¹ Miteno gny fapenaranigny rany gny zaza hendry, fa gny paneso dra sy miteno fasiaha. ² Boak'aminigny vokasy gny vavany gny isatrahanigny olo reo raha-soa, fa gny homagny pamitaky dra ho anigny herisetra. ³ Ze mitandry gny vavany gny miaro gny ainy, fa ze misagnasagna vava dra handrava gny vatany avo. ⁴ Gny homan'ireo olo kamo dra magniry nefa sy mahazo na ino na ino, fa gny homany olo mazoto dra ho afa-po tateraky. ⁵ Reo olo mary dra malaiky gny vandy, fa gny olo rasy fagnahy dra manao gny vatany ho marikoriko, dra manao ze mahamegnasy izy. ⁶ Gny faha-marigna dra miaro an'ireo ze sy misy signy aminigny lalany, fagny faharasia mapivadiky reo ze manota. ⁷ Misy olo mapanandraha gny vatany, nefa sy mana na ino na ino dra misy olo mahafo gny raha aby, nefa tena manan-draha. ⁸ Gny solo vaikanigny ainy gny olo manan-draha dra gny hareny, fa gny olo mahatra sy mahare fapitahora. ⁹ Miravoravo gny hazavanigny olo-mary, fa gny zironigny rasy fagnahy dra ho vono. ¹⁰ Fifandiran'avo gny ateraky gny avognavo, fa ho an'ireo ze miteno torohevisy soa gny misy fahendrena. ¹¹ Hihena gny harena gny fa be loasy gny zava-poana, fa gny raiky ze mihary vola aminigny asanigny tagnany dra hapitombo gny volany. ¹² Gny fa mihemosy gny fanatena, dra mandrasy fo zay, fa gny fagniria tateraky gny hazon'ay. ¹³ Ze malaiky gny fapenara gny bo hiharan'izay, fa ze magnaza gny didy dra hahazo valisoa. ¹⁴ Gny fapenaranigny olo-kendry dra loharanon'ay, manala anao aminigny fandriky gny fahafatesa. ¹⁵ Gny fitandrema soa dra ahazoa fitia, fa gny lalanigny pamadiky sy ho tapisy mandrakizay. ¹⁶ Gny olo marina dra mandray gny fanapaha-kevisy aby aminigny fahalala, fa gny mola dra mapiharihary gny hadalany. ¹⁷ Gny iraky rasy fagnahy ho lasaky agnaty fahoria, fa gny iraky mahatoky minday fapihavana. ¹⁸ Ze sy miraharaha fapenara hahatra vo ho megnasy, fa gny voninahisy dra ho avy amize mianasy aminigny fagnisia. ¹⁹ Gny fagniria tateraky aminigny fo, fa gny mola malaiky gny fiala aminigny rasy. ²⁰ Mindresa lalan'aminigny olo-kendry dra ho hendry hanao, fa gny namanigny mola dra hizaly aminigny rasy. ²¹ Magneziky gny panota gny loza, fa gny olo-mary dra ome valisoa aminigny soa. ²² Mamela lova ho anigny zafiny gny olo soa, fa gny harenanigny panota dra voatahiry ho anigny olo-mary. ²³ Gny saka sy bo nesan'ireo mahatra dra afaky mamokasy hany maro, fa voafafa aminigny sy rariny zay. ²⁴ Ze sy magnisy gny zanany dra makahala anazy, fa ze tia gny zanany dra mitandry gny hapianasy anazy soa. ²⁵ Gny olo-mary dra hihina mandra-pahavisiny, fa gny tronigny rasy fagnahy dra ho resy mandrakariva.