¹ Tô karaha ino ny fitiavagna namian'ny Iada atsika, mbô hagnantsaovagna atsika hoe Zanaka Zagnahary, ary zany atsika. Noho zany antony zany, zao tontolo zao dia tsy mahay atsika, satria tsy mahay azy zany. [Fagnamarihagna: Ny dikan-teny talaoha dia tsy magnampaitaka hoe: "ary zany atsika."] ² Ry tiagna, Zanaka Zagnahary atsika avaizo, ave zany mbôla tsy namabara karaha ino atsika. Atsika dia mahay fao koafa miboaka Kristy, dia tôrotro Azy atsika, satria hahita Azy karaha Azy atsika. ³ Jiaby zay managna zany fahatokiagna mahakasiky ny ho avy mihorigny amin'ny zany dia magnadio ny haigniny mbô hadio tôrotro Azy. ⁴ Zay jiaby manota dia magnano zay tsy manjary; fao ny fahotagna dia tsy manjary. ⁵ Are dia mahay fao Kristy dia nambara mbô hangala reo fahotagna, ave aminazy dia tsisy fahotagna. ⁶ Tsisy ôlogno zay midôko aminazy kay mbôla hanota lalandava. Tsisy ôlogno mbôla manota nahita azy na nahay azy. ⁷ Ry zanaka tiagna, aza ambaila hoisy ôlogno hamitaka are. Lehy araiky zay magnano ny fahamarinagna dia marigny, mitôvy ny mahamarigny Kristy. ⁸ Lehy araiky zay manota dia avy amin'ny devoly, fao devoly dia nanota rango am-piandohagna. Noho zany antony zany ny Zanaka Zagnahary dia naboaka, mbô hahafahany mamotiky reo asan'ny devoly. ⁹ Na zôvy na zôvy natairaka Zagnahary dia tsy hanôhy fahotagna satria ny voa avy tamin-Jagnahary dia midôko ao aminazy. Tsy afaka manôhy fahotagna izy satria natairaka Zagnahary. ¹⁰ Ao amin'ny zany no hagnamboahagna reo zanaka Zagnahary ndraiky reo zanaky ny devoly. Na zôvy na zôvy tsy magnano marigny dia tsy avy amin-Jagnahary; na ny araiky tsy tia ny rahalahiny faogna koa aby. ¹¹ Fao zany no hafatra zay afa regninare rango tamboalaohany: fao atsika dia tôkony mifankatia, ¹² fao tsy karaha Kaina, zay avy amin'ny lehy ratsy ndraiky namono rahalahiny. Fao nagnino izy namono azy? Satria reo asany dia ratsy, ary nihin'ny rahalahiny dia marigny. ¹³ Aza gaga, ry rahalahiko, raha malaigny are ny tany. ¹⁴ Haintsika fao afa niala tamin'ny fahafataisagna magnagny amin'ny fiainagna atsika, satria tia reo rahalahy atsika. Zay tsy tia dia midôko agny amin'ny fahafataisagna. ¹⁵ Zay malaigny rahalahiny dia mpamono ôlogno. Hainare fao tsisy mpamono ôlogno managna fiainagna bariky dintany midôko ao aminazy. ¹⁶ Amin'zany no hahaizantsika ny fitiavagna, satria Kristy nanôlotro ny aigniny amintsika. Atsika faogna koa dia tôkony manôlotro aignitsika amin'reo rahalahy. ¹⁷ Fao na zôvy na zôvy managna ny harian'ny zao tontolo zao, kay mahita fijalian'ny rahalahiny, ave mamôdy fôn'ny fangorahany azy, amin'ny fomba akôry no idaohan'ny fitiavan-Jagnahary ao aminazy? ¹⁸ Ry zanako tiako, aoka atsika tsy hitia amin'ny vaolagna na koa amin'ny vava, fao amin'ny asa ndraiky fahamarinagna. ¹⁹ Avy amin'zany no hahaizantsika fao avy amin'ny fahamarinagna atsika, avake mampatoky fôntsika eo agnatraihany atsika. ²⁰ Fao raha magnameloko atsika ny fôntsika, Zagnahary dia goalahy ohoarigny fôntsika, avake mahay raha jiaby Izy. ²¹ Ry tiagna, raha tsy magnameloko atsika ny fôntsika, dia managna fahatokisagna amin-Jagnahary atsika. ²² Na ino na ino angatahintsika dia hoazontsika avy aminazy, satria atsika mitandrigny reo didiny ndraiky magnano zay ankasitrahiny eo agnatraihany. ²³ Zao no didy: Tôkony mino ny agnaran'ny Zanany Jesôsy Kristy ave mifankatia atsika, karaha ny afa namaizany atsika zany didy zany. ²⁴ Ny araiky zay mitagna reo didin-Jagnahary dia midôko ao aminazy, ary Zagnahary midôko ao aminazy. Amin'ny zany no hahaizantsika fao izy dia midôko ao amintsika, amin'ny Fagnahy zay namiany atsika.