¹ Isaky gny ta-hagnasitra an'Israely Zaho, dra miseho gny fahotan'i Efraima, vo gny asa rasin'i Samaria, akory mamitaky ereo; avy gny pangalasy, vo gny andia pandroba manafiky egny an-dalambe. ² Sy sapan'ereo tao am-pony fa saroako gny asa rasiny aby. Amizao mihodidy eo amin'ereo gny asany; magnoloa gny tarehiko reo. ³ Faly tamin'gny faharasian'ereo gny pazaka, vo tamin'gny vandiny gny manam-pahefa. ⁴ Izy aby dra pizangazanga, manahaky gny laforo nafanain'gny panao mofo, ze mizano misoron'afo hatramin'gny famolavola gny foto-koba dra mandra-pitombon'izehi. ⁵ Tamin'gny andron'gny pazakasika reo manam-pahefa dra nakarary gny vatany tamin'gny hafanan'gny divay. Nagninzisy gny tagnany tamin'ireo ze nagneso anazy. ⁶ Fa amin'gny fo manahaky gny laforo, gny hieregnany reo tetiky famitahan'ereo. Mirehisy mandrisy gny hariva totolo gny hahorian'ereo; gny amin'gny maraindray dra mirehisy manahaky gny afo midedadeda zeho. ⁷ Izy aby dra mafana manahaky gny laforo, sady mandrapaky reo ze manapaky eo amin'ereo. Fa lavo reo pazakany aby; sy nisy nitoka Anahy ereo. ⁸ Nifangaro tamin'ireo olo i Efraima. Mofomamy fisaky ze sy bo navaliky i efraima. ⁹ Fa nandevo gny reo firene hafa, fe sy fatany zeho. Volo fosy gny mifafy aminazy eo, fe sy fatany zeho. ¹⁰ Gny avognavon'Israely dra vavolombelo miapanga anazy; ndre zeha aza, dra sy nihery tamin'i Yaveh Zagnahariny ereo, na nitalia Anazy, ndre dra teo aza zeho iaby zeho. ¹¹ Efraima dra manahaky gny voromailala, minomino fahatany sady sy misy zay, mitoka fatrasy agny Egypta, boakeo nitily ho agny Asyria. ¹² Nofa mandeha ereo, dra ho velariko eo amin'ereo gny haratoko, hazosoko gny voron'gny lagnisy ereo. Hagnasazy andreo ao amin'gny firohotany Zaho. ¹³ Lozan'ereo! Fa nilefa Anahy ereo! Avy amin'ereo eo gny fandringana! Nikomy taminahy ereo! Tokony hagnavosy andreo Zaho, fe nizaka vandy taminahy ereo. ¹⁴ Sy nihiaky taminahy tamin'gny fony aby ereo, fa midradradradra eo am-pandriany. Mindray mivory ho an'gny vary vo gny divay vaovao ereo, dra mivio miala Aminahy. ¹⁵ Ndre dra napianasy andreo sady nagnafatrasy gny sandriny aza Zaho, dra miteti-drasy hanohisy Anahy ereo amizao. ¹⁶ Mihery ereo, fe sy mihery Aminahy, gny Avo Indrindra. Manahaky gny sipiky miraviravy ereo. Ho lavo amin'gny mesa nohon'gny fizakam-pahatan'gny lelany gny manam-pahefan'ereo. Zeho gny ho zary fagnesoan'ereo ao amin'gny tany Egypta.