¹ Izy koa fa nandeha amin-drô zaho, ralahy, tsy navy niaraka tamin'ny volagna na fahendregna raha nambara fa misy tery mikasiky Zagnahary. [Fagnamarihagna: dikany volagna maro hafa vakigna kara ty: Izy koa nagnambara fijoroagna vavolombelogno mikasiky Zagnahary zaho."] ² Nanapa-kevitry tsy hahay na ino na ino zaho izy koa taminarô tiô, izy koa tsy Jesosy, ndraiky Izy nifantsihigny fo. ³ Niaraka taminarô zaho tiô amin'ny fahalemegna, ndraiky tiô amin'ny favozoagna, bakô tio amin'ny fangorohoroagnz maventy. ⁴ Hafatro ndraiky fagnambarako tsy tamin'ny volagna fandresen-dahatra ny fahendregna. Nefa ndraiky, raha jiaby io tamin'ny fanehoagna Fagnahy ndraiky hery, ⁵ mba tsy ho agnatiny fahendren'olombelogno finoagnanarô, fa hagnatin'ny herin-dRagnahary. ⁶ Amin'izio ty, mikoragna fahendregna io amin'irô matotro atsika, fa tsy fahendregna io amin'izao tontolo izao, na irô mpanapaka iziô andra iziô, izegny mandalo io fo. ⁷ Kanefa, mivolagna fahendren-dRagnahary amin'ny fahamarignana misitriky atsika, i fahendregna misitriky izegny nitindren-dRagnahary talohalohan'irô fotoagna jiaby ho voninahintsika. ⁸ Tsisy tamin-drô mpanapaka iziô andra iziô nahay fahendregna io, izy koa nahatakatra izegny irô tamin'ny fotoagna izegny, tsy nifantsihin-drô i Tompon'ny voninahitry. ⁹ Fa araka izegny voasoratra: "Irô raha zegny tsisy maso nahita, tsisy sofigny naharegny, tsisy saigny nahazo eritreritry, irô raha zegny nomanin-dRagnahary ho an'irô tia Izy." ¹⁰ Kara zegny raha naboakan'i Zagnahary taminay tamin'ny alalan'ny Fagnahy.Fa fagnahy mitady raha jiaby, na irô raha lalignin-dRagnahary aby. ¹¹ Azovy mahay fisaignan'ny olo araiky izy koa tsy fagnahin'ny olo ao aminany? Kara izegny koa, tsisy mahay irô raha lalignin-dRagnahary izy koa tsy fagnahin-dRagnahary. ¹² Tsy nangala fagnahin'izao tontolo izao atsika, fa nangala Fagnahy baka amin-dRagnahary, mba hafahantsika mahay irô raha amezagna atsika bôjo baka amin-dRagnahary. ¹³ Mivolagna mikasiky irô raha io amin'ny volagna zegny tsy hain'ny fahendregnan'ny olombelogno ampianarigny izahay, fa ampianarin'ny Fagnahy zahay. Fagnahy mandika volagna ara-panahy miaraka amin'ny fahendregna ara-pagnahy. ¹⁴ Olo zegny tsy ara-pagnahy, tsy mangala irô raha zegny nihin'ny Fagnahin-dRagnahary, fôtony hadalagna aminany iregny. Tsy afaka mahay iregny izy fôtony famantaragna ara-pagnahy iregny. ¹⁵ Izegny ara-pagnahy mitsara raha jiaby, fa tsy hitsarainy hafa izy. ¹⁶ Fa azovy afaka mahay fisaignan'ny Tompo, sady afaka hampianatra Izy? Fa zahay managna fisaignan'i Kristy.