¹ Aoka reo jiaby zay ambanin'ny zioga hotra reo andevo mbô hagnano tômpony ho magnaiva haja jiaby. Zareo tôkony hagnano zany mbô tsy hivolagnagna ratsy ny agnaran-Jagnahary ndraiky fampianaragna. ² Reo andevo zay managna tompo mino dia tsy tôkony hagnano tsinotsinona zareo satria mpirahalahy aminazy. Fao ndraiky, zareo tôkony hanompo hatragny hatragny. Fao reo tompo zay nampiagna tamin'ny asan-jareo dia mpino sady tiavigny. Ampianaro aveo ambarao reo raha reo. ³ Hevero fao ny ôlogno mampianatra amin'ny fomba hafa aveo tsy magneky fanoroantsika ara-pinoagna, zay, koragnan'i Jesôsy Kristy Tompontsika. Hevero fao zareo tsy magneky fampianaragna zay mitondra akagny amin'ny toairagna araka Zagnahary. ⁴ Zany ôlogno zany miraiharaiha aveo tsy mahay na ino na ino. Fao ndraiky, izy laifaka adihevitry ndraiky reo fandrisiandahatra mahakasiky reo koragna. Regny koragna regny dia mitairaka fialonagna, fanevataivagna, ahiahy ratsy, ⁵ aveo ny fifandonagna eo amin'ny reo ôlogno maloto fisainagna. Miala amin'ny marigny zareo. Mihevitry izy fao toaitra araka Zagnahary no fomba ahatongavagna ho mpanankariagna. [Fagnamarihagna: Ny fandikagna talaoha sasany dia manôsoko zao: "Miala amin'ny raha hotra zany." Fao ny fandikagna talaoha taigna tsara tsy manôsoko.] ⁶ Avakeo ny toaitra araka Zagnahary miaraka amin'ny fahafaham-pô dia tômbony goalahy. ⁷ Satria atsika tsy nitondra na ino na ino amin'izao tontolo zao. Tsy hahavita hitondra na ino na ino atsika. ⁸ Fao ndraiky, aoka atsika ho afa-pô amin'ny hanigny ndraiky ny fitafiagna. ⁹ Aveo reo zay te hanjary mpanan-kariagna dia latsaka agnatin'ny fakam-pagnahy agnatin'ny fandriky. Latsaka tagnatin'ny halifahagna ndraiky reo filàgna mampidi-doza maro zareo, aveo koa reo hafa mandetiky reo ôlogno amin'ny faharavagna ndraiky ny fandringanagna. ¹⁰ Satria fôtotr'reo karazan-dratsy jiaby ny fitiavam-baola. Ny ôlogno sasany zay magniry zany dia afa voavily niala tamin'ny finoagna aveo nanindrogno ny haignin-jareo tamin'ny fahoriagna gaida. ¹¹ Fao anao, ry lalahin-Jagnahary, milifasa reo raha reo. Miezaha mitady fahamarinagna, ny toaitra araka Zagnahary, ny fahatokisagna, ny fitiavagna, ny faharaitagna, aveo ny hatsaram-pagnahy. ¹² Miadia ny ady tsaran'ny finoagna. Tano ny fiainagna bariky dintany fao hoamin'ny zany no nagnantsaovagna anao. Zany dia mahakasiky ny nitsangananao antomoa ny amin'zay inoanao tagnaitrahan'reo antomoa maro tamin'ny zay tsara. ¹³ Zaho magnamia anao zany didy zany eto agnatrahan-Jagnahary, zay nahatonga raha jiaby ho velogno, aveo agnatraihan'i Kristy Jesôsy, zay nivaolagna marigny tagnatraihan'i Pontio Pilato: ¹⁴ Akajio tsara ny didy, tsy manan-tsigny, mandra-piboahan'ny Tompontsika Jesôsy Kristy. ¹⁵ Zagnahary magnaboaka fisehoany amin'ny fotoagna tôkony ho izy—Zagnahary, lehy araiky zay nitahigny, lehy ngôvo taokagna, lehy Mpanjaka zay manjaka, aveo lehy Tompo zay manapaka. ¹⁶ Izy zeraiky faogna managna tsy fahafataisagna aveo midôko amin'ny hazavagna tsy azo hatôgnigny. Tsisy ôlombelogno mahita azy na afaka mizaha Azy. Hoazy tatô ny vogninahitry ndraiky angôvo bariky dintany. Amena. ¹⁷ Volagno ny mpanan-kariagna amin'izao tontolo zao mbô tsy hiraiharaiha, ndraiky magnantaigna hariagna, zay tsy azo antoko. Fao ndraiky, tôkony hagnantaigna Zagnahary zareo. Magnamia atsika hariagna marigny jiaby Izy mbô hiravoantsika. ¹⁸ Volagno zareo mbô hagnano tsara, mbô hanan-kariagna amin'ny asa tsara, mbô halala-tagnagna, aveo vôgnogno hizara. ¹⁹ Amin'ny zany fomba zany, dia ho hakajin-jareo ny fôtotro tsara hoan'ny haigniny amin'izay hoavy, kay hitanantsika ny taigna fiainagna. ²⁰ Ry Timoty, arovy zay namiagna anao. Ialao ny koragna alifahagna ndraiky ny fandrisian-dahatra mifanohitry mahakasiky ny fagnantsaovagna diso ny amin'zay atao fahaizagna. ²¹ Ny ôlogno sasany mivaolagna raha zany kay tsy nahatsiaro finoagan-jareo. Hoaminareo tatô ny fahasoavagna.