¹ Amin'zay andro zay Yaveh dra hagnafay gny Levitiana menara sy misy dikany, amin'gny mesany fatrasy, labibe sady masiaky, gny menara mitambolombolo, vo hamono gny biby mapatahosy ze agnaty ranomasy ao. ² Amin'zay andro zay: gny tanim-boalobokin'gny divay: hihira gny amin'zay. ³ " Zaho, Yaveh, Zaho gny piaro anizay; manondraky anizay matetiky Zaho. Miamby anizay andro vo hariva Zaho ka sy hisy afaky hanimba anizay. ⁴ Eh, sy masiaky zaho, ndre nisy ahisy vo silo aza! Handeha hanohisy andreo amin'gny aly Zaho. Horoako miaraky ereo; ⁵ no sy ho mifikisy amin'gny ferovako ereo vo mihava Aminahy; aoky ereo hihava Aminahy. ⁶ Amin'gny andro ho avy, dra hangalaky faka i Jakoba; hamony vo hisimoky Israely; vo hameno gny velaran-tany amin'gny vihiny ereo. ⁷ Moa namely an'i Jakoba vo Israely manahaky gny namelezany reo firene ze namely andreo se Yaveh? Moa se nivono manahaky gny famonoa reo firene ze nivonon'ereo i Jakoba vo Israely? ⁸ Amin'gny refy mary ze fa nalahasinao, nandroaha an'i Israely vo Jakoba; nandesiny tagny alavisy miaraky amin'gny rivo-maheriny ereo, tamin'gny andron'gny rivosy asignana. ⁹ Ka noho zay, ho voahonisy amin'zay gny helok'i Jakoba, fa zao gny ho vokasy feno tamin'gny nangala gny otany: no fa hanao reo alitara vato manahaky gny saoky ze voatorotoro izy, vo sy hisy hitoesy hisanga gny baon'Aseraha na reo alitaran'gny ditin-kazo magnisy. ¹⁰ Fa gny tana namafisy dra ho lao, gny fonegna dra ho ngaza sady hafoy manahaky gny efisy. Ao gny hamahana gny zanak'agnomby, vo ao gny handriany vo handevognany reo rasany. ¹¹ No fa malazo reo sapany, dra hotapahy reo. Ho avy gny apela dr handehisy afo amy reo, fa sy olon'gny fahazan-say tiky. Koa, sy hana fangoraham-po amin'ereo gny Mpahary anazy, vo ze nanao anazy dra sy hana famindram-po amin'ereo. ¹² Amin'zay andro zay dra hisy fapihisagna boak'agny amin'gny reniranon'i Efrata ka hatragny amin'gny lohasaha-driakin'i Egypta ze hataonao Yaveh, ry vahoakin'Israely, dra havory hiaraky kiraidraiky. ¹³ Amin'zay andro zay, dra ho sofy gny asiva lahibe; vo ho avy ze rava boak'agny amin'gny tanin'i Asyria, vo ze voaroaky tamin'gny tanin'i Egypta, hagnomia voninahisy an'i Yaveh egny an-tezovohisy masy agny Jerosalema.