Soa avokoa gny miay mangingy miaraky amigny tapa-mofo tihoky izay ao amigny tragno feno hany misy fifandifa. ² Gny panopo hendri dra hanapaky eo amigny zanany izay manao toetra mahamegnasy ary hiray lova manahaky gny iray amin'ereo rahalahy. ³ Gny memy ho anigny volafosy dra gny lafoaro fandrendreha ho anigny volamena, fa Yaveh gny manefy gny fo. ⁴ Gny panao rasy miteno gny molisy gny rasy fagnahy; manongila-sofy aminigny lela pandringa gny pavandy. ⁵ Na iza na iza maneso gny malahelo dra mizaka rasy gny pahary anazy dra ze mifaly aminigny fahavoaza dra sy afa-bela aminigny famaiza. ⁶ Satro-boninahisy gny atisy gny zafy dra minday voninahisy ho an'ireo zanany gny ray aman-dreny. Gny kabary soa lahasy dra sy mety aminigny mola; ko maiky fa gny sogny pavandy ho mety ho anigny fianakaviany gny pazaka. ⁸ Manahaky gny vato mahagaga gny kolikoly ho anigny olo ze magnome anizay; na eza na eza itolihany, dra mahomby izy. ⁹ Ze manaro heloky dra mitalia fitiava, fa ze magnery gny fahadisoa taloha dra mapisaraky reo pisakaiza akaiky. ¹⁰ Milisy laliky kokoa agny aminigny olo ze mana fahazava-say gny zaka fatrasy noho gny zera izato magnagny aminigny mola. ¹¹ Gny olon-drasy dra mitalia fikomian'avo, ko dra halefa hanohisy anazy gny iraky lozabe. ¹² Aleo mifanena aminigny bera levon'anaky toy zay mifanena amimola aminigny fahamolany. ¹³ Raha misy olo mamaly rasy gny soa, dra sy hagnenga gny tragnony mandrakizay gny rasy. ¹⁴ Gny fiandohan'aly dra manahaky gny mamela gny rano hiparitaky egny rehetr'egny, ko dra alaviro gny fifandira dieny bo sy vaky zay. ¹⁵ Gny olo ze magnamary gny olon-drasy dra gny olo ze magnameloky gny olo-mary__dra samby fahavetaveta eo amin'i Yaveh reo. ¹⁶ Nagnino gny mola gny tokony hagnenga vola ba hianasy momba gny fahendrena, nefa izy sy mana fahafan'akory gny hianasy anizay? ¹⁷ Gny sakaiza dra tia aminigny fotoan'aby sady rahalahy nateraky ho aminigny fotoanigny fahoria. ¹⁸ Gny lelahy sy misy say manao fapanatena mandrohy dra avy topon'atoky aminigny trosanigny namany. ¹⁹ Na iza na iza tia aly dra tia heloky; ze manao gny tokonam-batrangarany ho abo loasy dra magnapotiky gny tolany. ²⁰ Gny olo ze mana fo maheriloha dra sy hahita na ino na ino soa; mezera aminigny loza ze mana lela pamitaky. ²¹ Na iza na iza ray aman-dreninigny mola dra minday alahelo ho anigny vatany; dra sy mana hafalia gny ranigny mola. ²² Fanafody soa gny fo miramira, fa gny fagnahy koa mahamaiky gny taloha. ²³ Gny lelahy rasy fagnahy makasitraky kolikoly ambaliky ba hamadiha reo lalanigny rariny. ²⁴ gny olo ze mana fahazavasay dra mapitoliky gny tarehiny magnagny aminigny fahendrena, fa gny masonigny mola koa mitoliky agny amireo vaza-tany. ²⁵ Gny zanaky mola dra alahelo ho anigny rany dra fangidia ho anigny apela ze niteraky anazy. ²⁶ Dra koa, sy soa mihisy gny magnasazy gny olo-mary; na mikapoky olo mendri-kaza ze mana fahisia. ²⁷ ze mana-pahalala mapiasa zaka bory dra ze mana fahazava=say dra mahasindry fo. ²⁸ Na dre mola aza hevery ho hendry raha toa ka mangina; gny fa magnakombom-bava izy, dra hevery ho mana-say.