¹ " Mitomagnia fatrasy; ka tana. Asodroto manahaky gny asiva gny feoniha. Atrefo amin'gny fikomiany gny oloko, vo amin'gny fahotany gny hasaveregnan'i jakoba. ² Fe mbo mitalia anahy isan'andro ereo dra finarisy amin'gny fahalala gny lalako, manahaky gny firene ze nanao gny fahamarigna sady sy nahafo gny lalagnan'gny Zagnaharin'ereo. Mangataky fisara mary aminahy ereo; finarisy amin'gny fihevera gny fagnakekezan'Agnahary ereo. ³ ' Nagnino zahay gny nifady' ho ereo, 'fe sy hitaniha zeho? Nagnino zahay gny nagnetry vata, fe sy sikarisiniha?' Ingo, amin'gny andron'gny fifadiandrareo gny hahitandrareo gny fahafinaretandrareo manoka vo apahoriandrareo gny piasandrareo aby. ⁴ Ingo, mifady hany handrareo so hifandisy vo hialy, vo hizera amin'gny komondron'gny faharasiandrareo; sy mifady handrareo androany so ho re agny ambony gny feondrareo. ⁵ Zeho vatany se gny karaza fifadia toiako: Andro hanetren'gny iaby gny vatany, so hapiondrehany gny lohany manahaky gny volotara, vo hamelarany lamba fandala vo lavenoky ao ambaniny? Fifadia vatany se gny itokavandrarei anizeho, andro ifalian'i Yaveh? ⁶ Sy zeho se gny fifadia safiliko: Gny hagnafaky gny famatoran'gny faharasia, gny hamaha gny talin'gny zioga, gny hagnafaky reo torotoro, gny hanapaky gny zioga aby? ⁷ Sy gny hizara gny mofoniha amin'gny resy vo handay reo mahantra vo reo sy manan-kelofa ho ao am-pasangeniha se?" Nofa mahita olo miborida hanao, dra tokony hapitady annazy; sady dy tokony hagnavony gny vataniha amin'ireo havaniha avo hanao. ⁸ Dra hipoaky manahaky gny masoandro gny fahazavaniha, sady hisimoky malaky gny fagnasitragna aniha; handeha eo agnoloaniha ny fahamarignaniha, vo gny voninahis'i Yaveh gny ho vodi-lalaniha. ⁹ Dra hitoka hanao, vo hamaly Yaveh; hikoraky famonze hanao, dra hizaka izy ho:" Tahoky Zaho.' No alaniha hiala aminiha gny zioga, gny fanondro miapanga, vo gny lahazakan'gny faharasia, ¹⁰ no magnome ho an'gny resy hanao dra mamisy gny tra-pahoria; dra hiposaky ao amin'gny ezy gny fahazavaniha, vo gny eziniha hanahaky gny amin'gny matataovovogna. ¹¹ Dra hitariky aniha lalandava Yaveh dra hamisy aniha agny amin'gny faritany ze sy misy rano, sady hagnatazaky gny tolaniha Izy. Hanahaky gny sahan-drano hanao, dra manahaky gny loharano, ze sy mizano mandrakizay gny ranony. ¹² Gny sasany amindrareo dra hagnory ndraiky gny rava taloha; hananga reo ravan'gny taranaky maro handrareo; ho tokavy handrareo ho" pagnamboasy gny fefy," "Papihery gny lala hitoboha." ¹³ No ahy ho magnavio gny tombiniha hila amin'gny fanaova dia amin'gny andro Sabata hanao, vo hiala amin'gny fanaova gny fahafinaretaniha manoka amin'gny androko masy. No ahy ho mitoka gny Sabata ho sitraky, sady mitoka gny raharahan'i Yaveh ho masy vo manan-kaza hanao. No ahy ho magnaza gny Sabata amin'gny fahafoiza gny raharahaniha manoka hanao, vo amin'gny sy fitaliava gny fahafinaretaniha manoka vo amin'gny sy fizaka gny zakaniha manoka. ¹⁴ Dra hahita mamy ao amin'i Yaveh hanao; dra hapitikiriko gny haabon'gny tany; hamisy aniha lat'amin'gny lovan'i Jakoa raniha Zaho--- fa gny vavan'i Yaveh gny nizaka."