¹ Fagnambara mahakasiky an'i Damaskosy. ² Hafoy reo tanan'i Aroera. Ho toera handrian'gny biby teza reo, sady sy hisy hapitahosy an'ereo. ³ hazavo sy ho ao i Efraima, gny fazaka avy agny Damaskosy, vo gny sisa tavelan'i arama reo tana voaaro---hanahaky gny voninahisy gny vahoakin'Israely reo---zay gny fagnambaran'i Yaveh tompn'gny lako ⁴ Vo amin'zeho andro zeho dra hasaiky gny voninahis'i Jakoba, vo hazary hahia gny fahatevezan'gny nofony. ⁵ Hanahaky gny amin'gny fanangonan'gny piziza gny vary antahony zay, vo gny sandriny miziza gny salohim-bary.Hanahaky gny amin'gny fagnotazan'gny olo raiky gny salohim-bary egny amin'gny Lohazasan'gny Refaima zay. ⁶ Hisy sisa vaovory ho tavela, fe, hanahaky gny amin'gny fihozongozognan'gny hazon'oliva: misy oliva ro na telo eo amin'gny rasany ambany indrindra, efasy na dimy eo amin'gny sapany abo inbrindra amin'gny hazo mamoa ---zay gny fagnambaran'i Yaveh, Zagnaharin'Israely. ⁷ Aminzeho andro zeho dra hitoliky amin'gny pahary anazy gny olo, vo gny masony gny raiky Maisn'Israely. ⁸ Sy hagnety gny alitara ereo, zay asan'gny tagnan'ereo, na hagnetyze nataon'gny rasa-tagnany, dra gny baon'Aseraha ndre reo sary masoandro. ⁹ Amin'zeho andro zeho dra hanahaky gny bao hazo nafo egny amin'gny tezon'gny havoa gny tana fatrasy orin'ereo, zay nafo noho reo vahoakin'Israely vo hazary ho lao zay. ¹⁰ Fa nagnaligno gny Zagnahariny gny famozendrareo handrareo, vo nodia-ndrareo fany gny vatolapin'gny herindrareo. Koa mamboly raha misiry soasoa handrareo, sady mametraky tahom-boaloboky voaray avy tamin'gny vahiny, ¹¹ amin'gny andro hambolendrareo, vo hamefendrareo, vo hapisiriandrareo. Sy ho ele dra hisiry gny vihindrareo, fe sy hahavagno gny voakasindrareo amin'gny andreo fahoria vo alahelo fatrasy. ¹² Loza! Gny kotaban'gny olo maro, zay miero manahaky gny fieron'gny ranomasy, vo gny fisafoaky gny firene, zay mifaoky manahaky gny fipaokin'gny rano mahery! ¹³ Hiero manahaky gny fipoakin'gny rano maro reo firene, fe ho vignisy andreo fatrasy Zagnahary. Hilefa lavisy ereo vo haza manahaky gny ahi-drasy siofin'gny rivosy egny amin'gny tezovohisy, sady manahaky gny ahi-drasy ahodikodin'gny tafio. ¹⁴ Amin'gny hariva, ingo, gny horohoro! Mialohan'gny maraindray ddra ho dify reo! Izay gny azaran'ereo zay mambabo asika, gny amboaran'ereo zay mandrobaky asika.