¹ Loza ho andrareo, ry mpandrava ze tsy mbo nirava! Loza ho an' ny mpamadiky ze tsy mbo nivadihan' ereo! Gny mihato amign' ny famoteha handrareo, dra ho potehy! Gny mihato amign' ny famadiha handrareo, dra hivadihan' ereo. ² Ry Yaveh, mamindra fo aminay; mandigny Anao zahay; ao mba ho sandrinay sama-maray, vo famozenay amign' ny andro fahoria. ³ Agnatin' ny fo fatrasy gny hiengan' ny olo, gny fa mitsanga hanao, dra miparitaky ireo firenena. ⁴ Nalevy manahaky gny valala niango gny babonao; manahaky gny fifanaresak' ereo andiam-balala, gny ifanaretsan' ny olo amin' izay. ⁵ Nasandrasy i Yaveh. Mitoby agny amign' ny toera abo izy. Ho fenony amign' ny fitsara vo fahamarigna gny Ziona. ⁶ Ho filamigna amign' ny fotoandrareo izy, famoze be, fahendre, vo fahalala; gny fahatahora an' i Yaveh gny fanagnany. ⁷ Indro, ireo irak' ereo mitaray eo an-dala; mitomagny fatrasy ereo iraky manantena fiadagna. ⁸ Foa ereo lalam-be; tsy misy mpandeha sasy. Rava gny fagneke, nosinosiniavy ereo vavolombelo, vo tsy voahaza gny maha-olombelo. ⁹ Mandala gny tany vo milofoky; megnasy Lybanona vo karakay; Sara dra manahaky gny lemaky maiky; vo magnisa gny raviny i Basana vo Karmela. ¹⁰ Amizao hitsanga zaho, '' hoy Yaveh; amizao ho hasondrosy zaho; amizao ho egny amign' ny abo zaho. ¹¹ Manorotoro gny tegnam-bary handrareo, vo miteraky mololo, afo mandevo andrareo gny fofon' aindrareo. ¹² Ho voaoro ereo olo, manahaky gny tsilo nitapahy vo noroa. ¹³ Handrareo ze lavisy, tenoy ze fa nataoko, vo, handrareo ze mariny, ekeo gny heriko.'' ¹⁴ Matahosy ereo mpanonta agny Ziona; fatahora gny fa nahazo gny mpiatsaravelatsihy. Iza amisika gny afaka hizanoamign' ny afo mandevo? Iza amign' ny fireheta mandrakizay? ¹⁵ Izy gny mandeha amign' ny fahamarigna vo mizaka am-pahatsora; Izy gny nagnafoa gny tombon' ny fampahoria, ze manda gny handray kolikoly, ze tsy manao teti-drasy heloky bevava fandasahan-dio, vo ts mitalia gny rasy__ ¹⁶ hataony amign' ny farany abo gny fitobohany; gny toera fiambenany dra ho fiarova fatrasy amign' ny harambato; gny sakafony sy gny ranony dra ho feno famatsia. ¹⁷ Gny masondrareo dra hahita gny mpanjaka amign' ny hasoany; hisinjo tany malalaky ereo. ¹⁸ Ho tsarogn' ny fondrareo gny horohoro; eza gny mpanora-dala, eza izy zay nagnisaky ireo tilikambo? ¹⁹ Tsy hahita gny olo mpanohisy andrareosasy handrareo, olo hafa hizaka ze tsy takandrareo. ²⁰ Atio Ziona, gny tananan' ny fankalazantsika; hahita an' i Jerosalema manahaky gny mponina milamy gny masondrareo, ze tsy mba hala, ze tsy ho voaombosy vatany gny tsato-kazony dre ho tapaky gny foliny. ²¹ Fa koa, homba amign' ny hery amisika i Yaveh, agny amign' ny toera amoron' ny ony vo lakan-drano. Tsy hisy sambo voizy handeha amin' izany, vo tsy hisy sambo lahibe hamakivaky izay. ²² Fa Yaveh gny mpisara asika, Yaveh gny mpagnome lalana antsika, Yaveh gny mpanjakantsika; vo hamozy asika izy. ²³ Mirefarefa ereo fagnodikodignandrareo; tsy afaky hita lava amign' ny toerany ereo; tsy afaky hagnaparitaky gny lay ereo; gny fa nizaran' ereoilay voababo lahibe, dre gny mandrava eza haninto gny babo. ²⁴ Tsy mizaka gny mponina hoe: ''Marary zaho;'' gny olo ze mitoby agny dra ho voavela amign' ny helok' ereo.