hoa akao aminjareo, mbô hibaribary amin'ny ôlogno jiaby ny fandrosoagnanao. ¹⁶ Tandremo tsara ny haigninao ndraiky fampianaragna. Tohizo regny raha regny. Fao raha magnano hotra zany, dia ho vonjegny ny haigninao ndraiky reo zay mitandregny anao.