¹ " Fa vono gny ho ren'ereo ze sy nagnotany Zaho; vonogny gny ho hitan'ireo ze nitalia. Ho Zaho ho: 'Tihoky Zaho! Tihoky Zaho!' hoamin'gny firene ze sy nitoka gny agnarako. ² Fa namelasy gny tagnako totolo andro ho tamin'gny vahoaky mafy hatoky Zaho, ze mandeha amin'gny lala ze sy soa, ze fa nandeha araky gny saim-patany vo gny fikasany! ³ Ereo dra vahoaky ze sy misahasy manafintohy Anahy, manao soro ao amin'ireo zaridaina, vo magnoro ditin-kazo magnisy eo ambony tanimanga. ⁴ Miamby eo amin'gny lolo ereo dra eo mandrisy gny hariva, vo mihina henan-ksoa mindray amin'gny ron'gny hena fahavetaveta eo an-dovian'ereo. ⁵ Ho ereo ho: 'Miataha, ka magnariny anahy, fa zaho dra masy kokoa noho hanao.' Reho raha reho dra teo am-bovoroko, afo ze magnoro mandrisy gny totolo andro. ⁶ ngo, voasorasy eo agnoloako ho: Sy hisigny Zaho, fa hapagnefa andreo; hamaly andreo am-pofoany, ⁷ fa gny fahotan'ereo vo gny razany dra mitambasy," ho Yaveh. "Hamaly andreo nohon'gny fagnoroa ditin0kazo magnisy tao amin'ireo tendrombohisy vo nohon'gny fagnesoa Anahy tamin'ireo havoa. Nohozeho dra handresy reho asa vitan'ereo eo am-pofoany Zaho." ⁸ Zeho gny zakan'i Yaveh: "Manahaky gny ranom-boakazo hita ao an-tsampahom-boaloka, dra mizaka gny raiky ho: 'Ka simba iho, akory misy soa aminazy ao,' zeho gny hahiko nohon'gny amin'gny panopoko: Sy handripaky anazy aby Zaho. ⁹ Handay taranaky boaky amin'i Jakoba, vo boaky amin'i Joda ze hana reo tendrombohisiko Zaho. Reo voafidiko dra hana gny tany, vo gny panppoko dra hony ao. ¹⁰ Soro dra ho avy fiaraky agnondry aman'osy, vo gny lohasahan'i Akora ho toera fapandrian'agnomby, ho an'ireo oloko ze mitalia Anahy. ¹¹ Fa handrareo ze nanenga an'i Yaveh, ze magnadino gny tendrombohisiko masy, ze manoma latabasy ho an'gny zagnahary Gada, vo mameno divay gny finoma ho an'gny zagnahary Meny. ¹² Handahasy aniha ho an'gny mesa Zaho, vo handrareo dra hiankohoky amin'gny fahafatesa aby, akory tamy Zaho nitoka, dra sy namaly handrareo; tamy Zaho nizaka, dra sy niteno handrareo. Fa nanao ze rasy teo agnatrehako sady nisafidy gny hanao ze sy mahafaly Anahy handrareo." ¹³ Zeho gny zakan'gny Tompo Yaveh: "Ingo, hihina gny panopoko, fa handrareo koa ho resy; ingo, hino gny panopoko, fa handrareo koa hangetaheta; ingo, hiravoravo gny panopoko, fa handrareo koa ho megnary. ¹⁴ Ingo hikoraky fifalia gny panopoko nohon'gny hafaliam-po, fa handrareo koa hitomagny nohon'gny fahararian'gny fo, dra hidradradradra nohon'gny fahatorotoroan'gny fagnahy. ¹⁵ Hanenga gny agnarandrareo ho ozo ho an'ireo voafiliko so hizaka handrareo; Zaho, gny Tompo Yaveh, gny hamono andrareo; Ho tokavy amin'gny agnara hafa reo panopoko. ¹⁶ Ndre ia ndre ia magnambara fitahia ao amin'gny tany dra ho voatahiko, gny Zagnahary gny fahamarigna. Ndre ia ndre ia mifata amin'gny tany dra mifata amin'gny alalako, gny Zagnahary gny fahamaringa, akory ho aligno reo loza taloha, fa hivony sy ho hitan'gny masoko reo. ¹⁷ Fa ingo, hamoro lagnisy vaovao vo tany vaovao Zaho; vo reo raha taloha dra sy saroa na hapasiahivy. ¹⁸ Fa ho faly handrareo dra hiravo mandrakizay ao amin'ize vao ho foroniko. Ingo, hamoro an'i Jerosalema ho fifalia, vo gny poniny ho sitraky Zaho. ¹⁹ Hiravoravo manera an'i Jerosalema, vo ho faly eo amin'ireo vahoakiko Zaho; gny tomany vo gny tarainan'gny fahoria dra sy ho re ao aminazy sasy. ²⁰ Sy hisy zaza madiniky hiay andro masaiky sasy ao; na lahibe maty mialohan'gny androny. Ze maty amin'gny faha zato tao dra hevery ho olo maty tanora. Ze sy mahatratry gny faha arivo tao dra hevery ho voaozo. ²¹ Hanory tragno ereo ka hitoboky ao amin'izeho, dra hamboly voaloboky dra hihina gny vihiny. ²² Sy hagnory tragno sasy ereo ka gny hafa gny hitoboky ao amin'izeho; sy hamboly ereo dra gny hafa gny hihina; fa gny andron'gny hazo misiry gny ho andron'gny vahoakiko. Gny voafiliko dra hisitraky feno gny asan'gny tagnany. ²³ Sy hiasa maiky ereo, na hiteraky so hapitahosy. Akory ereo vo reo taranany ddra zanak'ireo ze voatahin'i Yaveh. ²⁴ Mialohan'gny hitovakan'ereo, dra hamaly Zaho; vo no mbo eo am-pizaka ereo, dra hiteno Zaho. ²⁵ Gny amboadia vo gny zanak'agnondry dra hiraky hiraoky, vo gny liona hihina mololo manahaky gny agnomby; fa botany gny ho sakafon'gny bibilava. Sy handrasy na hamotiky egny amin'gny tendrombohisiko sasy ereo" ho Yaveh.