¹ Ka mifaly, amin'gny hafalia manahaky reo olo hafa, ry Israely. Fa sy nahatoky hanao, nahafo gny Zagnahariniha. Tianiha gny mandoa gny karama agnatahin'gny pivaro-bata amin'gny famoloa aby. ² Fa gny famoloa vo gny famiaza dra sy hamaha andreo; handiso fagnatena andreo gny divay vaovao. ³ Sy hitoesy ao amin'gny tanin'i Yaveh sasy ereo; fe koa, hihery agny Egypta i Efaima, vo ndraiky andro ereo dra hihina sakafo maloto agny Asyria. ⁴ Sy handraraky fagnatisy divay ho an'i Yaveh ereo, na hankasitrahiny. Hanahaky gny sakafon'gny pandala aminazy gny soron'ereo: ze iaby mihina anizeho dra ho voaloto. Fa gny sakafon'ereo dra ho andreo avo; sy hilisy gny fasangen'i Yaveh zeho. ⁵ Ino gny ho aindrareo amin'gny andron'gny firavoravoa voatondro, amin'gny andron'gny firavoravoa ho an'i Yaveh? ⁶ Fa, ingo, no afaky milefa amin'gny fandripaha ereo, dra hamory andro Egypta, vo handevy andreo i Memfisa. No gny amin'ireo hare volafosin'ereo--- ho lasan'gny silo maragnisy reo, vo hameno gny lain'ereo gny silo. ⁷ Ho avy gny andro fatrokafa; avy gny andro famalia. Aoky ho fatasy gny Israely aby reo raha reo. Mola gny paminany, vovery say gny olo azon-sindrimandry, nohon'gny helokindrareo lahibe vo gny fandrafiandrareo lahibe. ⁸ Gny paminany gny piamby an'i Efraima hoan'gny Zagnahariko. Fa misy fandri-boro amin'gny lalany aby, vo gny falegnany anazy dra ao am-pasangen'gny Zagnahariny. ⁹ Fa nanimba toetry fatrasy manahaky gny tamin'gny andron'i Gibea ereo. Ho saroan'Agnahary gny helok'ereo, dra ho faiziny gny fahotan'ereo. ¹⁰ Ho Yaveh ho: "Nofa an'Israely Zaho, dra manahaky gny ho nahita voaloboky tagny an'efisy. Manahaky gny voloham-bihin'gny fotoan'gny aviavy, dra nahita gny razambendrareo Zaho. Fa nagnagny Bala-peora ereo, dra nanoka-bata tamin'izeho sapy mahamegnasy zeho. Nazary mapadikidiky sahala gny sapy nitiaviny ereo. ¹¹ No gny amin'i Efraima, dra hitily manahaky gny voro gny voninahis'ereo. Sy hisy fahateraha, sy hisy fanagnan'anaky, sady sy hisy torotorogny. ¹² Ndre dra niteza zaza aza ereo, dra ho alaiko ereo dra sy hisy ho tavela. Loza ho andreo nofa mivaliky amin'ereo Zaho! ¹³ Fa nahita na'i Efraima Zaho, manahaky an'i Tyro, nambole teo amin'gny tanin'ahisy, fa Efraima dra handay reo zanany ho agny amin'gny olon-kafa ze hamono andreo." ¹⁴ Omeo ereo, ry Yaveh--- ino gny homeniha andreo? Omeo troky sy mahazo zaza vo nono ze sy magnome ronono ereo. ¹⁵ " Noho gny faharasian'ereo aby tagny Gilgala, ze nankalegnako andreo volohany. Noho gny asan'ereo feno fahota, dra ho roasiko hiboaky gny fasangeko ereo. Sy ho tia andreo sasy Zaho; pikomy aby reo manam-pahefan'ereo. ¹⁶ Misy arety Efraima, sady amiky fakan'ereo; sy mamoa reo. Ndre dra manan-zanaky aza ereo, dra ho vonoko gny zanaky malalan'ereo." ¹⁷ Ho arin'gny Zagnahariko ereo aory sy nagneky Anazy. Hazary pirerirery eo amin'ireo firene ereo.