¹ Nanohy avo Eliho dra nizaka ho: ² " Mamela anahy hizaka lavalava kokoa, dra haneho raha aniha zaho akory mbo misy keliky ho zakako ho ferova an'Agnahary. ³ Hahazo gny fahalalako avy lavisy zaho; hieky zaho fa gny fahamarigna dra an'gny Mpahary anahy. ⁴ Fa eka vatany, sy ho diso reo zakako; olo matosy ao amin'gny fahalala gny eto aminiha. ⁵ Ingo, Zagnahary dra mahery, sady sy mamingavinga ndre ia ndre ia; mahery amin'gny herin'gny fahazavan-say Izy. ⁶ Sy miaro gny ain'gny olo rasy fagnahy Izy fa koa manao ze mary ho an'ireo ze mizaly. ⁷ Sy mangalaky gny masony amin'ireo olo mary Izy fa koa mametraky andreo mandrakizay manahaky gny pazaka, dra misandrasy ereo. ⁸ No voafatosy tamin'gny rozo sady voafandriky tamin'gny talin'gny fapizalia ereo, ⁹ dra ambarany amin'erep ze nahiny, vo gny helok'ereo vo gny fieboebon'ereo. ¹⁰ Manokasy gny sofin'ereo ho amin'gny fapianarany avo koa Izy, dra mandily andreo so hiala amin'gny heloky. ¹¹ No miteno Anazy sady manopo Anazy ereo, dra handany gny andron'ereo amin'gny fagnambigna, vo gny taon'ereo amin'gny fifalia. ¹² Ndre zeho aza, no sy miteno ereo, dra ho vono amin'a,esa; ho faty ereo akory sy manam-pahalala. ¹³ Mitahiry gny hahoriany reo pagnarasy am-po; sy mitoka vonzy ereo ndre dra mamatosy andreo aza Zagnahary. ¹⁴ Maty eo amin'ireo pizangazanga amin'gny fivavaha gny andron'ereo. ¹⁵ Zagnhary mamonzy reo olo napahoria amin'gny alalan'gny fahorian'ereo; manokasy gny sofin'ereo amin'gny alalan'gny fapahoria andreo Izy. ¹⁶ Eka vatany, te-hangalaky aniha amin'gny fahoria ho agny amin'gny toera malalaky ze sy misy raha sarosy sady ze androsoa sakafo feno sabora amin'gny latabasiniha Izy. ¹⁷ Fe hanao dra feno fisara gny olo rasy fagnahy; nita aniha gny fisara vo gny rariny. ¹⁸ Ka enga hitao aniha ho amin'gny fagnesoa gny hahorianiha, na hapivio aniha gny halahiben'gny vilim-pagnavota. ¹⁹ Afaky magnome tombony aniha se gny hareniha, so sy ho ao agnatin'gny fahoria hanao, sa afaky magnapy aniha se gny herin'gny fahatazahaniha aby? ²⁰ Ka magniry gny hariva, so hanota hagnohera reo hafa, nofa ala eo amin'gny toeran'ereo gny olo. ²¹ Mitandrema so hihery hanota hanao akory fa nisedray tamin'gny fapizalia hanao so hagnalaviraniha gny fahota. ²² Ingo, misandrasy amin'gny heriny Zagnahary; ia gny napianasy manahaky Anazy? ²³ Ia gny fa napianasy Anazy gny amin'gny lalany? Ia gny mbo afaky hizaka Anazy ho: 'Fa nanao gny sy mary HAnao? ²⁴ Sarovy gny misiriry reo asany, zay nihiran'gny olo. ²⁵ Fa nagnety reho asa reho gny olo aby, fe lat'egny lavisy avo gny ahitany reho asa reho. ²⁶ Ingo, lahibe Zagnahary, fe sy azosika soa Izy; sy hay kazia gny isan'gny taony. ²⁷ Fa magnalaky reo rano nitete ze nasikany ho ora lat 'amin'gny entony Izy, ²⁸ ze arosaky gny raho vo antondrakiny be amin'gny olombelo. ²⁹ Eka vatany, misy olo mahatakasy gny halahiben'gny fielezan'gny raho vo gny kotroky lat'ao amin'gny fasangeny se? ³⁰ Ingo, magnaparitaky gny selasiny magnodidy Anazy Izy sady mandrakosy reo fanambanin'gny ranomasy. ³¹ Amin'izeho fomba zeho gny hisarany reo olo vo hagnomezany sakafo mitafotafo. ³² Mameno selasy gny tagnany Izy mandra-pandiliany zeho so hizera gny marik'izeho. ³³ Gny kotrok'izeho dra mapitandry gny amin'gny tafio-drivosy, gny biby fiteza avo koa dra afaky mandre fa tamy zeho.