¹ Zaho dra olo ze nahita fahoria teo ambanin'gny sorakazon'gny hahorian'i Yaveh. ² Nitarihiny sady napandehaniny tamin'gny mezy zaho fa sy tamin'gny mazava. ³ Azo atoky fa namaliky gny tagnany hanohisy anahy avo Izy, nandrisy gny totolo andro. ⁴ Nahiny malazo gny nofoko vo gny holisiko; nitapahiny reo tolako. ⁵ Nananga fahirani hanohisy anahy Izy, dra nihodidigny raha mafaisy vo raha sarosy zaho. ⁶ Nametraky anahy tao amin'ireo toera mezy, manahaky reo ze fa maty fa ela Izy. ⁷ Nananga fefy nagnodidy anahy Izy dra sy afaky nilefa Zaho. Nahiny mavesatry reo rozoko ⁸ vo ndre dra mitoka fatrasy vo mitoka vonzy aza zaho, dra ampisigniny gny fivavako. ⁹ Nibahagnany tamin'gny fefy vita tamin'gny vato voapaiky gny lalako; nahiny ho meloky gny lalako. ¹⁰ Manahaky gny bera miamby hanafiky anahy tapoky izy, liona ao amin'gny fivoniany; ¹¹ naviony gny lalako, nahiny nitoka-mony zaho. ¹² Nagnenza gny sipikiny Izy dra nemetraky anahy manahaky gny kendrin'gny zana-sipikiny. ¹³ Nandefo gny voako tamin'ireo zana-sipikiny tao amin'gny fitoeran'izeho Izy. ¹⁴ Nazary tahirim-pihomeheza ho an'gny oloko aby zaho, rahany gny fagnesoan'ereo totolo andro. ¹⁵ Nifenony fangilia zaho dra nisereny hino raha mahafaty. ¹⁶ Nitorotoroiny tamin'gny sila-bato gny nifiko; natosikiny tao agnaty botany zaho. ¹⁷ Nala tamin'gny fiadagna gny fagnahiko; alignoko gny ahy ho hafalia. ¹⁸ Ka dra ho zaho ho: ''Levo gny fahretako vo manahaky anizeho koa gny fagnatenako amin'i Yaveh." ¹⁹ Sarovy gny fahoriako vo gny firerirerieko, gny raha mahafaty vo raha mafaisy. ²⁰ Saroako avy zeho sady mitagnondriky ao agnatiko zaho. ²¹ Fa saroako zaho ka dra mana fagnatena zaho. ²² Gny fitiava sy miovan'i Yaveh dra sy misy fisahara sady sy misy fiafarany gny fangoraham-pony, ²³ vaovao isaky maraindrau reo; lahibe gny fahatokianiha. ²⁴ " Yaveh gny lovako," ho zaho, noho zaho dra hagnatena Anazy zaho. ²⁵ Yaveh dra soa ho an'ireo ze miamby Anazy, ho an'ireo ze mitalia Anazy. ²⁶ Soa gny miamby amim-pahangina gny famonzen'i Yaveh. ²⁷ Soa ho an'gny olo gny handesany gny zioga tamin'gny fahatanorany. ²⁸ Aoky izy hitoboky raiky amim-pahangina, nofa atoboky aminazy eo zeho. ²⁹ Aoky izy hametraky gny vavany egny amin'gny botany--- vasa hisy gny fagnatena. ³⁰ Aoky izy hagnome gny fifiny an'ize mizera anazy, sady aoky ho feno fahafaham-baraka izy. ³¹ Fa sy handa asika mandrakizay gny Tompo, ³² fa ndre dra mahavy alahelo aza izy, dra hana fangoraham-po araky gny hamaroany gny fitavany sy mivaliky. ³³ Akory sy mapahory gny ao am-pony na mapizaly reo zanak'olombelo Izy. ³⁴ Gny magnisakisaky reo voafonza aby eto an-tany, ³⁵ gny fefy gny rariny ho an'gny olo eo agnatrehan'gny Avo Indrindra, ³⁶ gny fefy gny rariny ho an'gny olo raiky--- dra sy eken'gny Tompo gny raha manahaky anizeho! ³⁷ Ia gny nizaka dra nitranga anizeho, no sy nagneky anizeho Yaveh? ³⁸ Sa sy lat'amin'gny vavan'gny Avo Indrindra se gny hiavian'ireo loza vo gny soa? ³⁹ Akory gny hitaraignan'gny olo velo aby? Akory gny hahafahan'gny olo mitaray mahakasin'gny sazin'ireo fahotany? ⁴⁰ Ndao sika handiniky reo lalasika dra hisapa andreo, dra ndao sika hihery agny amin'i Yaveh. ⁴¹ Ndao sika hanandrasy gny fosika vo gny tagnasika amin'Agnahary agny an-dagnisy ho: ⁴² " nandika sady nikomy zahay, dra sy namela heloky hanao. ⁴³ Nandrakosy gny vataniha tamin'gny hahoria Hanao sady nagnitriky anay, namono Hanao sady sy namindra fo. ⁴⁴ Nandrakosy gny vataniha tamin'gny raho Hanao so sy hisy vavaky afaky ho tafilisy. ⁴⁵ Nahiniha manahaky gny lo maloto sady nilavy teo amin'ireo firene zahay. ⁴⁶ Magnozo anay reo fahavalonay aby, ⁴⁷ avy taminay gny tahosy vo gny fandriky, gny faharava vo fahapoteha. ⁴⁸ Mikoria rian-dranomaso reo masoko akory rava gny oloko. ⁴⁹ Handrasa-dranomaso sy misy fisahara, sy misy fihatoa reo masoko, ⁵⁰ mandra-pagneteny ambany dra hahita lat'egny an-dagnisy Yaveh. ⁵¹ Miteraky alahelo ho anahy gny masoko noho reo zanakapelan'gny tanako aby. ⁵² Nohazain'ereo fahavaloko manahky gny voro zaho; nohazain'ereo tamin'gny sy misy antony. ⁵³ Natorak'ereo tao agnaty lavaky zaho dra nitorahin'ereo vato, ⁵⁴ dra niraraha rano gny lohako. Ho zaho ho: " ho faty zaho!" ⁵⁵ Nitoka gny agnaraniha, lat'ao amin'gny halalikin'gny lavaky zaho, ry Yaveh. ⁵⁶ Reniha gny feoko nofa nizaka zaho ho: " Ka mitapy gny sofiniha amin'gny toka vonziko." ⁵⁷ Nagnariny Hanao tamin'gny andro nitokavako Aniha; ho Hanao ho: "Ka matahosy." ⁵⁸ Tompo o, niaro gny aliko Hanao, nagnavosy gny aiko Hanao! ⁵⁹ Ry Yaveh, hitaniha gny rasy nahin'ereo taminahy; sarao gny aliko. ⁶⁰ Hitaniha gny fagnirasiran'ereo, gny teti-drasy aby nahin'ereo taminahy--- ⁶¹ reniha gny latsan'ereo, ry Yaveh, vo gny tetik'ereo aby taminahy. ⁶² Gny sognin'ereo ze misanga manohisy anahy, vo gny fiapangan'ereo, dra avy mandrisy gny totolo andro. ⁶³ Atio gny fomba fitobokin'ereo vo fisanganany boakeo; magneso anahy amin'gny hirany ereo. ⁶⁴ Valio arak'ize nahiny ereo, ry Yaveh. ⁶⁵ Ho ahiniha sy megnasy gny fon'ereo! Ho amin'ereo eo ra gny fagnamelohaniha! ⁶⁶ Magnitriky andreo amin-kahoria Hanao sady mamotiky andreo ao ambanin'gny lagnisy, ry Yaveh!