¹ Kay koa fa baka nivolagna koragna irô Jesosy, niala tagny Galilia Izy, bakô nandeha agny amin'ny faritr'i Jodia tagny andafin'ny renin-dranon'ny Jordana. ² Maro vaohaka nagnaraka Izy, nisitragniny tagny. ³ Nagnantony Izy irô Fariseo, ny teste Izy, nivolagna taminany hoe: "Ara-dalàgna ho any lelahy ma misaraka amin'ny vadiny baka amin'ny antony maro?" ⁴ Namaly Jesosy nivolagna hoe: "Tsy nivakinarô ma fa Izy nagnano irô tamin'ny voalohany nagnano irô lahy ndraiky vavy? ⁵ Kay nagnamboatra irô nivolagna koa hoe: 'Dikany zegny hiala Baba ndraiky reniny lelahy hikambagna amin'ny vadiny, bakô January nôfotro araiky irô?' ⁶ Kay tsy aroé eky irô, fa ho nôfotro araiky. Kay zegny nakambagna ndRagnahary, aoka tsisy hagnasaka." ⁷ Hoy irô taminany hoe: "Kay karakôry basy Mosesy zahay hagnamia taratasy fagnamariham-pisarahagna bakô ndraiky hagnampody Izy?" ⁸ Izy nagnambara tamin'ndro: "Nohon'ny hamafiny fonarô, nagnambilan'i Mosesy anarô hisaraka amin'ny vadinarô, fa tamin'ny voalohany tsy karaha zegny fomba. ⁹ Ambarako anarô, na azôvy na azôvy misaraka amin'ny vadiny, afa-tsy nohon'ny fijangajangagna, kay nanambady hafa, kay nagnitsakitraka vadiny; aviô lelahy nanamabady viavy zay efa nisaraka koa, mijangajanga fo izy." ¹⁰ Io mpianatra nivôlagna tamin'i Jesosy: "Izikoa karaha izegny toetrin'ny lelahy amin'ny vadiny, kay tsy tsara manambady." ¹¹ Fa Jesosy ndraiky nivôlagna tamin'ndrô: "Tsy olo jiaby afaka magnaiky izegny fampianaragna izegny, fa irô zay nambaila nagnaiky izegny fo. ¹² Fa misy irô ionoko zay nataon'olombelôgno, aviô misy ionoko zay magnano taignan'ndrô ho ionoko nohon'ny fanjakan'ny lagnitry. Zay afaka mandray izegny, aoka izy handray izegny tsara." ¹³ Abaka aviô nisy tsaiky madiniky sasantsasany nandesiny tiô aminany mbaika hamitrahany tagnana amin'ndrô mbaika hivavaka, fa nivôlagna mare irô irô mpianatra. Fa nambarany Jesosy: ¹⁴ "Ambilah tsaiky madiniky, aviô aza raràgna irô hagnantôgno Zaha, satria fanjakan'ny lagnitry natao hoan'ndrô olo karaha irô." ¹⁵ Napaitranany tiô amin'ndrô tsaiky hely tagnananany, abaka iô niala tiô Izy. ¹⁶ Igny fa nisy lelahy nagnatogno Jesosy avio nivolagna nagnano hoe: "Mpampianatra, ino mba zaka tsara tsy maintsy ataoko mbaika hahazahoako fiainagna mandrakizay?" ¹⁷ Navalin'i Jesosy taminany: "Nagnino mba anao nagnôntany momba zay tsara aty aminaka? Araiky fo ny tsara, fa izikoa ti hiditra agny amin'ny fiaignana anao, tandraima irô didy aby ty." ¹⁸ Nambarany ralelahy taminany: "Didy ino izegny?" Navalin'i Jesosy: "Aza mijangajanga, aza mangalatra, aza mety magnano vavolombelôgno diso, ¹⁹ hajao babanao ndraiky reninao, aviô tiava ny mpiara-belôgno aminao karaha hitiavanao taignanao." ²⁰ I zatovolahy nivôlagna taminany: "Efa nankatoaviko aby irô zaka jiaby izegny. Kay ino izegny mbola ilaiko?" ²¹ Jesosy nivôlagna taminany: "Izikoa magniry ho tonga lafatra anao, mandihàna, alafosa zay zaka anagnanao jiaby, aviô amaiza masikiny, kay hanagna harena agny an-dagnitry anao; abako iô avia aty anao agnaraka Zaha." ²² Fa izikoa fa naregny vôlagna nivolagnin'i Jesosy i zatovolahy, niala tamin'ny alahelo izy, satria nagnana fanagnana maro izy. ²³ Nambarany Jesosy tamin'ndrô mpianatra: "Ambarako marigny aminarô, sarotra amin'ndrô mpanakaregna hiditra agny amin'ny fanjakan'ny lagnitry. ²⁴ Aviô mbola ambarako aminarô ndraiky, taigna mora kokoa amin'ny rameva miditra amin'ny vodim-panjaitra noho ny idiran'ny mpanankaregna agny amin'ny fanjakan-dRagnahary." ²⁵ Izikoa fa naregny izegny irô mpianatranany io, tegna talanjona ankitiny kay nivôlagna nagnano hoe: "Azôvy ny afaka hivonjegna?" ²⁶ Nizaha irô Jesosy aviô nivôlagna nagnano hoe: "Amin'olo tsy hay atao izegny, fa amin-dRagnahary zaka jiaby azo atao." ²⁷ Abaka aviô Petera namaly aviô nivolagna nagnano hoe: "Igny fa nambelanay zaka jiaby aviô nagnaraka Anao zahay. Ino basy ny azonay?" ²⁸ Jesosy nivôlagna irô nagnano hoe: "Ambarako marigny aminarô, amin'ny vanim-potoagna vaovao jiaby mipaitraka iô amin'ny sezy fiandrianan'ny voninahiny ny Zanak'olo, hipaitraka amin'ny sezy fiandrianana aroé ambin'ny folo fo koa anarô zay nagnaraka Zaha, hitsara irô foko aroé ambin'ny folon'Israely. ²⁹ Olo jiaby zay niala tragno, ralahy, anabavy, baba, reny, zanaka, na tany nohon'ny agnarako, dia handray avo zato heny aviô handova fiainagnana mandrakizay. ³⁰ Fa maro irô zay voalohany ho loso farany, aviô farany ho voalohany.